Home » Finalistanan di e torneo di softball na Aruba Juniors, Torneo Himno y Bandera ta conocí !

Finalistanan di e torneo di softball na Aruba Juniors, Torneo Himno y Bandera ta conocí !

by Admin
0 comment 150 views

Otro fin di siman exitoso tras di lomba.

 

Oranjestad 13 di maart 2023. Diadomingo e cuater finalistanan di e torneo Himno y Bandera organisa pa Aruba Juniors a bira conocí. Den e prome wega Juan Robles di Jani’s a domina e fuerte equipo di Surprise pa 4 inning. Lamentablemente nan no por wanta e score di 2-0.  Den di 5 y 6 ining Surprise ta score cinco biaha pa gana e wega 5 pa 2. E di dos wega tabata hopi intresante cu a bay entre Astros y Boomerang.

E wega aki tabata pa dicidi si tur dos team lo clasifica. Den un wega bon bataya Astros ta gana Boomerang cu score di 4 pa 2 y cu e resultado aki Astros ta clasifica na prome luga. Mirando cu Boomerang a haya 4 careda contra ta pone c unan a cay cortico pa clasifica como e miho di dos luga. Den e di tres wega Aruba Juniors ta sorprende Glover 4 pa 3. Cu e score aki Glover tambe ta clasifica hunto cu Aruba Juniors. E ultimo wega Tigers ta dal Bambino 9 pa 3. Glovers, Astros, Surprise y Aruba Juniors ta e cuater teamnan cu lo hunga e finalnan diasabra 18 y diadomingo 19 di maart 2023. 

Bonaire Star y Los Amigos di Corsou tambe lo participa den e finalnan. Diasabra 18 di maart 2023 lo tin e tradicional ceremonia unda cu lo reconoce dos baluarte di softball. Bo ta cordialmente invita pa bin celebra cu nos.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio