Home » Un berdadero asociacion entre IBISA y The Freewinds, ta trece un Caminda pa Felicidad pa un mihor futuro pa nos hobenan.

Un berdadero asociacion entre IBISA y The Freewinds, ta trece un Caminda pa Felicidad pa un mihor futuro pa nos hobenan.

by Admin
0 comment 90 views

 

Oranjestad, Aruba

Siman pasa sr. Esmond Jones y un representante di Freewinds, a traha hunto pa parti e bukinan di E Caminda pa Felicidad, na tur e hobenan participando den e” Summercamp” di Ibisa.

Ibisa Sport Center pa varios aña ta trahando cu Freewinds ehecutando diferente projecto riba nos isla y esaki ta otro projecto pa nos comunidad asegurando cu e hubentud di Aruba por tin un mihor futuro.

 

Den e mundo complica di awendia e hubentud ta lucha pa sobrebibi. Tin biaha nan ta victima di “BULLYING” na scol of problemanan na cas cu ta strobe nan haya e caminda pa nan felicidad. 

Pesey IBISA ta y The Freewinds ta hasi un esfuerzo pa duna e muchanan den e “Summer Camp” información valioso y conocemento cu nan por compronde fácilmente pa asina nan por usa esakinan inmediatamente pa crea un mihor bida pa nan mes, nan famia y nan amigonan.

 

Mientras e muchanan tawata pasa den e buki nan tawata tin un sonrisa grandi na nan cara y nan ansha di siña mas tawata hopi contagioso. Nan tur a haya un copia di e buki y tin di nan a tuma extra pa hiba cas.

E CAMINDA PA FELICIDAD TA UN BUKI DI UN CODIGO MORAL NO RELIGIOSO Y TA BASA SOLAMENTE RIBA SENTIDO COMUN. E TA YENA E BASHI MORAL DEN UN SOCIEDAD CU DIA PA DIA TA MAS MATERIALISTA. E TA CONTENE 21 PRECEPTO BASICOCU TA GUIA UN HENDE PA BIBA MIHOR.

Sr. Esmond Jones sa e valor di e bukinan aki pasobra nanta yuda e hobenan y nan mayornan y e comunidad. Ela expresa lo siguiente: ”Tawata un placer cu e Freewinds a yega cerca nos y parti e bukinan pa e muchanan. E muchanan tawata contento y a hiba buki pa nan mayornan na cas.

Esaki tawata hopi bon!Mi a gusta e sistema cu boso ta trahando. Asociando cu IBISA Sport Center pa mehora nos comunidad. ”Boso a hasi varios cos pa nos den pasado, boso a yuda desinfecta IBISA Sport Center pa asina e hobenan por a hasi usa di e facilidadnan aki den temporada di Covid-19, y awor boso ta yuda nbos parti e bukinan aki. Mi tambe tin un copia di e buki. E ta un mensaje positivo pami y pa e muchanan.! Danki cu boso a bin.!”

Freewinds semper ta cla pa yuda e comunidad Arubano y e otro islanan cu e ta bishita.

Si bo ta desea bo propio copia di e buki E Caminda pa Felicidad, contact nos na [email protected] pa organiza un lugar pa busca of pa entrega bo copia personal.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio