Home » Segun Jordan Schlipken, Director di A.T.A. Latino America: Aruba y Colombia ta comparti lasonan economico y comercial, cultural, di salud y mas cu claro – di turismo.

Segun Jordan Schlipken, Director di A.T.A. Latino America: Aruba y Colombia ta comparti lasonan economico y comercial, cultural, di salud y mas cu claro – di turismo.

by Admin
0 comment 79 views

Na ocasion di 40 aniversario di A.T.A. na Colombia, director di A.T.A. Latino America, Jordan Schlipken a elabora riba e posicion importante cu Colombia tin pa Aruba y e conexion entre e dos paisnan. No tin ningun duda cu Aruba y Colombia ta comparti lasonan economico y comercial, cultural, di salud y mas cu claro – di turismo.

Den transcurso di e ultimo decadanan, e ekipo di A.T.A. a traha duro pa crea un legado exitoso di promove nos isla na e mercado Colombiano, hunto cu socionan den e mercado. A.T.A. ta premira cu e cantidad di bishitante cu Aruba lo ricibi for di Colombia y Latino America lo sigui crece den e aña nos dilanti, mirando e aumento den cantidad di vuelo y asiento cu ta conecta Aruba cu Bogota y Medellin y tambe e introduccion di un ruta nobo entre Aruba y Cali.

E exito aki ta resultado di trabao incansabel durante e ultimo 40 añanan y e confiansa den e producto Aruba. Sigur no por keda sin reconoce e rol importante di e ekipo y ex-directornan di A.T.A. Colombia y Latino America.

Jordan Schlipken ta mira dilanti cu e mesun determinacion pa sigui cosecha e bon relacion entre Aruba y Colombia, particularmente den e sector di turismo y negoshi. Recientemente Schlipken a keda apunta como miembro di hunta di directiva di Holland House pa aña 2023 – 2024. E meta principal di Holland House ta pa promove colaboracion y cooperacion entre empresarionan Hulandes y Colombiano, stimulando asina e oportunidadnan di negoshi entre Colombia, Aruba, Curaçao, St. Maarten y Reino Hulandes.

Esaki ta un paso importante pa sigui fortalece e conexion entre Aruba y Colombia, y ta seya e compromiso di parti di A.T.A. pa sigui inverti den e mercado Colombiano y asina logra e obhetivo di aumenta e cantidad di bishitante for di Colombia y Latino America mas ainda den futuro, creando mas diversificacion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio