Home » Segun partido AVP: E RUTA ALTERANTIVO PA CU COHO

Segun partido AVP: E RUTA ALTERANTIVO PA CU COHO

by Admin
0 comment 65 views

 

 

 

Den un nota amplio partido AVP a presenta un ruta alternativo pa yega na proposicionnan pa fortifica nos pais y sigura un recuperacion socio-economico pa henter Aruba. Esaki mester ta base pa habri un dialogo di nobo dentro di Reino y dentro cada pais di Reino. Ta door di un proceso di dialogo cu tur esnan cu lo wordo afecta door di e maneho, cu AVP ta mira cu por yega na proposicionnan cu ta wordo carga door di parti grandi di nos pais. Pasobra ta trata di esencia di calidad di bida di nos comunidad.

 

Den un reuda di prensa awemainta henter e fraccion encabesa pa Mike Eman, a presenta e nota aki cu lo ta e posicion di AVP den e raport di Staten di Aruba cu lo bay pa parlamento y gobierno di Hulanda. Mike Eman a enfatisa cu henter mundo ta den un refleccion riba e rumbo cu mester escohe despes di e efectonan grave di e Pandemia. No ta Reino so, no ta Aruba, Curacao y Sint Maarten so, pero prácticamente tur País na mundo tin cu haci ehecisionan grandi pa contempla riba nan modelo socio económico, nan structuranan di educación y salud y hopi mas faceta cu ta determina e calidad di bida di nan ciudadania. Temanan grandi di cambio cu no wordo consulta cu Pueblo, cu ta worde traha den un camber sera y acorda no ta bai tin e “draagvlak” y participación rekiri.  

 

Pa AVP e consenso cu ta bisa cu tin riba e proposicionnan di COHO, RAFT y Landspakket, no ta un consenso real. Mike Eman: “Un consenso real no ta ora un gobernante su so ta firma pa henter un pais, sin cu tabata tin un debate y participacion cu parlamento, cu gremionan, cu cada unu den nos comunidad riba locual nos ta mara nos na dje”. Segun AVP ta ora e proposicionnan ta wordo traha hunto y carga door di parti amplio di tur comunidad, Bo por yega na concsenso real. Awor aki trahadonan di Aruba, e patientnan, e maestronan di scol no sa kico ta bay sosode. Pesey AVP ta propone un ruta di dialogo, AVP ta propone un ruta alternativa.

 

Lider di AVP, Mike Eman y Ryçond Santos Do Nacemiento a pone atencion amplio na e dialogo cu AVP ta propone y con nan ta wak cu e mester sosode den cada pais di Reino y despues entre paisnan di Reino. Pa ilustra e urgencia di un proceso di dialogo, a mustra riba e problema cu tin na Hulanda y Europa awor aki cu ta un distancia entre Union Europeo y ciudadanonan. Eman a cita di un rapport, “De wil van het Volk, Erosie van de democratische rechtsstaat in Europa”. Esaki ta un rapport cu un conocido experto constitucional den Reino encabezando e comision di Commissie Mensenrechten a contribui na su contenido, esta Prof.dr. E.H.M Hirsch Ballin. Den e rapport aki ta worde mustra riba e consecuencia di falta di dialogo den e contexto di Union Europeo cu a conduci na “een proces van vervreemding [zien] van burgers van de instituties waarop de democratie en de rechtsstaat zijn gestoeld”. E rapport ta splica con dor di falta di scucha e voznan di inquetud a crea distancia y falta di acceptacion: “De kracht van de politiek-ideologische keuze voor liberalisering van markten en het reduceren van beschermende structuren was echter zo groot, dat de politieke mainstream maar heel weinig van die tegengeluiden in zich opnam”. Eman ta envatisa e fragmento aki mustrando cu imposicion di escohencinan cu un color ideologico sin ta habri pa e preocupacionan a crea e distanciamento aki den Union Europeo. 

Eman a cita tambe un otro fragmento di e rapport di Union Europeo cu ta mustra cu a busca consensus, mescos cu a pasa serca nos, na e nivel mas halto, pero nunca cu e donjonan di curpa, e pueblo mes: “De politieke gerichtheid op consensus is op zichzelf niet verkeerd, maar begint als het ware te vroeg in het verloop van de democratische wilsvorming, namelijk nog voordat de tegenstellingen herkenbaar en doeltreffend waren gearticuleerd”. E comision pa adresa e situacion na Union Europeo a mustra kico ta pasa ora tin falta di dialogo. E eror aki no tin mag di sosode na Aruba. AVP ta haci un yamada cu su nota na Eerste Kamer y Tweede Kamer di Hulanda pa habri e dialogo pa yega na consenso den Reino. AVP ta propnene den su nota un ruta alternativa. Pa e motibo aki AVP ta tuma e iniciativa pa organisa e dialogo cu Pueblo y cu gremionan na Aruba. Un dialogo nacional for di cual lo mester sali proposicionnan cu Aruba lo por hiba mesa cu Hulanda pa remplasa e proposicionnan cu tin riba mes awor aki. AVP a tuma desicion cu ta bay papia cu henter Pueblo pa yega na proposicionnan cu ta wordo carga den Pueblo.

Dr. Ryçond Santos Do Nacemiento a evalua e COHO, RAFT y Landspakket for di punto di bista di Statuto di Reino y a mustra riba e echo cu e forma cu a yega na e proposicionnan y e forma di tuma desicion, no ta conforme cu Statuto di Reino. Tambe ela mustra cu e dialogo mester ta e base di cualkier proposicion pa e ta realmente democratico. 

 

Cu presentacion di e nota riba COHO (RAFT y Landspakket) partido AVP no solamente ta subraya su posicion cu cada biaha ta bira mas cla, esta cu AVP ta scohe pa Reino, cu AVP ta sigui contribui na bon relacionnan di cooperasion den Reino, pero cu AVP ta rechasa proposicionnan cu ta toca bida di henter Pueblo, si no a consulta cu Pueblo riba esakinan. Mas ainda AVP ta mustra cu riba tanto e proceso pa yega na e proposicionnan di COHO, RAFT y Landspakket, como e contenido di esakinan, ta viola principionan den Statuut of ta proposicionnan cu na Hulanda y Europa mes a wordo cualifica como malo pa e comunidad. Un ehempel masha cla ta e asina yama “liberisacion di mercado laboral”. E liberalisacion di mercado laboral na Europa (incluso Hulanda) a causa instabilidad pa miles di trahado y nan famianan, door di e maneho di tuma hende na trabao riba base temporal, door di causa salarionan mas abou y inseguridad di trabou, cu a hiba na e aumento di pobresa. Esaki ta conta tambe pa BTW, e recorte di salario, e recorte den salubridad publico, e ley cu ta bai afecta entrada di tur esnan cu ta traha den compnainan estatal, no unicamente esnan na cabez, pero e ley aki lo trickle down y afecta tur hende nan salario den empresanan aki. AVP no ta wak niun necesidad pa proposicionnan asina cu a fracasa na Europa mes caba. Loke AVP kier wak ta proposicionnan cu ta wordo discuti den seno amplio di comunidad y cu ta wordo carga door di un majoria grandi den comunidad. Pa yega na proposicionnan asina, AVP ta propone un di dialogo amplio den cada pais y entre paisnan di Reino, prome cu dicidi kico ta haci riba tur tereno. E proceso cu AVP ta propone yama un dialogo real y amplio, esaki ta e ruta alternativa cu AVP ta substancia den su nota.!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio