Chauffeur di Nissan Cube transporta den situacion serio pa Hospitaal

Sabana Liber – Diadomingo marduga rond di 1’or ta sosode un accidente serio ariba e caminda di Sabana Liber, unda e rooi ta core pa zuid di caminda.

Un solo vehiculo tawata envolvi. Polisnan na yegada ta topa cu un Nissan Cube color cora.

Ta mustra cu e auto a kita bay link y ta dal contra troncon di un mata, evitando tambe cu e auto bay cay den rooi.
Pero, e impacto tawata net unda e chauffeur ocasionando cu e la ricibi golpinan serio na cabes.

Na prome instante a solicita pa brandweer, pero na yegada ya Paramediconan mes a saca e chauffeur.

Den un estado serio e la wordo transporta cu urgencia pa Hospitaal.

Departamento di trafico y tambe departamento tecnico a wordo poni na altura di e accidente serio aki.