Home » Segun Mervin Wyatt-Ras: Minister Xiomara Maduro a duna su amigo(a)nan politico dienstverleningsovereenkomst, locual ta impugna na bon gobernacion

Segun Mervin Wyatt-Ras: Minister Xiomara Maduro a duna su amigo(a)nan politico dienstverleningsovereenkomst, locual ta impugna na bon gobernacion

by Admin
0 comment 95 views

 

 

Durante e reunion cu a trata overbruggingstoelage pa politico of politieke ambstsdragers diaranson dia 1 di juni parlamentario drs. Mervin Wyatt-ras a haci diferente pregunta. Entre otro el a puntra si minister encarga cu FInanzas banda di a paga overbruggingstoelage mas tempran encontra di ley, a duna alabes cierto politiconan dienstverleningsovereenkomsten. Maduro no a nenga. El a trece padilanti cu el a duna cierto politicionan tareanan y pues duna nan dienstverleningsovereenkomst. Segun minister di Finanzas e politiconan di Aruba ta esun di mas mal paga den region. Tambe ela a menciona cu e politico no tin fall back position. Segun Wyatt-Ras un politico tin mas fall back position cu nos pueblo.  Netamente na e momento cu e pago mas tempran a ser haci dor di e minister na 2021 na su amigonanan tabatin un cantidad grandi di cuidadanonan cu no tabatin entrada ni di loonsubsidie ni FASE sin ningun yudansa financiero. E minister aki enbes di yuda nos pueblo ta skohe pa yuda su mes y su amigonan politico. Esaki no ta ta corecto. E ta control ley y impugna na bon gobernacion. 

Pa e usa e argumento cu ta begunstigend beleid tampoco no ta cai den bon tera, paso pa pueblo bo ta papia di begunstigend beleid. Ora ta trata su mes como politico pa begunstig su mes, ta papia di favoritismo y di nepostismo.

Aki por constata cu ministernan di e Gabinete actual, manera Maduro y su boezem vriendin Wever-Croes cu ta yama nan mes integro y cu ta papia di bon gobernacion, no ta tene nan mes na reglanan di buena conducta ni di deugdelijk bestuur.  Nan a pasa henter reunion ta inventa smoesjes pa hustifica nan mes. 

Wyatt-Ras ta menciona alaves cu e gobierno aki cu tanto a critica gobierno di AVP y a yama ministernan di AVP pa tur sorto di cos, entre otro cu nan no ta integro, awe ta resulta mas y mas cu nan mes no ta integro. 

Ademas e minister di finanzas ta gasta placa pa loco, entre otro pa lease un Lincoln ultimo modelo y di coriente, ta pesey CAFt a critica gobierno energicamente den su rapport di dia 10 di mei ultimo encuanto presupuesto 2022. 

Den e rapport ta trece padilanti cu “het verbruik van goederen en diensten is voor 2022 AWG 33 miljoen hoger begroot dan de realisatie in 2021 en is AWG 39 miljoen hoger begroot dan de gemiddelde uitgaven in de pre-corona jaren 2015 tot en met 2019”. Aki por mira cu gastonan di luho ta mas halto cu presupuesto di anjanan anterior.

Alabes ta paga hopi mas pa esnan cu ta ehecuta cierto tareanan pa gobierno: “De uitgaven aan inhuur van externen of opdrachtverlening aan derden laten een forse stijging zien”. 

Tambe huur di edificionan a aumenta excesivamente: “Ook is de huur aan gebouwen de afgelopen jaren excessief toegenomen (40 procent stijging in 2022 tin opzichte van 2016). E necesidad di e gastonan aki no ta ser splica suficiente. 

Pa loke ta trata personal den 2022 por constata cu esaki a subi cu 15 miyon en comparacion cu realisacion 2021: “ De personeelslasten van AWG 433 miljoen nemen in de begroting 2022 met Awg. 15 miljoen toe ten opzichte van de realisatie 2021.” Aruba no ta cumpli cu e norma stipula. CAft desde 2018 a conseho pa ehecuta e Beleidsplan Verlaging Personeelslasten (BVP) sinembargo esaki no a tuma lugar. Asina por menciona mas. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio