Home » Mientras mama tabata sinta dilanti den auto humando marihuana, yiu di 4 aña sinta patras a tira su mes

Mientras mama tabata sinta dilanti den auto humando marihuana, yiu di 4 aña sinta patras a tira su mes

by Admin
0 comment 64 views

Resultado di autopsia a confirma cu e Jarion Walker (4) a tira su mes.

Westwego,Louisiana, Merca:
Diasabra den careda di 10’or y 45 di anochi, un mucha homber di 4 aña jama Jarion Walker, na Louisiana a fayece despues di a tira su mes fatalmente den cabes.

E caso lamentabel y tristo aki a sosode den e centro di Westwego, un suburb di New Orleans.

E criatura tabata sinta patras den auto, hunto cu dos otro criatura mas, un di 22 luna y un otro di 1 aña. Den e auto dilanti tabata sinta e mama di e criatura, hunto cu un otro persona adulto mas. Mientras e mama y e otro persona tabata humando nan marihuana, nan a wordo sorpresa pa un tiro, na momento cu Jarion Walker (4) cu tabata sinta patras den e auto a logra pasa man pa e arma di candela di su tata y hungando cu ne a tira su mes den cabes. Asina autoridad di Louisiana a duna di conoce.

E tiro tabata hopi di cerca net riba su wenkbrauw drechi.

E criatura a wordo transporta cu urgencia pa un hospital, unda e la fayece. Te na e momento nan aki no tabata tin niun detencion, maske cu e recherchenan ta investigando e caso aki.

Segun Officier van Justitie, no ta na su luga pa aresta niun persona na e punto aki. Nan a caba di perde un yiu y sigur e no tabata intencional.
E arma cu e criatura a usa tabata di su tata. E mucha a haya e arma scondi bou di e sienta di auto.

Despues di e caso tristo aki, autoridad a pidi tur persona cu tin un arma den nan poder pa pone un caminda mas sigur y nunca laga un arma di candela den auto of na alcanse di mucha.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio