Chauffeur di un V-car a hit and run un mucha riba bais, e mucha a keda herida

Hadicurari:
Diaranson den careda di 6’or di atardi, Chauffeur di un Hyundai Accen a hit and run un mucha riba bais na altura di Marriot Surf Club. E ciclista un hoben di 14 aña a keda herida.

E chauffeur di e auto cu a dal e  mucha no a para pa su responsabilidad. E auto a sigui core y a drenta den e parkinglot di Marriot hotel.

Polis y ambulance a bay na e sitio. E paramediconan di ambulance despues di a trata e hoben na e sitio a transporte pa hospital. E Polisnan na e sitio a atende cu e accident.

E hoben riba su bais probablemente tabata biniendo di panort y e auto tabata biniendo di pazuid, e la lora dilanti di e bais, impacto fuerte a laga e hoben herida. Despues cu e la dal e mucha riba bais, e chauffeur di e auto a sigui core drenta den e parkinglot di Marriot hotel.

Despues di basta rato a bin topa cu e auto cu a hit and run e hoben riba su bais. Tabata trata di un v-car Hyundai Accent Blanco, e auto tambe a haya daño material, na e parti di dilanti, e windshield y riba e hood. Polis a confisca e auto pa mas investigacion.