Home » Maneho y Baloracion di Recurso Humano den OE AZV ta inclui diferente actividad

Maneho y Baloracion di Recurso Humano den OE AZV ta inclui diferente actividad

by Admin
0 comment 179 views

 

 

OE AZV mediante esaki ta desea di duna su reaccion riba articulonan den prensa relaciona cu su actividad di fin di aña. Prome cu tur cos OE AZV tin comprension pa e preocupacionnan expresa, principalmente den luz di e desaroyonan den e sector di cuido. Di otro banda OE AZV a tene na cuenta desaroyonan interno di su organisacion y retonan cu mester a enfrenta e ultimo 3 añanan. 

 

Hopi cambio

Nos organisacion a conoce un aumento grandi den presion di trabao desde pandemia pa motibo cu un banda a corta den personal y di otro banda di trabao diario, empleadonan mester a percura pa ehecucion di e asina yama “5 wave model”. Ademas nos organisacion mester a pasa den un trayecto di cambionan pa crea atrobe un luga di trabao sigur, saludabel y placentero. Sin duda e ultimo aki tabata un peso pa e salud mental den e organisacion. 

 

Evaluacion

A considera tambe cu durante 2022, empleadonan a entrega mas o menos mey miyon florin di nan entrada na e fondo di AZV. Evaluando tur e desaroyonan aki den luz di e resultado positivo pa e fondo di AZV, di e bon trabao realisa den 2022 y di e cambio necesario den e organisacion, gerencia a considera necesario, despues di dos aña, continua cu e actividad di fin di aña pa gradici su empleadonan pa e bon trabao desplega ultimo 3 añanan y gradici pa nan pasenshi pa cu e cambionan den organisacion. OE AZV tin comprension pa e incomodidad cu e actividad por a causa.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio