Accidente cu hende herida y basta daño material na Boegoeroei

Boegoeroei – Diabierna anochi laat rond di 11’or a sosode un accidente ariba e crusada pazuid di Imelda Hof. E accidente tawata entre un Ford Ecosport y un Nissan March.

Locual nos a compronde na e sitio ta cu e Nissan March tawata bayendo direccion nort ariba e crusada, momento cu e Ford Ecosport pariba e di e crusada a subi sin duna preferencia.

Esaki a pone cu e la dal e Nissan March.

Na yegada di polis ya Ambulance tawata na e sitio, atendiendo esnan herida cu tawata 3. Pero solamente uno tawata mester mas atencion medico, esey tawata e chauffeur di e Ecosport. Despues di duna asistencia y haci su parti e ambulance a continua su caminda.

Takelwagen a presenta pa hala of bay cu e Ford Ecosport, daño material ta considerabel.