Diabierna anochi, mayornan y tambe de mas famia di Jeandrick Oduber tabata para dilanti warda di polis na Shaba, na momento cu Jeandrick Oduber a wordo laga den libertad, por a mira un alegria enorme riba cara di e familiaresnan na momento cu e hoben Jeandrick a sali for di e porta di Warda di polis na Shaba.
Shaba: Diabierna ordo a yega na warda di polis na Shaba pa laga e hoben Jeandrick Oduber mesora den libertad. Den careda di 7’or y mey di anochi Jeandrick, kende ta yiu homber mayor di ex Minister Otmar Oduber a wordo laga liber. Segun Ministerio Publico e la wordo deteni diamars ultimo, relaciona cu e investigacion andando riba Caso Flamingo.
Despues di algun dia di interogacion, muy probablemente e recherchenan riba e caso no tabata tin mester di dje mas, mesora a sali un ordo pa e wordo laga den libertad. Na momento cu e la sali pafo di e Warda di Shaba su mayornan y algun familiar tabata wardando riba e hoben aki, caminda e la wordo ricibi cu brasa y sunchi.
