Home » Brandweer Aruba cu man yen diamars atardi; berghok a kima na Piedra Plat

Brandweer Aruba cu man yen diamars atardi; berghok a kima na Piedra Plat

by Admin
0 comment 104 views

Piedra Plat – Diamars den oranan di merdia un candela hopi grandi a wordo registra na San Fuego, esey lo a cuminsa den careda di 3’or di atardi. Un candela cu tawata wordo mira for di basta leu.

Un dia bastante druk pa Brandweer, unda cu esnan cu ya a baha warda tambe mester a presenta bek pa yuda, masha hopi bombero mester a presenta pa combati e candela cu a bira masha grandi mes.

Algo prome cu 5’or un otro unidad di Brandweer mester a sali pa un “berghok” full na candela, esaki tawata poco pariba di Mandingo Snack. Di leu tambe por a mira e huma preto na Piedra Plat direccion Sero Pita.

Na yegada di e unidad cu mester a sali di Airport a haya un espacio completo unda nan ta traha cu auto na candela.

Mesora a cuminsa combati e candela, cu a destrui hopi cos unda e hendenan ta traha.

Despues di algun rato bomberonan a logra domina e candela completamente.

Polis tambe a presenta pa a pone nan mes na altura di locual tawata pasando.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio