Search articles

More history

E Historia di Djucu, skirbi pa Dufi Kock

Sep 22, 2019
<strong><em>Ken no ta corda e famoso djucunan cu antes nos tabata haya na e bocanan panort y pariba di Aruba, algun di nos hendenan tabata bisti'e pa suerte, mescos cu boonchi cora cu nos no ta haya mas canto di lama panort di Aruba.</em></strong> <img class="alignnone wp-image-105685" src="/watermark/watermark.php?filename=https://arubanative.com/cms/wp-content/uploads/2019/09/Djucu-e1569179301701.jpg" alt="" width="151" height="268" /><img class="alignnone wp-image-105690" src="/watermark/watermark.php?filename=https://arubanative.com/cms/wp-content/uploads/2019/09/81l16fhKnkL._SY450_.jpg" alt="" width="229" height="265" /> Antes nos hendenan riba Diadomingo of riba un dia liber tabata gusta bay bishita e bocanan panort di Aruba, canando na oria di lama nan tabata haya boonchi cora of djucu. Hopi hende tabata laga un Joyero pasa un rand di oro rond di e djucu of nan ta laga pone nan signo of inicialnan di oro riba e djucu y esaki ta bira un joya hopi bunita cu nan ta bisti'e na un cadena of armband. <img class="alignnone wp-image-105683 size-thumbnail" src="https://arubanative.com/cms/wp-content/uploads/2019/09/Djucu-cu-simbolo-di-kreeft-riba-dje-di-Ann-Angela-150x150.jpg" alt="" width="150" height="150" /><img class="alignnone wp-image-105681 size-thumbnail" src="https://arubanative.com/cms/wp-content/uploads/2019/09/2019-09-22_14-42-54-150x150.jpg" alt="" width="150" height="150" /> Tradicionnan cu a bay perdi, paso ya bo por bisa cu ni djucu y ni boonchi cora no ta wordo haya mas na e bocanan panort di Aruba. Boonchi cora bo ta haya si pero solamente den joyerianan, e famoso boonchi cora cu tur baby tabata bisti como un contra, pa mal wowo, manera nos bieunan tabata bisa pa e criatura no haya hoyada, otro palabra cu casi nos no ta scucha mas. <img class="alignnone size-full wp-image-105688" src="/watermark/watermark.php?filename=https://arubanative.com/cms/wp-content/uploads/2019/09/Sra.-Ras-cu-baliña-cu-tres-simiya-di-djucu.jpg" alt="" width="320" height="284" />                          <em> Sra. Ras cu un baliña cu tres simia djucu aden</em> Ban aprecia loke nos historia, nos tradicionnan y nos custumbernan, cual hopi a of ta bayendo perdi. <strong>NOS HISTORIA, E storia di Djucu skirbi pa Dufi Kock</strong> A peticion, permitimi duna un splicacion di un mata raro cu a nace aki na Aruba na Anja 1966. Muy probabel cu e tabata e prome mata di djucu cu a nace na Aruba. Tabata Sr. Dominico Ras, di Mabon 13, Brazil, cu a planta un simia den cura di su cas. <img class="alignnone wp-image-105687 alignright" src="/watermark/watermark.php?filename=https://arubanative.com/cms/wp-content/uploads/2019/09/images.jpg" alt="" width="196" height="146" />Djucu no ta un mata di Aruba. E ta un mata chikito cu varios rama cu ta sali for di e stam, un solo troncon. E nomber di e djucu aki ta Caesalpina Ciliata for di e famia Papilionaceae, un mata di mondi, cu ta rama hopi y popular na Mexico, Caribe y America Central. E mata ta pari e simia den forma di un balinja cu hopi sumpinja, cu dos simiya aden, esta e djucu. E ta cay abou y riu of awacero ta hibe den lama grandi, Bo por imagina cu un simia riba lama grandi, miles di miya for di tera, cu destiancion dependiendo di e biento y ola, te ora e yega na un continente distacia. &nbsp; <img class="alignnone size-full wp-image-105689" src="/watermark/watermark.php?filename=https://arubanative.com/cms/wp-content/uploads/2019/09/strongylodon_siderospermum_fr.jpg" alt="" width="300" height="225" /> Aki na Aruba, ami mes ta corda, cu bo por a haya e simiya riba e beach na costa parti nort y pariba di nos isla. Wel, Sr. Dominico Ras tambe a haya simia den luna di November 1966. Ela bin su cas y a dicidi di planta un simia.Siete luna despues, pa su sorpresa y di su famia, e mata a nace, bira gradi y pari simia grandi yen sumpinja. <img class="alignnone wp-image-105686" src="/watermark/watermark.php?filename=https://arubanative.com/cms/wp-content/uploads/2019/09/Dominico-Ras-cu-e-mata-di-djucu.jpg" alt="" width="278" height="224" />                                      <em> Dominico Ras cu e mata su mata di Djucu</em> Ora e simia ta completamente seco, e ta haya un color bruin scur te geel oranje. Loke ta haci e mata aki mas notabel ta cu e simia por wordo lombra bunita y bira un adorno pa armband pa damas y tambe un coi garganta. Tambe joyerianan sa pone adorno di oro nomber of inicial di nomber como recuerdo di Aruba. <img class="alignnone size-full wp-image-105680" src="/watermark/watermark.php?filename=https://arubanative.com/cms/wp-content/uploads/2019/09/2019-09-22_14-40-52.jpg" alt="" width="640" height="393" />
No items found.