Home » DEPARTAMENTO DI ASUNTONAN ECONOMICO TA RECORDA PUEBLO DI ARUBA RIBA E APP PA CONTROL DI PRIJS

DEPARTAMENTO DI ASUNTONAN ECONOMICO TA RECORDA PUEBLO DI ARUBA RIBA E APP PA CONTROL DI PRIJS

by Admin
0 comment 97 views

 

ORANJESTAD – Departamento di Asuntonan Económico ta recorda cu e APP ‘Control di Prijs’ ta disponibel pa download riba GOOGLE PLAY pa android devices y APP STORE pa apple devices.

Meta di a APP ta pa empodera e consumidor: Na tur momento brinda consumidornan y comerciantenan acceso na e prijsnan maximo stipula pa productonan di canasta basico. Durante compras consumidor por acudi na e APP pa check si e prijsnan den supermercado ta cuadra cu e prijsnan stipula pa gobierno. Asina e consumidor tambe tin un instrumento pa por controla e prijs di productonan di supermercado pa por haci su compras conscientemente. 

Tambe e APP ta un instrumento pa e comerciantenan keda up-to-date di cambionan di prijs y cumpli cu prijsnan regula pa gobierno. 

Banda di prijsnan maximo di canasta basico e APP ta brinda informacion riba:

  • prijsnan regula pa productonan petrolero, 
  • prijsnan regula pa LPG-gas pa consumo domestico di 100 lbs.
  • Prijsnan regula pa webo local y importa
  • Prijsnan regula pa pan blanco
  • Macuto di compras

Tambe por bishita nos website www.deaci.aw pa tur informacion y updates riba prijs di productonan regula y Macuto di Compras.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio