Caya Frere Alexius – Diadomingo anochi pa mas o menos 10:30 polis y ambulance a bay cu urgencia den e Caya Frere Alexius, unda cu auto a dal un persona y e lo a keda ariba caminda.
Na yegada polisnan a topa cu un bicicleta cu ta pertenece na un persona masculino di edad.
Segun nos a compronde cu lo tawata trata di un caso di hit&run. Polis a cera e caminda den ambos direccion cu e lint geel.
Algun rato despues polis di trafico a presenta y asina cuminsa haci su investigacion.
Paramediconan na e sitio a stabilisa e homber prome y despues a sali cu urgencia direccion Hospitaal. Na yegada di polis e tawata por a comunica cu agentenan, splicandonan mas o menos kiko a pasa.
Caminda a keda cera algun rato pa polis por a compila mas hopi dato posibel.
