Dos persona herida, despues cu brommer a pega candela

MAHUMA – Diasabra pa mas o menos 8’or y mey di anochi un brommer cu 2 persona a cay na rotonde Mahuma y herida nan mes y tambe e brommer a pega na candela.

Mesora unidad nan manera polis, ambulance y brandweer a sali pa e sitio.

Na e sitio polis a wordo bisa cu e brommer lo a cuminsa haci straño y a pega candela. Esaki a pone cu tanto e manehador y e persona sinta patras a bula for di e brommer, causando cu ambos a resulta herida.

Polis a cera un parti e rotonde, pa e dos ambulance nan por a haci nan trabou.
Na final ambos persona a wordo transporta pa Hospitaal.