Home » Candela posiblemente cuminsa na e fryer: Truck di cuminda Mega Burger a kima

Candela posiblemente cuminsa na e fryer: Truck di cuminda Mega Burger a kima

by Admin
0 comment 123 views
Noord – Diabierna atardi algo prome cu 6:30 brandweer a sali pa un truck di cuminda na candela, esaki ta staciona cerca di un gym na Noord.
Mega Burger na candela

For di leu esnan den vecindario por a mira huma. Polis cu a yega prome mesora a solicita pa brandweer yega mas lihe, mirando unda e truck ta staciona cu ta net dilanti di un supermercado.

Brandweer na su yegada

Bomberonan na yegada mesora a drenta accion evitando cu e candela lo expande y cende e luga su tras.
Den un tempo cortico brandweer a sa di domina e candela, cu lamentablemente a destrui gran parti di e truck di cuminda.

Doño di e truck

Na e sitio e propetario a conta cu semper ora e yega atardi e cende candela pa asina e fryer ta cla pa ora mester cuminsa haci cuminda.
Diabierna atardi cos a bay otro, unda cu algo a bay robes y cende candela.

Debi na e cayente un cooler di refresco a explota ariba dje causando cu e candela a bira mas grandi.

Ningun persona a ser herida, pero daño material si ta considerabel.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio