April 2, 2023
Local Sports

Presidente π“π‘π¨π¦πšπ¬ 𝐁𝐚𝐜𝐑 lo yega Aruba diabierna awor 10 di Maart

E siman aki, e comunidad deportivo di Aruba ta ancioso pa ricibi e mandatario mas halto di deporte na Mundo, esta sr. π“π‘π¨π¦πšπ¬ 𝐁𝐚𝐜𝐑, presidente di Comite Olimpico Internacional. Hunto cu sr. Bach lo bini tambe un delegacion di ehecutivonan di Panam Sports y Olympic Solidarity.
Pero ken realmente ta sr. π“π‘π¨π¦πšπ¬ 𝐁𝐚𝐜𝐑?
π“π‘π¨π¦πšπ¬ 𝐁𝐚𝐜𝐑 ta naci 29 December 1953 na Alemania y ta di profesion abogado como tambe un ex-miembro di e ekipo Olimpico di esgrima y medayista di Oro Olimpico den e Weganan Olimpico di Montreal.
π“π‘π¨π¦πšπ¬ 𝐁𝐚𝐜𝐑 ta den su 9 anja como presidente di Comite Olimpico Internacional( International Olympic Committee) esaki desde 10 di september di anja 2013. Bach tabata tambe un miembro di comite di ehecutivo di e Confederacion Olimpico Aleman. Bach ta tambe e prome campeon Olimpico cu a keda eligi como presidente di Comite Olimpico Internacional.
π“π‘π¨π¦πšπ¬ 𝐁𝐚𝐜𝐑 a keda eligi pa un termino di 8 anja como IOC President na e 125th IOC Session na Buenos Aires, Argentina na september 10 di anja 2013. Cu 49 voto den e ronda final, e la sigura e votonan mayoritario y a keda eligi. Bach a reemplasa Jacques Rogge cu a sirbi como presidente di IOC for di 2001 to 2013. Bach a wordo re-eligi pa su di dos termino como presidente na e 134th IOC Session esaki na 2019 y lo keda te cu 2025. Durante su presidencia te cu awor, π“π‘π¨π¦πšπ¬ 𝐁𝐚𝐜𝐑 a wordo reconoci cu diferente honor pa su excelente trabou desplega den deporte esaki rond mundo, por ehempel na Polonia, Grecia, Tunesia, Spanja, Corea del Sur y Hapon.
Actualmente π“π‘π¨π¦πšπ¬ 𝐁𝐚𝐜𝐑 hunto cu un delegacion di miembronan di e comite di ehecutivonan di Panam Sports y Olympic Solidarity ta den un gira den Centroamerica y Caribe unda nan ta bishitando varios pais, incluyendo Aruba e weekend benidero. Presidente Bach ta bishitando e paisnan/islanan den Caribe caminda tin miembronan di Comite Olimpico Internacional. E ta bishita nan y e NOCs di e paisnan.

Related Posts

%d bloggers like this: