De Panne, un homber procedente di Lommel, lo a menasa di haci un atentado diasabra ultimo durante e certamen di bellesa di Miss Belgica, den e teatro Proximus na Panne.
Polis a tuma e menasa hopi na serio y mesora a instala un team grandi di polis, cu desde oranan di merdia tabata riba e tereno di e Teatro. Dentro di algun ora prome cu e certamen di belleza a cuminsa, e sospechos a wordo deteni pa polis. Polis a hay’e cu un bulletproof vest y arma di candela.
Un rato prome cu e show mester a cuminsa polis a drenta y a evacua tur hende for di den e sala, pa tur seguridad a bay sweep pa busca si por tin un of mas arma di candela den e sala. Rond di 9’or y mey di anochi e sala a wordo laga liber y asina e certamen di belleza por a cuminsa.
De Panne, den oranan di diasabra merdia a drenta un melding basta preocupante na polis. E zona di polis di Limburg, Belgica a haya e informacion cu tin un homber na caminda pa Plopsaland pa haci un atentado, den Proximus Teatro diasabra anochi durante e certamen di Miss Belgica.
Mesora polis local a pidi pa refuerso di otro cuerponan policial y di polis federal, un team grandi a wordo manda direccion Plopsaland. Na e momento ey polis no tabata tin mucho informacion, solamente cu e homber lo ta den un auto di huur, pa mas sigur un Tesla. Polisnan a instala nan mes na entradanan, riba e parkinglot, e camindanan cerca eybanda, pa controla tur auto eybanda Tambe constantemente tabata tin polis cu ta keda controla e camaranetwerk cu tin riba e camindanan den cercania y tur cu ta bay direcion di e Teatro.
Un polis di unidad motorisa a bin topa cu un V car Tesla mesora a logra intercepta e auto y a pone para na banda di caminda. E auto tabata gehuur na Alemania y ta di e compania Hertz Car Rental. E sosopechoso no a resisti y a entrega su mes boluntariamente. Den e auto polis a haya armanan pisa y e tabata carga un tambe riba dje. Den un maleta a bin topa cu un substancia kimico, pero esaki ta bou investigacion ainda pa haya sa kiko exactamente e tin den poder.
E homber a wordo aresta y bou escolta di diferente autonan di polis e la wordo hiba na un Warda di polis. E persona aki no ta un persona conoci di polis. Nunca a comete un infracion y no ta un conoci di polis tampoco. Unico cos cu polis sa cu e lo kier a haci un atentado cu lo por tabata tin resultadonan desastroso. E sospechoso ta un homber di 46 aña y ta procedente di Lommel. Despues cu polis a detene e sospechoso, a haci un entrada oficial na su cas, mucho informacion mas polis no kier a divulga.
E sospechoso tabata tin permiso pa carga 5 arma di candela, autoridad a haya un total di 4 arma, den su auto y na su cas. Pa motibo cu polis no tabata sa unda e di 5 arma tabata y mucho menos tabata sa si ta su so lo ehecuta e atentado, autoridad a dicidi di sweep full e teatro. UN rato prome cu e certamen a cuminsa polis a evacua e sala y como 40 polis y cachonan specialisa den busca explosivo, a drenta den e sala. Den careda di 9’or y mey e sala wordo duna liber bek pa asina e certamen di belleza por a cuminsa.
Diasabra den careda di 3’or di atardi a drenta un yamada na un warda di polis na Limburg, bisando cu un homber tin planea pa haci un atentado den e teatro caminda e certamen di Miss Belgica lo tuma lugar. E polis cu a tuma e yamada aki mesora cuminsa bati alarma, pero na comienso no tabata duidelijk kiko tabata e intencion. Mucho informacion polis no tabata disponi di dje, nan a haya su nomber Peter C y cu e ta coriendo den un v-car Tesla. cu plaachi number di alemania. Den careda di 5’or y mey ya caba e homber a wordo aresta, e tabata den tabata den compania di un dama di nacionalidad Hulandes. E dama tambe a keda deteni. Polis a haya nan cu dos ticket di entrada pa e certamen di miss Belgica. Polis ta supone cu e lo kier a drenta cu e dama pa camufla su intencion.
Dialuna merdia lo tuma desicion si nan detencion lo wordo prolonga. Polis a interoga e homber como 5ora largo, segun polis e tabata masha trankilo y admiti di lo tabata tin e intencion di haci un atentado, e la bisa tambe cu e kier a cende un bari di sushi na candela den e sala. Esaki lo a causa un chaos y asina e lo por a sigui cu ehecutacion di su plan cu ta busca e explosivonan den e sala, pa motibo di e declaracion aki di e sospechoso, polis mester a saca tur hende for di e sala y sweep pa explosivo y of arma di candela. E lo kier a drenta den e sala cu dos arma un Glock y un shotgun, cu 5 peña y poco gasolin pa e por cuminsa ehecuta su plan, cende un bari sushi na candela causa un chaos y despues causa un massacre.