ORANJESTAD – Diabierna 27 di januari, Lotto, e loteria di Aruba, ta contento di por anuncia lansamento di un producto nobo ‘Instacash’, cual lo bay tin diferente weganan cu ta duna bo e oportunidad pa gana placa cash al instante!
Abo ta cla pa gana placa instantaneamente y no mester warda pa un sorteo? Desde dialuna awo, Instacash lo cuminsa cu tres wega cu ta consisti di 5X The Cash, 10X The Cash y 20X The Cash.
E wega di 5X The Cash ta costa solamente 2 florin cu lo tin diferente premio cash y bo por gana te cu 3.000 florin. Tambe tin e bonus feature cu bo por multiplica bo premio te cu 5 biaha. E wega di 10X The Cash ta costa 3 florin, bo por gana diferente premio cash te cu 5.000 florin y bo por multiplica bo premio te cu 10 biaha. E wega di 20X The Cash lo costa 5 florin, bo por gana diferente premio cash te cu 10.000 florin y bo por multiplica bo premio te cu 20 biaha.
Con pa hunga?
Bishita bo rebendedo di Lotto preferi y pidi pa bo weganan di Instacash. Sea bo ta pidi pa 5X the Cash, 10X the Cash of 20X the Cash. Si bo numbernan match un di e numbernan ganado, bo ta gana e premio bou di e number cu bo a match.
Busca bo Instacash y gana placa al instante!
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
