Home » Minister di Cultura a haci un bishita na Archivo Nacional Aruba pa mira nan exposicion dedica na Betico Croes

Minister di Cultura a haci un bishita na Archivo Nacional Aruba pa mira nan exposicion dedica na Betico Croes

by Admin
0 comment 133 views

En conexion cu celebracion di Dia di Betico, Minister Xiomara Maduro a haci un bishita na Archivo Nacional Aruba pa asina aprecia e exposicion dedica na Betico Croes. Durante e merdia aki, e mandatario a haya un splicacion di locual cu Archivo Nacional a prepara di Betico, na unda por a aprecia diferente potret di nos Libertador pero tambe informacion valioso. Tambe por a admira un di e prome banderanan cu a bula den Wilhelmina stadion, awo Stadion Guillermo Prospero Trinidad, riba 18 di maart 1976 ora cu a hisa e bandera di Aruba pa promer biaha.

 

Locual mas a resalta durante e bishita aki ta e uso di QR-code na unda cu esnan cu bishita Archivo Nacional por a scan esaki y haya tur video di Betico cu ta accesibel via coleccionaruba.aw. ‘Esaki ta resultado di e trabounan di digitalisacion na Archivo Nacional hunto cu Biblioteca Nacional cu ta pone enfasis riba conservacion di e memoria colectivo di nos Pais cual lo keda intacto pa e generacion cu ta sigui nos. Mas nos sa di nos historia, miho prepara nos ta pa nos futuro,’ tabata palabranan di e mandatario na final di e bishita aki.

 

Minister Maduro ta felicita Archivo Nacional Aruba cu nan bunita exposicion y ta gradicinan pa a habri nan portanan pa asina comparti cu comunidad di Aruba parti di e historia di Betico Croes y nos Pais.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio