Search articles

More history

Historia di Aruba: Accidentenan aereo na Aruba di 1966 pa 1968 ( part 3)

Jan 8, 2022
<p style="text-align: center;"><em><strong>Accidentenan aereo cu a tuma lugar na Aruba, na aña 1968.</strong></em></p> <strong>E prome a sosode riba diamars 9 di mei 1968, tabata den careda di 5 or y mey di atardi,  na momento cu un avioneta a accidenta riba e pista na Beatrixluchthaven</strong>. <p style="text-align: center;"><img class="aligncenter wp-image-192815" src="/watermark/watermark.php?filename=https://arubanative.com/cms/wp-content/uploads/2022/01/2022-01-07_21-42-02.jpg" alt="" width="317" height="176" /><em>avioneta a bolter riba pista</em></p> E piloto Jan Staat kende ta un mecanico di avion na Aruba Flying Club a yega cu e avioneta for di corsou, despues di a caba di repara un avion na Corsou. Na momento cu  avioneta a baha y tabata parcialmente dilanti di e edificio di airport (esun bieu), un avion di A.L.M. a start motor, cla pa lanta buelo. Toren a duna e avion di A.L.M. permiso caba pa lanta buelo y esaki a cuminsa move pa lanta buelo. E biento fuerte di e motor di e avion di ALM, a gara e avioneta y a bolter esaki. Jan Staat tabata un piloto cu experiencia y asina cu e la sinti con e biento tabata traha cu e avioneta, e la dicidi mesora di paga e motor pa asina evita cu e avioneta lo por pega candela. E avioneta a keda total Loss. Vliegveld a bati un alarma chikito. Luchthavenmeester  di e tempo ey E.G. Vos y chef di Luchtverkeersbeveiliging na Aruba, Sr A. Th. van Herwaarden y deputado Max Croes di e tempo ey a bay mesora na e sitio di e sucedido. E Comision investigativo di luchtvaartdienst di Antiyas Hulandes a yega Aruba y e siguiente dialuna mainta nan a cuminsa cu un investigacion. . E presidente di Aruba Flying Club dr. O.A. Bijl a comenta den prensa cu e accidente aki tabata 'een stevige Strop' pa Aruba Flying Club. E avioneta tabata tin un balor di 10 mil florin y esaki a bay perdi. Diabierna 10 di mei 1968 a move e avioneta for di vliegveld. Aruba Flying Club a keda cu dos avion so, mientras nan tabata wardando riba yegada di un avion nobo, un CESSNA-172 cu un balor e tempo ey di 18 mil florin. <p style="text-align: center;"><strong><em>E di dos accidente aereo tambe a sosode riba pista na airport dia 31 di juli 1968.</em></strong></p> <p style="text-align: center;"><img class="aligncenter wp-image-192816" src="/watermark/watermark.php?filename=https://arubanative.com/cms/wp-content/uploads/2022/01/2022-01-07_21-50-03.jpg" alt="" width="386" height="125" /> <em>Prinses Beatrix luchthaven</em></p> Un Cessna-175 di e Aero Club di Corsou, tambe na momento cu ALM a start su motor, e biento fuerte a pusha e avioneta y esaki a bay cay riba un di su halanan. E avioneta a haya hopi daño material, e mester a keda na Aruba pa asina e por a wordo drecha. Esaki ta pa di dos biaha den e mesun aña cu un avioneta a accidenta riba pista di Prinses Beatrix Luchthaven y ambos a haya hopi daño. Den tur dos caso e dañonan a wordo causa pa e forsa di e biento di motornan di avionnan mas grandi. Algun aña prome,  vliegveld di Aruba lo mester a prepara un area special riba pista pa staciona sportplane y avionetanan priva. E tereno aki tabata pabou di e plataforma principal, dus unda e corida di biento no ta hopi fuerte. Na e vliegveld e tempo ey tabata tin constantemente un corida di biento fuerte, e biento tabata asina fuerte cu e por a lanta un avioneta for di tera. No ta straño of dificil cu na momento cu un avion grandi cende su motor,e  biento cu ta sali di e motor ta pusha un avioneta bolter of kentel esaki. <p style="text-align: center;"><em><strong>E di tres accidente aereo a sosode riba 25 di augustus 1968</strong></em></p> <em>Diasabra 3 di augustus 1968 Aruba Flying Club (AFC)a anuncia cu e otro siman nan lo expande nan flota di avion cu un Cessna Skyhawk, cu recientemente nan a cumpra na balor di 30 mil florin y cu su siguiente sima e lo yega Aruba. E presidente di AFC, dr. Bijl, a bay Merca, na Wichita Kansas pa regla esaki. AFC pa algun tempo caba lo tabata tratando na cumpra un avioneta nobo. E unico avioneta cu e club a keda cu ne tabata e PJ-BAC, Aronca Champion, cu tabata wordo uza pa duna les so. E Cessna 182 PJ-WLE cu nan tabata tin anteriormente a wordo hiba Puerto Rico pa wordo bendi.</em> <p style="text-align: center;"><em><img class="aligncenter wp-image-192817" src="/watermark/watermark.php?filename=https://arubanative.com/cms/wp-content/uploads/2022/01/2022-01-07_21-39-41.jpg" alt="" width="345" height="204" /> Edward Luckhoo para cu Dr. Bijl </em></p> <em>Esaki a pone cu AFC a dicidi di cumpra un Cessna Nobo, e modelo 172 Skyhawk, pa e motibo aki Dr. Olivier Bijl hunto cu Eddy Luckhoo kende antes tabta instructor di AFC, a bay Wichita pa bay busca e avioneta nobo y bul'e trece Aruba. Un biahe di mas cu 2500 miya. E biahe aki a wordo haci via San Juan, of via Republica Dominicana tur dos tabata depende si e tempo lo a permiti. A dura sigur un siman pa nan por a keda cla cu tur e tramitenan. E avioneta a haya e nomber di PJ-VST, cual a wordo yama na nomber di De Vuyst Vliegveld, unda Aruba Flying Club pa 26 aña ta ubica. E vliegveld a wordo nombra na honor di Piet De Vuyst kende a haci hopi pa Aruba Flying Club tempo cu e tabata biba na Aruba.</em> <em><strong>Diadomingo 25 di augustus 1968</strong>.</em> <em><strong>Vliegveld De Vuyst Aruba, mas o menos 45 minuut prome cu oficialmente e bautismo di e avioneta nobo di AFC, e Cessna 172 Skyhawk lo a cuminsa, e avioneta cu matricula Pj-BAC ta accidenta y ta costa bida di Edward Winston Luckhoo di 52 aña kende tabata e piloto y e unico persona abordo. Polis y brandweer a wordo pidi cu hopi urgencia na e sitio.</strong></em> <p style="text-align: center;"><img class="aligncenter wp-image-192819" src="/watermark/watermark.php?filename=https://arubanative.com/cms/wp-content/uploads/2022/01/2022-01-07_21-37-46.jpg" alt="" width="328" height="190" /> <em>Hopi mirones cerca di e avion cu a caba di accidenta</em></p> E team di rescate cu a yega prome na e sitio a wordo stroba pa tantisimo mirones cu tambe tabata riba caminda bayendo na e sitio, pa por mira cu nan mesun wowo e desaster cu e accidente aereo fatal aki a laga atras. E avioneta mes a cay basta cerca di algun cas, pero no a pega candela. Esaki tabata e di 3 accidente den un aña di tempo cu AFC tabata envolvi aden. E accidente aereo aki di 25 di augustus 1968 a sosode na momento cu e piloto Luckhoo tabata haciendo algun kenshinan acrobatico cu e avion di AFC. Luckhoo mas cu tur hende tabata conoce y tabata domina e avioneta aki bon. E tabata instructor pa hopi aña na AFC y tambe e la sigui un curso den pasado di lucht acrobatiek. Na dado momento den un di e actonan acrobatico, e avioneta a bin abou, mas o menos for di altura di 2mil pia. E avioneta a cay cerca di algun cas panort di vliegveld. Prome cu e la lanta buelo, e la splica algun persona con mester bisti e fahanan di seguridad, ora di haci kenshi cu avion. Tur esaki a sosode prome cu 3'or di atardi. Luckhoo a bula prome riba e vliegveld, despues el a coy haltura di 2 pa 3 mil pia. Mientras un otro avioneta tabata riba pista di De Vuyst pa lanta buelo, Luckhoo a haci un spin den halto y esaki a bay bon, pero di golpi e avioneta a draai y a bin abou, Luckhoo a fayece mesora. <p style="text-align: center;"><img class="aligncenter wp-image-192823" src="/watermark/watermark.php?filename=https://arubanative.com/cms/wp-content/uploads/2022/01/2022-01-07_21-38-44.jpg" alt="" width="346" height="188" /><em>E avion den cual Luckhoo a perde su bida</em></p> Radio Antillana tabata e prome radio cu a manda un boletin cu e avioneta a cay. Radio Antillana tabata preparando pa transmiti, un programa for di 2'or di merdia na e vliegveld di De Vuyst en conexion cu bautismo di e avion nobo. E locutor kende a mira e accidente pasa su dilanti, a spanta asina hopi cu pa un rato a perde habla y despues a tuma contacto cu su hefenan pa manda un boletin di e accidente. Na e vliegveld for di 3 'or di atardi caba tabata tin hende presente pa e bautismo di e avioneta nobo, Pa motibo di e accidente tristo aki no por a tuma lugar. Edward Winston Luckhoo a nace na British Guyana y tabata un persona hopi conoci na Aruba, pa motibo di su relacion cu Aruba Flying Club, caminda pa hopi aña e tabata instructor y piloto. Na 1937 Edward  Luckhoo a yega Aruba y no tabata mucho tempo pasa cu e la imigra pa Merca, pero semper a keda cu su contactonan na Aruba Flying Club. <p style="text-align: center;"><img class="aligncenter wp-image-192824" src="/watermark/watermark.php?filename=https://arubanative.com/cms/wp-content/uploads/2022/01/2022-01-07_21-40-45.jpg" alt="" width="325" height="188" /> <em>1966, ora Luckhoo a tuma despedida di AFC y a bay biba na Merca</em></p> Dr. Bijl presidente di AFC na cuminsamento di augustus 1968 a pidi Luckhoo pa hunto cu ne bula e avioneta Cessna nobo trece Aruba. Dia 25 di augustus tabata e dia cu e avioneta aki lo mester a wordo bautisa bou di e nomber di De Vuyst cu ta unda AFC pa añas ta situa. Mesora despues di e sucedido a avisa casa di Luckhoo, su señora tabata na Merca. Despues di e accidente un cantidad grandi di personanan a core bay na e sitio di e accidente, nan a bay te cerca di e avioneta cu a accidenta. Brandweer a haya hopi dificultad pa haci nan trabou door cu hopi hende e tempo ey a bay na e sitio di e accidente. Despues cu e informe a keda conoci cu e avioneta a cay, mesora e truck di brandweer cu tin e puiro di paga candela a sali for di vliegveld Prinses Beatrix, bay direccion pariba. Despues di un rato dos truck mas di brandweer a bay direccion di De Vuyst. Polis di San Nicolas y materiaalwagen tambe a bay na e sitio. Hopi lihe autoridadnan concerni y representantenan di pueblo a presenta na e sitio, entre otro Gezaghebber di e tempo ey, sr. O.S. Henriquez, e deputadonan di e tempo ey, Max Croes dfm y Dominico Guzman Croes dfm, presidente di AFC dr O Bijl,  comisario di polis di e tempo ey, sr. G.H. Mol, mayor di mariniersnan H. van Maaren y tambe inspecteur di polis H.D. van der Griendt. E mariniersnan na e sitio, a percura pa pone baricada asina mantene e hendenan riba un distancia. Esaki pa motibo cu e investigacionnan cu mester a wordo haci ainda. E curpa di Luckhoo a wordo hiba na San Pedro Hospital. Segun un testigo e ultimo palabranan di Edward Luckhoo tabata" " lagami, lanta e avion pa haci algun kenshi pa asina hendenan den becindario haya sa cu tin algo pasando aki banda". Esaki e lo a bisa prome cu e la subi den e avioneta . Tambe prome cu e la subi den e avioneta, e la pasa control'e completamente. <p style="text-align: center;"><img class="aligncenter wp-image-192827" src="/watermark/watermark.php?filename=https://arubanative.com/cms/wp-content/uploads/2022/01/2022-01-07_22-07-28.jpg" alt="" width="285" height="169" /> <em>De Vuyst vliegveld</em></p> <p style="text-align: left;">E velocidad cu Luckhoo tabata spin no tabata halto. Segun experto Luckhoo no a purba sali di e spin, tabata mustra cu den cierto sentido cu e lo a blokia of a pega, pasobra si acaso e a laga e stuur los, e lo a sali automaticamente for di e spin. Por a deduci cu Luckhoo tabata tin e stuur teni. Segun e experto a sigui bisa cu No ta descarta e posibilidad cu durante e spin Luckhoo lo por a haya un ataca di curason y a perde conocimento, esaki lo a keda den man di esunnan cu lo haci e autopsia. E Dokter cu a yega na e sitio pa constata morto a splica cu Luckhoo fayece di e caida di Avion. E lo a haya kapnan grandi na su cabes y ambos pia a keda fractura.</p> Edward Luckhoo na 1966 a despedi como instructor di e club y a bay biba na Merca. Na 1968, Luckhoo a bin Aruba bek, cu Dr. Bijl presidente di AFC, nan a bula e cessna nobo for di Wichita Kansas pa Aruba, sin sa kiko destino tabata tin pa su persona. Edward Luckhoo a mira esaki mas bien como un oportunidad di bishita Aruba bek, unda e la biba pa casi 30 aña. Dialuna 26 di augustus den oranan di merdia riba e buelo di Trans Caribbean Airlines, e casa di Luckhoo a yega Aruba, e tabata acompaña pa su dos yiu muhenan. Diamars 27 di augustus su Edward Luckhoo a wordo hiba na su ultimo luga di sosiego cu ta den Santana di San Nicolas. <p style="text-align: center;"><img class="aligncenter wp-image-192825" src="/watermark/watermark.php?filename=https://arubanative.com/cms/wp-content/uploads/2022/01/2022-01-07_21-43-59.jpg" alt="" width="305" height="174" /><em>Entiero di Edward Luckhoo</em></p> Durante e entiero e avioneta nobo cu Luckhoo a trece Aruba a bula riba e santanta y esaki na honor di Sr. Edward Luckhoo, hopi hende tabata presente na e ceremonia tristo aki. Entre otro por a mira Dr. Bijl, Frere Theodorus y deputado Max Croes. E caha tabata cubri cu bandera di Aruba Flying Club. <p style="text-align: center;"><img class="aligncenter wp-image-192826" src="/watermark/watermark.php?filename=https://arubanative.com/cms/wp-content/uploads/2022/01/2022-01-07_21-57-22.jpg" alt="" width="350" height="186" /><em>Accidente na Oktober 1967, den cual Croes y Celaire a fayece</em></p> Esaki ta e di tres accidente den cual un avion di AFC tabata envolvi. Riba 14 di Oktober 1967 esun a cay pariba di De Vuyst Vliegveld den cual Jose Croes y Clem Celair a perde nan bida. E motibo di e accidente aki nunca a wordo conoci. Pero si e piloto di e avion aki su licensia a wordo kita pa 5 aña. E vonnis a wordo publica, pero sin informacion adicional. Den 11 luna e trafico aereo di Aruba a exigi tres morto. Prome cu 14 di october 1967, segun e vocero di Aruba Flying Club, den 26 aña nunca a yega di sosode accidente cu avionetanan di AFC cu a costa bida di hende. &nbsp; &nbsp; Fuente: Amigoe di Curacao &amp; mas persona
No items found.