Boso tur por corda e notisia cu mi a trese 2 anja pasa dilanti cu e dentista for di Canada, cu e no ta un orthodontista. E a logra registra como un specialista y traha varios anja aki na Aruba y cobra prijs di specialista.
Hopi a kere mi ta loko, ta tin envidia etc, pero nos tur sa awor cu mi ta tin rason y e tabata un schandaal pa Aruba. Pero nos nunca a tende for di gobierno kiko a bai robes y con esaki lo no por pasa mas of tin kabes a lora na DVG.
Tambe algun luna pasa mi a denunsia un techniko dental, cu a hanja permiso pa traha den boka di hende sin base di ley. Tin dentista colega dimi cu tin potret saka di vulling cu e a pone den boka di patient y cobra gewoon 4-6x e prijs normal di dentista. Ta DVG ta parti diploma y ainda e hefe aki ta na kabes di DVG.
Tin carta a bai IVA cu dentista cu ta fraudeer cu deklarashon cu AZV, ta cobra sin cu patient a presenta. Tin casa di dentista, cu no tin ni un papel, ta traha den boka di patient. Nada ta ser hasi, e patient ta confia riba e jas blanco ta e tristo realidad. AZV mester bai investiga den cobramento ilicito y pone un maximo pa cada dentista pa frena e robo aki. E ta fondo publiko y no por accepta cu un ta cobra te 700 mil pa anja.
Awe mi ta trese dilanti otro herensia di pasado cu ta existi te awe. E ta un situashon difisil unda un gobierno mester coregi su foutnan de pasado. Tin fuerte indikashon cu tin 2 dentista ta traha como orthodontista aki na Aruba y cu nan certificado ta cuestionabel. Supuestamente nan ta riba prueba den e ARUBIG, esta un sorto di “visitatie traject”. Pero echo ta, cu si ta asina, cu ta 3 dentista a traha na Aruba como specialista di beugel. Pues ta traha y cobra como specialista sin cu nan tin e studio universitario como orthodontista.
Awor tin professor na DVG cu ta evalua e capacidat di e dentista como orthodontist ? Ta con e
“visitatie project” ey ta hinka den otro y mas importante, pakiko nan a hanja esey? Ta dentista basico nan ta anto? Si ta esey, laga nan traha como dentista anto.
E ta awor den man di gobierno pa trese claridad. Claridad na tur dentista na Aruba, e pueblo y e seguronan priva y AZV.
Dentistanan na Aruba ta man na kabes na unda por manda patient pa beugel. E calidat cu ta ser ofresi actual ta laga pa desea.
Aki por wak un potret di un patient di 16 anja cu tin 3 anja cu beugel. AZV y e mama a paga tur e tratamento. E patient su cara a desforma, e bite a habri mas ainda y e ariba y abao no ta pega bon riba otro. E tin problema cu guli y ta hala rosea door di su boca. Splikami con e mucha aki por bai kauw su cumnda bon? Tin problema pa presenta asina den bida social, por ehempel awor como teenager pa invita un chick.
Esaki ta cai den e categoria di mal-praxis severo y a desforma e patient su cara y dor cu e tratament ta dura mas cu 3 anja e ta perdiendo raiz di diente. E patient aki lo falta ainda 12 luna di tratamento y si kier drecha e cara/mordi completo e mester opera su kaak. Esaki mester a bise for comienso.
Un hende mester habri boca pa stop esaki di pasa, muchanan no por defende nan mes y mayornan ta confia un specialista cu e sa kiko e ta hasi. Ta imposibel cu e calidad mester wordo controla door di mayornan cu no a studia pa esaki. Ken ta para responsabel pa e danjo na e mucha aki ? Ken ta bai paga awor e kaak operatie ?
AZV y gobierno cu ta tolera esaki door di laga e “specialista” nan aki sigi traha cu contract?
Esaki ta trabao di un “specialist” aki na Aruba. Mi ta denunsia esaki publikamente pasobra e indikashon ta parse cu ta un dentista cu no sa su limite y gobierno ta lage traha aki como specialista.
E pregunta awor ta :
Kiko abo como mayor lo hasi si bo hanja sa di e trato cu bo yui a hanja den 3 anja, despues di a paga 6-7 mil florin y cu mester sigi 9-12 luna y un operashon na Hulanda ?
Ami no sa e contesta mesora.
E ta un cos hopi lamentabel y nos mester wak den direkshon di DVG/Gobierno y tambe AZV primairamente.
Kawaiaha a laga traha 5-6 anja sin studio universitario y kiko e visitatie traject aki ta pa aparentamente e otro 2 cu awor tambe tin hopi anja a traha aki?
Ta bai laga nan traha como dentista basiko awor ?
Ta bai sera nan praktijk ?
Of DVG ta parti diploma di universidat como orthodontista ? Ta parse e caminda aki ta canando cu entre otro e resultado cu ta wak aki riba e potret.
E patient a presenta serca nos cu pregunta riba su tratamento y aki 2 specialista (cu BIG y Arubig y studio universitario como orthodontista) a wak e hunto cu mi persona.
Y dor cu ami no tin miedo pa bin den prensa mi persona si ta bati alarma y boga pa un cambio na bienestar di e pueblo. No por jega na un resultado asina despues di 3 anja y a paga mas cu 6500 florin.