ORANJESTAD, Aruba – February 15, 2023 – Neny y Norman Henriquez di HCC Accountants & Tax Advisors, Spazio Realty, y Holistika Labs a recauda AFL. 10,500 pa Fundashon Stimami Sterilisami durante e sale di Raw Modern. E evento tawata un exito total y 100% di e fondonan recauda a wordo dona na Fundashon Stimami Sterilisami pa e fundacion su programa nacional di sterilisacion pa 2023 y lo wordo matched Florin pa Florin door di Bucuti & Tara Beach Resort.
“Un par di siman pasa nos a perde nos cacho ‘Pichu’ cu a fayece despues di 16 aña di yena nos famia y hogar cu asina hopi amor y alegria. Den su honor, nos kier a haci algo cu lo conmemora su memoria y lo yuda otro cacho y pushi. Ultimamente nos ta wak asina hopi cacho y pushi bandona riba caya, sufriendo, faltando amor y e necesidadnan mas basico. Dus ora nos a kies un organisacion pa aporta na dje, nos a considera kico lo haci e impacto mas grandi y duradero pa evita esaki,” Neny Henriquez, doño di Spazio Realty y Holistika Labs ta conta. “Nos a dicidi pa yuda Fundashon Stimami Sterilisami paso e ta comproba internacionalmente cu sterilisacion tin e impacto mas grandi y duradero pa evita cu e poblacion di cacho y pushi riba caya ta sigui crece. Sin sterilisacion, e problema ta djis continua bira pio y e
resto di organisacionnan di boluntario cu ta traha asina duro pa yuda nan ta bira desespera cu e cantidad grandi di cacho y pushi cu nan tin cu purba ayuda,” Norman Henriquez, doño di HCC Accountants & Tax Advisors, ta comparti.
“E board completo di Stimami Sterilisami ta sumamente agradecido y masha conmovi door di e gesto generoso aki di Neny y Norman Henriquez, cu a haci asina hopi esfuerso pa organisa un evento asina exitoso pa recauda fondo pa Stimami Sterilisami,” Ewald Biemans, Presidente di Fundashon Stimami Sterilisami, ta conta. “Nos kier corda henter pueblo cu tin un mascota ta un responsibilidad grandi y nan
mester forma parti di bo famia. Sea un doño di mascota responsabel cu ta adhiri na e Ley di Cacho, locual ta inclui no laga bo cacho of pushi los riba caya cu chance pa procrea, haya puppies indesea, malesa, accident of e opportunidad pa ataca peaton.
Ademas di esey, como un doño responsabel, bo mester duna bo mascota e cuido medico necesario, locual ta inclui sterilisacion, pa e por biba un bida largo y saludabel.”
Pakico sterilisa bo mascota
Aruba ta sufri di un problema di cantidad grandi di cacho y pushinan cu ta biba riba caya sin hogar adecua. E organisacionnan di boluntario cu ta cuida cacho y pushi di caya ta haciendo un trabou estupendo pa purba yuda e animalnan aki, pero sin sterilisacion e problema nunca lo wordo resolvi. Cacho y pushi ta reproduci exponencialmente, y manera un procrea, e ciclo di abandono, hamber y malesa ta
continua (manera por wordo mira den e tabel abou).
Caption: E imagen ariba ta representa un cacho femenino y un pushi femenino cu no a
wordo sterilisa y tur nan descendientenan den un periodo di 6 aña.
Globalmente expertonan ta di acuerdo cu e solucion pa e mitiga e problema di animalnan riba caya ta sterilisacion nacional masivo. Na Hulanda, esaki den combinacion cu e aplicacion di e leynan, a resolve e problema. P’esey sterilisacion tae mayor enfoke di Fundashon Stimami Sterilisami y e fundacion ta subsidia parti di e costo di e procedura pa asina mantene e costo accesibel pa henter comunidad y otro
fundacionnan.
Adicionalmente, sterilisa un mascota ta importante pa su salud y tin varios beneficio, como por ehempel:
– E mascota ta bira mas resistente na hopi tipo di malesa
– E mascota por tin un bida mas largo
– E mascota ta bira mas loyal
– Como doño, bo ta evita pa haya puppies indesea
– Bo ta directamente yuda desminui/mitiga e poblacion di bestia riba caya den
e forma mas efectivo y compasiona (e otro alternativa lo ta manda nan Kill
Cage)