Hooiberg – Diasabra anochi algo pasa di 10:30 polis y ambulance a bay pariba di Ex Well Well Bar Restaurant, unda a sosode un accidente di trafico serio.
Polis na yegada a topa cu dos auto, un Kia Sportage y un Infiniti.
Ambos chauffeur a ricibi golpi den e accidente.
Na e sitio nos a compronde cu e Infiniti maneha pa un cabayero pa un of otro motibo lo a swing ariba caminda y ta topa cu e Kia Sportage maneha pa un dama biniendo di pabou.
Durante di e impacto ambos airbag di e Sportage a bula y esaki a dal e señora chauffeur. Por a mira un Paramedico tawata papia cu ne y tawata mustra cu e lo ta bay ta ok.
Pa locual ta trata e chauffeur masculino, cu ayudo di un Paramedico e la ser yuda pa sali di e auto y canado ariba su mesun forsa a subi e ambulance. Unda e ta wordo transporta pa Hospitaal pa haya tratamento medico mas avansa.
Polis di trafico y Forensys tambe tawata na e sitio pa tuma dato y atende ambos partido.
D.O.W tambe a ser pidi pa basha tera ariba e caminda, debi cu a keda basta azeta ariba e caminda.
