Home » Partido MEP: Relaciona cu Dia Internacional di Hende Muhe, FORSA FEMENINO GRACE TAWATA TIN UN ENCUENTRO EXITOSO

Partido MEP: Relaciona cu Dia Internacional di Hende Muhe, FORSA FEMENINO GRACE TAWATA TIN UN ENCUENTRO EXITOSO

by Admin
0 comment 95 views

 

Forsa Femenino Grace na ocacion di Dia Internacional di Hende Muhe, diaranson anochi a organisa un encuentro exitoso pa hende muhe na Cede di MEP. E evento a cuminsa cu musica di entretenimento presenta pa un DJ mientras participantenan tawata yegando. Despues Presidente di Forsa Femenino Grace, Señora Fabiola Maduro a hiba palabra dunando bon bini na tur presente y a yama danki tambe na tur esnan cu a participa na e programa exitoso di Forsa Femenino Grace di Partido MEP.

Señora Esmeralda Tromp y Señora Jenny Croes a duna discursonan motivacional y a impacta esnan presente cu e informacion cu nan a trece dilanti. Minister di Finansas y Cultura Señora mr. Xiomara Maduro a elabora riba con su persona ta plania su dia como mama y Minister. Lider di MEP y Prome Minister di nos pais a hiba palabra tambe y a enfatisa riba e rol di hende muhe den hogar, comunidad y como lider di nos pais.

Cantantenan Eltienne Yarzagaray y Quincy Hasham a deleita esnan presente cu nan bunita presentacion y canticanan dedica na hende muhe. Maestro di Ceremonia pa e anochi tawata ta Ruthlene Flemming kende a haci un bon trabou pa e programa cana segun schedule.

Na final, a presenta e miembronan nobo di Forsa Femenino Grace como lo siguiente.
Fabiola Maduro: Presidente. Shannon Henriquez: Vice Presidente. Secretaria: Nancy Jager. Tesorero: Tina Geerman-Quandus y Darlaine Guedez Erasmus representando Forsa Femenino Grace den partijraad.

Forsa Femenino Grace ta gradici tur cu a haci e anochi aki uno hopi special, bunita y exitoso.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio