Home » Kuerpo Polisial di Korsou ta informa: Kurpa di turista Hulandes perdi a wordo localisa

Kuerpo Polisial di Korsou ta informa: Kurpa di turista Hulandes perdi a wordo localisa

by Admin
0 comment 119 views

Kurpa sin bida di turista Hulandes lokalisá

Willemstad, Korsou:
Den oranan di anochi di djasabra 30 di yüli 2022, personanan ku tabata okupando nan mes ku e búskeda di e turista Hulandes den mondi di Jeremi, a sinti un holó fuerte i desagradabel.
Debí ku e área ei tabata bastante sukú kaba, a opta pa para e búskeda i kontinuá e dia siguiente.

Djadumingu 31 di yüli den oranan di mainta, a sigui buska den e área for di unda e holó tabata bini.
I einan a bin topa un kurpa sin bida, ku despues a resultá di ta di e hòmber Daniel Dresden nase 13 di aprel 1977 na Hulanda, kende for di djamars último tabata registrá komo pèrdí.
E kurpa aki ya tabata den un estado bastante avansá di deskomposishon.

E tim di Reshèrshi Forensiko a hasi nan investigashon na e sitio, miéntras ku dòkter di polis tambe tabata presente.
For di investigashon a sali na kla ku no tabatin krímen den e kaso aki.

Durante di e operashon aki a partisipá un kantidat grandi di boluntario ku no solamente tabata enkargá ku e búskeda, pero tambe di yudansa i sosten na e famia ku tabatin gran nesesidat di esaki.

Kuerpo Polisial ta gradisí tur ku a duna un man di dia i anochi sin ningun interes a kambio.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio