Ponton – Diasabra marduga algo prome cu 1’or y mey polis a wordo avisa di un accidente serio entre brommer cu auto ariba e caminda di Ponton, altura di unda antes tawata iStore.
Na yegada polis a constata cu ambos persona cu tawata ariba e brommer ta herida y tambe cu nan ta na tino.
Pa locual ta e chauffeur di e vehiculo, e tawata den shock pa locual a sosode.
Locual por a tende na e sitio ta cu e brommer tawata bayendo direccion zuid, momento cu e Chevrolet Aveo lo a bay pa bira of a hala na su man links net momento cu e brommer tawata bin.
Por mira cu e impacto tawata dilanti links. Door di e impacto esaki a saca ambos persona bentanan ariba caminda.
A pidi pa trafico y caminda a wordo cera pa por a haci nan investigacion.
Tres ambulance a presenta pa hiba esnan herida Hospitaal.
