Home » ARUBA MARRIOTT A CELEBRA SU HENDE MUHERNAN DEN LIDERASGO

ARUBA MARRIOTT A CELEBRA SU HENDE MUHERNAN DEN LIDERASGO

by Admin
0 comment 176 views

PALM BEACH, ARUBA – 22 di maart, 2023 – Dia internacional di hende muher ta un dia cu ta wordo celebra rond di mundo, reconociendo e esfuerso mundial di e hende muher y unda cu e muher den liderasgo a yega den e dia di awe. Pa honra e dia aki y celebra nos 147 supervisornan, managernan y ehecutivonan femenino, cu ta representa un total di 53% di e ekipo di liderasgo pa e compleho di Aruba Marriott. E ekipo di recurso humano a colabora cu señora Belquis Moreu, directora di “Moreu Facilitation & Healing center” pa un charla encuanto ‘kibrando bareranan, creando un sistema di apoyo pa hende muher den liderasgo’

Durante e atardi spectacular aki, nos lidernan femenino a wordo ricibi cu un caluroso bon bini ora cu a wordo invita pa sinta den grupo caminda a ricibi un “hand out” cu infromacion ariba e charla, alabes a ricibi un dushi ‘snacks box’, cos di bebe refrescante, y cos dushi manera cuki y ‘dulce de leche’. Presentacion pa un DJ tambe tabata di nota, como un dushi background music
durante e atardi.

Cada grupo a haya e oportunidad di comparti hunto cu señora Belquis nan vision pa cada subheto cu a wordo presenta, y asina, e atardi tabata uno ameno yena di combersacion, diaologo, y risa. E grupo completo a keda contento di por a siña mas di e tema y tuma un tempo
pa reflexiona kico ta nifica ta hende muher. Sigur un evento pa e bukinan!

Pa esnan cu ta desea di forma parti di e famia di Aruba Marriott, por bishita careers.marriott.com pa aplica pa e posicionnan disponibel.

Mas di e Compleho di Aruba Marriott:
Aruba Marriott Resort & Stellaris Casino a habri na aña 1995 cu 411 camber y despues a aña di 3 camber mas na aña 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. En total, e famia di Aruba Marriott ta consisti di mas o menos 1200 empleado den servicio directo. E compleho di Aruba Marriott ta esun di mas grandi den henter Caribe, tanto den cantidad di camber como den cantidad di empleado.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio