Riba 5 september proximo Iniciativa pa Desaroyo di Empresa Arubano (Idea) ta presenta su curso “Empresario Prepara II” cual ta wordo organisa door di Departamento di Asuntonan Economico, Comercio y Industria.
E curso aki ta wordo duna desde aña 2012 cu IDEA ta existi. IDEA e anja aki a cumpli 10 aña di existencia den luna di februari y un di e servicionan mas importante di IDEA ta e parti di educacion cu pa tur persona cu ta desea di habri un negoshi of cu tin un negoshi existente.
Meta di e curso aki ta:
- pa yuda nos clientenan y futuro empresarionan con pa crea un cultura innovativo den nan negoshi,
- con pa cumpli cu nan debernan cu e pago di impuesto,
- con pa diseña un website y sigui engradece e nivel di informacion y strategia pa haci di nan negoshi uno exitoso y
- con pa maneha nan negoshi den un forma mas eficiente y manera debe ser.
E curso ta consisti di e siguiente topico nan:
- Create a Culture of Innovation, cu lo wordo presenta door di sr. Edward Erasmus
- Small Business Tax, cu lo wordo presenta door di sra. Cindy Clark
- Developing Brand Awareness for Customer Satisfaction, cu lo wordo presenta door di sr. Neville Thode
- Leadership and Management, cu lo wordo presenta door di sr. Dave Martinus
Empresario Prepara lo cuminsa dia 5 september 2022 y ta consisti di 19 les (dos biaha pa siman, riba dialuna y diaranson). E curso lo termina 14 november 2022. Horario ta 7.00 pm pa 9.15 pm y pa e lesnan lo tin un schedule cu lo mester tene cuenta cune. Den e prome siman di oktober lo tin dos dia di vakantie, riba 3 y 5 di oktober. E curso lo wordo duna riba e plataforma di Microsoft Teams. Un sistema mas fasil pa por participa na un curso via cas y mas trankilo, despues di un dia di trabou.
Curso “Empresario Prepara II” ta costa solamente Afl. 285,-. E ta un suma basta rasonabel pa por cubri cu gastonan pa paga nos docentenan. Maximo participacion ta conta pa completa e curso y na final di cada topico, e participante mester pasa cada examen cu éxito pa logra e certificado.
Criteria pa atende curso “Empresario Prepara II”:
- Ta preferibel pa tin nivel di MAVO of equivalente. Diploma no ta necesario.
- Mester tin conocemento di computer y di e plataforma Microsoft Teams.
- Conocemento basico di papiamento, hulandes y ingles ta necesario.
Pa mas informacion y inscripcion por yama oficina di IDEA na 521-2439/521-2440/521-2400 of por manda un email na [email protected] of [email protected].
Tambe por like IDEA su Facebook pagina: Idea-Aruba.