Chauffeur a perde control, a bay dal contra un cura di transha y a keda pega riba e barancanan

Calabas:

Diasabra pa mas o menos 3’or di marduga riba e caminada di Calabas, net den e bocht skerpi, chauffeur di un Hyundai Getz tabata biniendo di pabou y no a pone tino cu e ta yegando e bocht skerpi, despues di a lastra un brake basta largo, a bay dal contra e cura di transha den e bocht. E impacto tabata basta fuerte cu e auto a keda pega riba e baranca. 

Mesora a pidi pa presencia di polis, na yegada nan a nota cu e homber ta mustra bou influencia, polis a pidi e chauffeur pa supla pero e no tabata coopera cu polis pa supla. No a keda polis nada otro cu detene pa core auto bou influencia.

E auto a wordo confisca y hiba cu takelwagen pa warda di polis. Polis a trata na yega den contacto cu e doñonan di cas, a bati porta y bentana pero niun hende no a lanta.