Noord Cura Cabay:
Diasabra na final di e parada di Jouve Morning den careda di 9’or, un of mas persona a bati alarma cu banda di un cas na Cura Cabay Noord tin un homber parcialment drumi riba caminda, y cu e tabata forma un peliger pa su mes.
Na yegada enberdad polis a bin topa cu e homber aki carson baha drumi cu su pianan riba caminda, aparentemente e lo a tuma e caminda pa bay su cas, pero e cansancio di alcohol a gana e bataya. E homber no por a wanta mas y a cay drumi mita curpa riba caminda.
E tabata profundamente na soño ora polis a yega y pa su mesun bon polis a bay lante for di soño. Ora e la spierta e homber tabata tin hopi malbeis, aparentemente e no tabata kier pa lante for di soño. E la cuminsa pleita cu e agentenan policial cu e kier sinta dilanti den e patruya y no patras.
E dos agentenan cu hopi pasenshi a papia cu ne y a logra convence, nan a transporta e cabayero aki pa su cas na Savaneta y asina evita pa algo pas’e.
