Home » Pelea den Parke Curason, a termina cu un persona a perde conocimento un rato

Pelea den Parke Curason, a termina cu un persona a perde conocimento un rato

by Admin
0 comment 179 views

Jaburibari – Diabierna atardi polisnan a bay pa un bringamento den Parke Curason.

Na yegada den e parke, nan a wordo dirigi parti pabou di e veld di futbol, eynan e victima tawata.

Polis a compronde cu e victima te hasta a perde conocimento pa algun rato. E agresor mas cu claro no a keda warda pa polis yega, y a bandona e sitio den un Kia Cerato color scur.

A pidi ambulance na Parke Curason, pa Paramediconan controla e victima cu tawata for di tino un rato despues di e bringamento. Aunke cu e la bin bek na tino, polis tawata desea toch pa Paramediconan tira un bista, nan a cana cu ne bay unda e ambulance a para banda di pariba.

No ta conoci kiko a conduci na un bringamento den e parke aki, aunke cu mester bisa cu na varios ocasion e sitio aki ta conoci pa pelea y mas cos.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio