Home » Pickup clasico chikito a bolter riba Avenida Nelson O. Oduber, chauffeur a keda herida

Pickup clasico chikito a bolter riba Avenida Nelson O. Oduber, chauffeur a keda herida

by Admin
0 comment 88 views

Diadomingo marduga presencia di polis pidi cu urgencia riba Avenida Nelson O. Oduber pa un pickup cu a bolter y cu tabata tin un persona herida.

Avenida Nelson O. Oduber/ex Sasaki: Diadomingo algo despues di 3’or di marduga, poco pazuid di Superfood, un pickup clasico chikito, color cora, maneha pa un homber tabata biniendo di pazuid y pa un of otro motibo e chauffeur a perde control completo riba e auto.

E auto a baha caminda na su man drechi, e la ranca un palo di lus completamente y a baha den e bahada pariba di caminda, unda aparentemente e auto lo a bolter y a bay pega contra un mata di Hubada. E impacto fuerte a saca e chauffeur for di e auto y e la bay cay den un mondi di Hubada.

E chauffeur tabata herida, e tabata tin un corta na su nek y tabata tin hopi dolor na su lomba. Polis a pidi pa presencia di ambulance cu urgencia. Dos ambulance a presenta, e paramediconan di ambulance a trat’e chauffeur na e sitio y despues a transport’e pa hospital.

Presencia di Elmar tambe a wordo pidi pa drecha e palo di lus y e wayanan cu tabata colga abou, na varios ocasion polis mester a hala atencion di e mironesnan cu no tabata mira e peliger di e wayanan di coriente colga abou.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio