Cas ta kima na Sero Janchi

Sero Janchi – Diamars anochi pasa di 9’or y mey polis y brandweer a sali pa e area di Sabana Liber cu Sero Janchi, unda un cas lo tawata na candela.

Na prome instante tawata tin un poco confusion cu e adres, si ta Sabana Liber of Sero Janchi.
Brandweer y polis a logra verifica e adres y e tawata cay den Sero Janchi.

Polis a yega y ta haya un cas “full” na candela, mientrastanto Brandweer tambe tawata yegando.

Na yegada di e unidad di bomber mesora a drenta accion y rapidamente a logra domina e candela.

Na e sitio a presenta dos unidad di Brandweer.

No ta conoci kiko por a causa e candela.