Home » Ad Patres Funeral Home & Crematorium: GRADICIMENTO

Ad Patres Funeral Home & Crematorium: GRADICIMENTO

by Admin
0 comment 134 views

Permitinos un momento den Boso hogar pa Nos expresa Nos mes.

Na Boso cu tawat’ey pa Nos, sea den oracion, of door un simpel yamada telefonico, pa e cariño cu Boso a manda Nos, pa e areglo floral, simplemente pa e atencion cu Boso a tuma tempo pa duna Nos maske hopi ni conoce Nos mes pero sa con duro e golpi aki tawata. Di profundo di Nos curason Nos ta bisa DANKI, DANKI, DANKI!

Na e comision, cu a sa di scohe e personanan perfecto pa rindi honor na Nos ser stima, THANK YOU very much!

Na Boso, esnan cu a scucha e peticion di e comision y a contribui dunando Boso tempo y talento pa rindi honor na Nos ser stima, Danki.
Ad Patres, tremendo trato! Misa Sta. Teresita, hopi bon cooperacion! Bunita cooperacion entre e Motor Brigade y e Motorcycle club!

Aruba, e pueblo di Aruba y esnan den exterior, Boso muestra di atencion ta di aprecia y tawata un gran sosten pa Nos famia. Ta imposibel menciona cada organisacion cu a saca un man na Nos, Nan ta hopi! Nos gratitud ta grandi. E ta dificil pa pone den djis un palabra DANKI!

Aruba a demonstra e amor grandi pa Su prohimo y a sa di uni pa un solo causa duna Nos tata, ruman, omo, welo, primo y subrino Roberto, cariñosamente yama Daddy, opa Daddy, Roby y Oby un despedida digno di Su persona.
E Chabalito di Weg Fontein nunca por a soña y kere e impacto cu Su bida lo bai tin riba Su prohimo. Nos ta keda atras cu un bashi imenso, pero hopi agradecido di a forma parti di Su bida y por a mira e amor cu tur tawatin p’e.
Cu Dios Tata Todopoderoso bendiciona cada un di Boso y keda semper cu Boso!

Atentamente: Famia di Robert Francisco Geerman; 23 augustus 1959 – 17 januari 2022

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio