Varios detencion y asistencia di polis na final di e evento di Boatfest

Nikky Beach:

Diasabra den oranan di atardi pa anochi na final di e eventoBoatfest polis na varios occasion mester a bay na Nikky Beach.

Un homber bou influencia lo a cay den lama y a guli hopi awa,mesora esnan na e sitio a bati alarma. Ambulance a presenta y despues cu eparamediconan a trat’e, a transport’e pa hospital.

Durante final di e evento a surgi varios pelea cu tiramento di botter, aki tambe polis mester a asisti, na e sitio polis a detene tres persona y tur tres a wordo transporta cu transportwagen pa Warda di polis na playa.

Tambe a bay eynan despues di e evento pa motibo di molester di musica duro riba e botonan cu tabata mara na Nikky Beach.

Durante dia si e evento mes a bay hopi trankil, un cantidad grandi di boto, yate etc tabata mara na Nikky Beach. Maske awacero a causa molester (a yobe casi henter dia), asina mes e evento di Boatfest durante dia tabata bon bishita.

‍