Home » Boto, lifejacketnan y varios otro articulo haya riba beach di Dos Playa, ta indica cu ilegalnan a bolbe drenta Aruba

Boto, lifejacketnan y varios otro articulo haya riba beach di Dos Playa, ta indica cu ilegalnan a bolbe drenta Aruba

by Admin
0 comment 99 views

Parke Arikok, Dos Playa: Diadomingo den oranan di mainta alarma a wordo bati, despues cu a bin topa cu un boto basta kibra riba beach di dos playa, tambe banda di e boto a bin topa cu algun lifejacket y varios otro cos mas riba e beach.
Tambe lo a nota algun persona straño canando den parke y aparentemente nan lo a subi un auto bay.

Mesora varios patruya di polis a wordo manda na e sitio, enberdad nan a topa cu e boto kibra y varios cos den cercania di e boto. Polis a confisca e lifejacket y varios otro articulonan cu a wordo haya banda di e boto.

Polis a cuminsa busca den e area unda cu lo a mira e hendenan aki ta cana, tambe cooperacion di e helicopter di polis a wordo pidi pero lamentabelmente sin resultado. Mas sigur e hendenan aki lo a wordo busca for di den Parke Nacional hopi lihe.

Manera polis ta yame aanlanding (ilegalnan a subi tera), e cantidad di aanlanding ta mustra cu a bira menos, door di e radar, controlnan mas severo, pero asina mes manera nan haya un oportunidad nan ta drenta nos isla. Den pasado mayoria bes e aanlandingnan tabata na e parti di Colony, pero mirando cu autoridad tabata y ta haciendo esaki cada biaha mas dificil, e ilegalnan ta escohe pa riska nan bida y drenta den e bocanan peligroso panort di Aruba tambe.

Ilegalnan hopi biaha ta trece articulonan prohibi tambe, na varios ocasion a yega di haya nan cu arma di candela, animalnan prohibi y droga. Ban spera cu pronto autoridad por logra pone man riba e ilegalnan aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio