Home » Na ocacion di celebracion di Dia di Himno y Bandera di Centro di Bario Noord: PROME MINISTER TA ENTREGA PREMIO MENEER OVITO NA SEÑORA MARGARITA JUANITA CHRISTIAANS

Na ocacion di celebracion di Dia di Himno y Bandera di Centro di Bario Noord: PROME MINISTER TA ENTREGA PREMIO MENEER OVITO NA SEÑORA MARGARITA JUANITA CHRISTIAANS

by Admin
0 comment 122 views

 

Tur aña en conexion cu Dia di Himno y Bandera, Centro di Bario Noord ta organisa nan encuentro pa e Bario di Noord y Aruba en General. Fiesta Arubiano 2023 a tuma luga dia 18 di maart na unda cu tawata tin entrega di Premio Meneer Ovito cu a wordo entrega na un ciudadano ehemplar pa e Bario, señora Margarita Juanita Christiaans, conoci pa tur como Chichi. 

Señora Margarita no ta desconoci pa bario di Noord. Un señora humilde, cariñoso y cu un fe firme cu a traha pa misa di Noord como Kosteres, leidster, duna les di Bautismo y Confirmacion y tambe ta conoci pa lesa pa defuntonan y nobena na cas. Señora Margarita a traha na Reclassering semper a traha y yuda muchanan. E tawata leidster den Antiliaanse Meisjes Gilde y Arubaanse Padvindster Gilde. Señora Margarita semper tawata tin un curason cla pa yuda otro y na unda cu tin mester. 

Prome Minister Evelyn Wever-Croes tawata tin e honor di a entrega Premio Meneer Ovito na e gran dama aki di nos comunidad cu ta laga un legado atras, un ehempel grandi pa nos tur siña di dje. No ta importa con ocupa nos por ta, semper tin luga pa haci cosnan cu ta impacta bida di otro y pa comunidad. 

Prome Minister ta gradici Señora Margarita pa tur loke el a haci y lo sigui haci pa e Bario di Noord y pa Aruba y alabes Prome Minsiter ta felicita Señora Margarita cu e premio bunita aki cu ta un premio dedica na honor di tur ciudadano cu ta resalta manera cu Meneer Ovito (dfm) a resalta den e trayectoria di su bida. Pabien Señora Margarita.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio