Search articles

More history

Historia di Aruba: Asesinatonan cruel na comienso di 80 (part 2)

Jan 30, 2021
<p style="text-align: center;"><em>Den e segundo parti nos lo dedica na dos otro asesinato hopi tristo y cruel, cu ta:</em></p> <p style="text-align: center;"><strong>Na Februari 1982, "Carnavalsmoord," manera e la wordo yama, un caso hopi tristo y cruel </strong> <strong>&amp;</strong> <strong>Na November 1982, Jaloersheid a pone un homber yega asina leu di mata un muher na Montaña</strong></p> <em><strong>Carnavalsmoord, esaki tabata e nomber cu a wordo poni pa e caso tristo aki den cual 3 hoben a mata un otro hoben cruelmente y a laga su curpa benta den mondi pabou di actual Don Elias Mansur Ball Park.</strong></em> <strong><img class="wp-image-160178 aligncenter" src="/watermark/watermark.php?filename=https://arubanative.com/cms/wp-content/uploads/2021/01/ddd_010640219_mpeg21_p008_image-1024x625.jpg" alt="" width="384" height="235" /></strong> Oranjestad/Dakota: Diadomingo 21 di februari 1982, despues di a pasa henter un dia celebrando y gozando di e parada grandi di Aruba su Carnaval 28, den oranan di anochi ainda por a scucha varios caminda e cancion "Hiep Hiep Hoera" di Ito Dania, e Rey di Tumba di 1982, tambe despues di a tende henter dia brass band, Roadmarch di Mighty Cliffy, "Jamming" y hopi mas. Poco poco e hendenan tabata bandonanan e cayanan di Oranjestad, buscando caminda di cas. <strong><em>Ricky a bay pasa e dama L. te su cas na Tarabana</em></strong> E hoben Enrique Bermudez, cariñosamente yama Ricky, un hoben di 19 aña, tabata un di e miles y miles di hendenan cu a bay mira e parada grandi, despues di henter un dia gosando di e celebracion di Carnaval, te cu a bira anochi. Ricky como un hoben, cu a haya un bon educacion di cas, no kier a laga un dama cana bay su so den oranan di anochi te Tarabana. Nos no sa si tabata trata di su enamorada of djis un amiga. Ricky como un cabayero a dicidi di pasa e dama pa  su cas, sin sa kiko destino tabata tin wardando pe na Tarabana. <em>Ricky a mira e tres personanan ta horta den Centro di Bario Dakota y nan lo a invite pa drenta paden y bebe cu nan</em> <strong>Ricky Bermudez canando cu e mucha muhe, pa yega na cas di unda e dama tabata biba mester a pasa dilanti di Centro di Bario Dakota, e la mira tres persona den e edificio e oranan ey. Ricky a sigui cana y a hiba e dama su cas. Ora di bin bek e la bolbe pasa e mesun caminda. E la bolbe mira tres personanan den Centro di Bario Dakota, pero e tres personanan tambe a mira Ricky bolbe pasa y a nota cu Ricky a mira nan.( tin un version cu ta bisa cu Ricky a para na e schuifdeur y a miranan bezig ta horta paden.</strong> <img class="wp-image-160179 aligncenter" src="/watermark/watermark.php?filename=https://arubanative.com/cms/wp-content/uploads/2021/01/2021-01-30_0-50-24.jpg" alt="" width="292" height="180" /> E tres ladronnan den Centro di Bario Dakota tabata Nicojan Jansen, R. Dirksz y N. Albertsz. Ora cu e tres ladronnan a mira cu Ricky a miranan ta horta, aparentemente Nicojan Jansen lo a invita Ricky pa e drenta paden. E tresnan aki a trata na coi confiansa cu Bermudez y a cuminsa dun'e bebe alcohol, cu nan tabata hortando for di e bar di Centro di Bario. Aparentemente nan lo a duna Ricky un 7 pa 8 cerbes bebe, tur esaki pa gana su confiansa pa e no bay bisa cu nan tabata hortando den Centro di Bario Dakota. Na momento cu nan tabata den Centro di Bario. <strong><em>Nan a bay dilanti e panaderia den Guyabastraat</em></strong> <img class="wp-image-160180 aligncenter" src="/watermark/watermark.php?filename=https://arubanative.com/cms/wp-content/uploads/2021/01/2021-01-30_1-01-24-1024x648.jpg" alt="" width="412" height="261" />Nan no por a keda hopi mas den Centro di Bario y a dicidi di cana bay direccion di Guyabastraat, carga cu varios botter di alcohol y algun cos mas nan a bay sinta dilanti Panaderia Dakota y a sigui bebe. Dje un a cuminsa puntra otro kiko ta bay haci cu Ricky. Ricky a cuminsa bisanan cu e ta bay, aki nan pensamento a bay  pa likid'e, paso nan a pensa cu mas sigur e lo bay reda nan. <strong><em>Nan a bay cu ne banda di Marlboro Ball park y aki ta unda Ricky a wordo cruelmente asesina </em></strong> <img class="wp-image-160183 aligncenter" src="/watermark/watermark.php?filename=https://arubanative.com/cms/wp-content/uploads/2021/01/CAmacuri.jpg" alt="" width="305" height="273" /> Nan a dicidi di cuminsa cana cu ne, nan a pasa Fergusonstraat, Stadionweg y a bay banda di e tempo ey Marlboro Baseball Park, na e momento ey Ricky a bisanan cu e ta bay. Aki ta caminda cu Dirksz a dicidi pusha Ricky y despues a hink'e como tres biaha den su nek, mientras Nicojan a wanta su pia. Despues Nicojan y Dirksz a sigui na un forma hopi cruel hinca e curpa di Ricky. Un total di 81 hinka. E dosnan aki a hink'e, despues a pasa N. Albertsz e cuchiu yen miedo di nan, mientras nan tabata oblig'e pa e tambe hinka, pero pa scapa su mes un bida, e la gaña hinca e curpa cu ya tabata sin bida.  Despues nan a lastra e curpa bente den mondi pabou di Don Elias Mansur Ball Park. <strong><em>Tata di Ricky hopi preocupa a bay haci un denuncia na Warda di Polis</em></strong> <img class="wp-image-160189 aligncenter" src="/watermark/watermark.php?filename=https://arubanative.com/cms/wp-content/uploads/2021/01/2021-01-30_1-47-24.jpg" alt="" width="385" height="179" /> Dialuna 22 di Februari 1982, Un meneer Bermudez ta yega Warda di Polis, hopi preocupa y ta haci un denuncia cu su yiu homber Enrique Bermudez a bay Carnaval y te na e momentonan aki no a yega cas. Mesora polis a tuma tur detayes y a cuminsa cu un buskeda pa Enrique Bermudez di 19 aña. <strong><em>Curpa di Ricky a wordo haya</em></strong> <img class="wp-image-160006 aligncenter" src="/watermark/watermark.php?filename=https://arubanative.com/cms/wp-content/uploads/2021/01/20210127_204004.jpg" alt="" width="286" height="191" />Dia 24 di Februari 1982, den oranan di mainta dos señora, un tabata di fam Bergrok, e otro no conoci pa nos, nan tabata pasando den e area di Mansur Ballpark, na dado momento nan a bin topa cu un curpa ya den un estado di decomposicion den e mondi benta. Mesora nan a yama polis y asina a bin topa cu e curpa, tabata trata di e curpa sin bida di Enrique Bermudez. E curpa a keda confisca y despues di merdia a wordo duna liber na famia pa asina e famia por a dera nan ser keri, e mesun atardi aki. <strong><em>Investigacion a start y 7 persona a keda deteni pa interogacion</em></strong> Un team di recherche a cuminsa cu un investigacion y a hopi lihe detencion a cuminsa cay, como 7 persona a keda deteni pa interogacion, pero niun di e personanan aki tabata envolvi den e asesinato.  Muy probablemente, segun nos a compronde un of mas persona cu a mira e Nicojan y R. Dirksz na sanger of  otro hendenan cu a pasa y a miranan den oranan di anochi den compania di e hoben Bermudez a tip polis. <strong><em>Carnavalsmoord a keda soluciona, tres asesinonan a admiti di a mata Ricky</em></strong> Dia 25 di Februari 1982, e Carnavalsmoord a keda soluciona, mientras e 7 personanan cu tabata deteni a wordo laga den libertad. Polis a logra detene e trio envolvi den e asesinato di Bermudez. Tur tres a admiti di a asesina Bermudez. N. Jansen di 21 aña, N. Albertsz di apenas 18 aña y R. Dirksz di 25 aña, tur tabata biba den Dakota. <strong><em>Declaracion di e tres personanna cu a admiti cu nan a asesina Ricky</em></strong> Nan tur tres a admiti lo siguiente; Cu enberdad diadomingo pa dialuna den careda di mey anochi, nan a bay na Centro di Bario Dakota, pa horta, nan a drenta via e porta banda di e bar. Nan a bebe alcohol y na dado momento nan a mira e victima pasa bay, nan no conoce e victima y e victima tabata den compania di un dama L. Segun declaracion nan a mira e pareha ta mira nan. Un rato despues e victima a regresa su so y lo a bolbe mira paden. Jansen a habri e porta y a invit'e pa bin dal un drinks cu nan, locual e victima lo a haci tambe. Nan mester a haci poco esfuerso pa gana su confiansa, pa evita cu e lo bay papia. Na momento cu nan tabata bebiendo nan a cuminsa puntra otro kiko nan lo haci cu e victima, entrenan sin cu Bermudez a scucha nan lo a palabra algo . Despues nan a sali for di Centro di bario y a bay cu algun bebida y algun cos cu nan a caba di horta for di Centro di bario direccion di Panaderia Dakota den Guyabastraat. AKi ta caminda nan a palabra con nan lo likida e victima, paso nan no tabata confi'e cu e lo bay reda nan, mirando cu e victima tabata kier a cana bay. Manera cu nan a yega na Marlboro tennispark, nan a pushe y a bente abou. E la wordo hinka tres biaha den su nek y despues tur parti di su curpa como 81 hinka, nan a lastr'e bente pabou di actualmente Don Elias Ballpark, den e mondi. <img class="wp-image-160184 aligncenter" src="/watermark/watermark.php?filename=https://arubanative.com/cms/wp-content/uploads/2021/01/2021-01-30_1-19-35.jpg" alt="" width="289" height="183" /> Mesora despues di interogacion tur tres a keda deteni y hiba Huis van Bewaring. Jansen tabata wordo busca caba pa motibo cu e la horta den un trailer di carnaval. <em>Desde e dia aki a cuminsa un serie di casonan den corte relaciona cu e Carnavalsmoord, cu a caba te dia 7 di juni 1983</em> <em><strong>Jansen a huy for di Huis van Bewaring Dakota.</strong></em> Diasabra 20 di November 1982, Nicojan Jansen a huy for di Huis van Bewaring Dakota. Esaki a sosode den careda di 1'or y mey di merdia. Jansen (22) a haya un chens pa huy for di e werkplaats di huis van bewaring, cual e no a laga pasa. Mesora a cuminsa un buskeda rigoroso pa e fugitivo Jansen, tur esaki pa motibo cu e tabata wordo considera como un criminal peligroso, un acusado di Carnavalsmoord. <strong><em>Buskeda rigoroso pa e fugitivo asesino peligroso Nicojan</em></strong> E Comisario di Polis a haci un peticion pa e polisnan bay cu cautela mirando cu Jansen ta hopi peligroso y agresivo. Un buskeda rigoroso a wordo haci pa haya e fugitivo Nicojan Jansen. Dialuna 22 di November 1982, den careda di 9'or y 45 di mainta,  den area di Boca Druif, autoridad a logra pone man riba Jansen. Desde cu Jansen a huy for di prison, polis a haya varios tips, cu nan a mir'e na Bringamosa, un buskeda den e area aki sin resultado, un rato despues a drenta un otro tip cu e ta na Boca Druif y aki SI polis a logra pone man riba dje y a hibe cera bek na Huis van Bewaring. <strong><em>"Een Beestachtige moord" esaki ta con Fiscal a yama e asesinato aki durante tratamento di e caso aki den corte</em></strong> Segun investigacionnan haci en total e victima a wordo hinka como 81 biaha. E Fiscal di e tempo ey a yam'e "een beestachtige moord". Durante tratamento di e caso, e tres acusadonan a bin cu tur sorto di storia y officier van justitie a bisa nan cu nan ta rico na fantasia, paso dilanti di Rechtercommissaris y polis nan a duna diferente declaracion. Fiscal a bisa den corte cu e tres acusadonan aki merece di haya un straf cu ta na e nivel y seriedad di e delito cruel cu nan a comete. <em>Fiscal a exigi pa Jansen y Dirksz 20 aña y pa Albertsz 15 aña. Maske Albertsz su envolvimento tabata menos, pero segun Fiscal na niun momento e la bay sconde of a trata na yuda Bermudez.</em> <strong><em>Defensa di abogado di e acusado Jansen</em></strong> Abogado Flanders, a representa Jansen y kier a bin cu un defensa cu no ta Jansen so a faya, pero e comunidad completo cu nunca a dune un chens pa bira un bon civil. Esun cu a duna Jansen marihuana cu su 12 aña tambe ta forma parti di e comunidad.   Segun Flanders no ta nada straño, cu e mucha di 12 aña aki a crece bira un homber cu awe tin cu para dilanti mesa berde pa un delito asina aki. <em><strong>Defensa di abogado di e acusado Dirksz</strong></em> Abogado Sint Jago-Francis a bin cu un defensa cu Dirksz for di 20 di februari a cuminsa bebe alchol y tabata riba droga. Dirksz no tabata drumi mas cu 3 ora pa dia y pa tene cuenta cu e no lo por para responsabel pa su hechonan mirando cu e no tabata na su sano huicio durante e sucedido y a pidi vrijspraak pa su cliente. Segun e abogado e raport psykiatrico no tabata duidelijk y a pidi pa traha un di dos raport cu un otro psykiatra. E la haci un apelacion na Hues pa declara e dagvaarding nulo. <strong><em>Abogado Hans Sjiem Fat, tabata abogado di e acusado N.Albertsz.</em></strong> E abogado a dirigi su mes na e famia di e victima cu tabata presente den sala, e la cuminsa na condoleernan. Despues e la trece dilanti cu su cliente no a menasa e victima , no a ten'e, no a strob'e di huy, no a fors'e bebe y niun momento a hinca e victima y ni a push'e riba vloer. Niun momento e no a participa activamente na e asesinato di Bermudez. E Abogado a pidi hues pa dune un castigo cu ta igual na e tempo cu e ta den voorarrest. <em>E caso a tarda pa motibo di e raportnan psykiatrico cu a wordo traha na spaño y mester a keda traduci na Hulandes.</em> <strong><em>Sentencia den e caso Carnavalsmoord a cay</em></strong> Diamars 7 di juni 1983, Despues di casi un aña y mey, porfin e dia a yega cu Hues a dicta sentencia: Dos biaha 20 aña pa Nicojan Jansen y R.Dirksz, N.Albertsz a haya 2 aña y mey. Na final esaki ta loke hof a dicta Procureur General a exigi levenslang pa Nicojan y Dirksz, anto 15 aña pa Albertzs. <img class="wp-image-160185 aligncenter" src="/watermark/watermark.php?filename=https://arubanative.com/cms/wp-content/uploads/2021/01/Corte-di-husticia-front.jpg" alt="" width="327" height="161" /> Corte den prome instancia a duna Nicojan y Dirksz levenslang y pa Albertsz 1 aña y mey, pero Jansen y Dirksz no tabata di acuerdo y apela, mientras cu Fiscal tampoco no tabata di acuerdo cu e castigo cu Hues a duna Albertsz y fiscal a bay den beroep, paso e no tabata di acuerdo cu e sentencia cu N. Albertsz a haya. Na final Hof a yega na e conclusion cu Albertsz no por wordo huzga pa e asesinato of pa ta medeplichtig di dje, pero si pa ladronicia y e la haya 2 aña y mey di castigo. Mientras na final Nicojan Jansen y Dirksz, no a haya levenslang pero nan tur dos a haya 20 aña. <strong><em>E tres asesinonan aki tabata bou influencia pisa di droga y alcohol</em></strong> Hendenan yega na e personanan aki a duna nos un informacion no oficial cu e dia di e asesinato tur tres tabata riba un sorto di droga pisa y nan niun no tabata por a funciona normal. E tempo ey nan, esnan cu no tabata tin placa, lo tabata uza un sorto di pildo cu ta un trankilisante pa cabay. Aparentemente tur tres tabata bou infuencia di e pildo aki y riba dje nan tabata bou influencia di alcohol tambe. E pildo tabata wordo considera como un droga hopi peligroso pa ser humano. <strong><em>Tipsnan valioso polis lo a ricibi cu hopi lihe por a detene e tres personanan aki</em></strong> Tambe nan a informa nos cu e tres nan aki a yega nan cas cu nan paña tur na sanger y cu na ora e efectonan di e droga a cuminsa sali for di nan curpa y nan a bin bek na nan tino, un di nan tabata yora manera alma malo. Esaki lo a confia un ruman di kiko tur nan a caba di haci y no ta conoci si ta e ruman mes lo por a bati alarma. <img class="wp-image-160191 aligncenter" src="/watermark/watermark.php?filename=https://arubanative.com/cms/wp-content/uploads/2021/01/2021-01-30_2-02-14.jpg" alt="" width="289" height="200" /> Den Dakota tabata tin rumornan fuerte, cu ora Jansen a yega su cas, un persona cu tabata biba den un apartamento den su cura di cas, a nota cu Jansen a yega tur na sanger, mesora e la pensa algo hopi malo e lo a caba di haci. Den bario a wordo conta cu e homber aki na momento cu e la haya sa di e asesinato, lo a bay informa polis di locual e la mira e dialuna marduga. Tambe un of mas hende lo a pasa y a miranan dilanti panaderia den compania di Bermudez. En todo caso tabata tin suficiente testigo pa por a detenenan y despues nan mes a admiti di a mata e hoben Bermudez. <em><strong>Carnavalsmoord tabata un caso cu hopi hende nunca mas lo lubida, un asesinato hopi cruel, cu den e bario di Dakota te awe ta papia over di dje. No lo tabata mas miho pa nan a laga e Ricky bay y si e la redanan mes ta solamente un periodo cortico nan lo a haya cera. SI Enrique Bermudez miho conoci como Ricky tabata na bida e lo tabata un homber di 58 aña.</strong></em> &nbsp; <strong>"Jaloersheid", e motibo principal di un crimen passional den cual un homber a hinca Solange Blaire, e supuesto amor di su bida.   </strong> <em>Montaña: Dialuna 8 di november 1982,`na un cas na Montaña nan a bin topa cu un curpa sin bida di un dama Haitiana, di 33 aña di edad. </em> <strong><em>Curpa haya sin bida na un cas na Montaña</em></strong> <img class="wp-image-160186 aligncenter" src="/watermark/watermark.php?filename=https://arubanative.com/cms/wp-content/uploads/2021/01/ddd_010641111_mpeg21_p001_image.jpg" alt="" width="188" height="147" />Den careda di 5'or di atardi  a drenta un informacion na polis cu den un cas na Montaña tin un curpa sin bida di un hende muhe. Manera ta e proceduranan normal, mesora a manda un patruya na e cas. Na yegada enberdad nan a bin topa cu un curpa sin bida di un dama Haitiana yama Solange Blaire di 33 aña. Solange tabata cuida un anciana na e cas aki. Dr. Lin a constata morto, e curpa a wordo confisca y hiba na e mortuario di hospital. Na prome instante a wordo bisa cu e dama a wordo hinca cu un obheto scerpi den su pecho. Mesora autoridad a cuminsa cu un investigacion y hopi lihe a yega na un pista di un sospechoso, cu lo por a comete e asesinato aki, cu ta e homber Z.F.B.(53).  E homber aki tabata tin un relacion amoroso cu Solange. <em><strong><img class="wp-image-160187 aligncenter" src="/watermark/watermark.php?filename=https://arubanative.com/cms/wp-content/uploads/2021/01/2021-01-30_1-21-49.jpg" alt="" width="297" height="183" /></strong></em> <em><strong>Detencion a cay</strong></em> Z.F.B. tabata biba na un cas na Matividiri, polis a bay na e cas y Z.F.B. no kier a sali bin pafo pa topa cu e agentenan y mucho menos kier a papia cu nan. Na momento cu polis a drenta den e cas, nan a bin topa cu ne scondi bou cama. Mesora e la keda deteni como e sospechoso principal di a hinca Solange fatalmente. Durante interogacionnan enberdad e la admiti di a hinca Solange pa motibo di jaloersheid y no tabata kier pa Solange a kibra e relacion amoroso cu ne. <em><strong>Fiscal a exigi 5 aña di castigo di prison pa Z.F.B.</strong></em> Riba 27 augustus 1983 Z.F.B. mester a presenta den corte. Segun Fiscal, riba e anochi di 7 pa 8 di november 1982, Z.F.B. a asesina e cria Haitiano Solange, kende ta e persona cu Z.F.B. tabata supuestamente stima. Ela hink'e y a mat'e. Fiscal a exigi 5 aña di castigo di prison pa Z.F.B. <em><strong>Z.F.B. no tabata kier pa nan relacion amoroso caba</strong></em> Segun declaracion di Z.F.B., nunca tabata su intencion di a mata  Solange. Nan tabata bay bon cu otro y e tabata yud'e cu placa pa cria su yiunan na Haiti. Solange na varios ocasion a pidi e homber pa stop di bebe. Riba e anochi aki Z.F.B. tabata bou influencia y hunto cu dos otro amigo nan a bay bishita Solange. Despues cu nan tres a bay for di e cas, Z.F.B. a bin bek na e cas, paso e lo tabata desea di tene relacion cu Solange, pero no kier a puntra Solange dilanti di e dos amigonan. Solange no kier a tende nada di tene relacion cu Z.F.B. y a bis'e pa e bay for di su cas. E homber a declara cu e victima na dado momento a bay den cushina y a pasa man pa un cuchiu, mesora e la pensa cu e muhe ta bay hink'e y e la kita e cuchiu for di e muhe. Segun Z.F.B. for di e momento ey, e no ta corda cu si ta zwaai e la zwaai cu e cuchiu, pero un cos cu si e ta corda, tabata ora cu Solange a cay riba vloer y cu e la cuminsa mira sanger, aki ta caminda cu e la spanta. <img class="wp-image-160190 aligncenter" src="/watermark/watermark.php?filename=https://arubanative.com/cms/wp-content/uploads/2021/01/2021-01-30_1-16-15.jpg" alt="" width="201" height="131" /> <em><strong>Fiscal a sigui exigi 5 aña di castigo di prison pa Z.F.B.</strong></em> Durante tratamento di e caso den corte, Fiscal a splica cu for di e investigacionnan haci a resulta cu e victima a wordo hinca profundamente na su cintura, cu un cuchiu di 20cm largo. Fiscal a keda para ariba, cu kita bida di un otro ser humano ta un delito hopi serio, pio ora cu e victima no a haci nada robes. E unico cos cu e victima tabata kier, tabata caba e relacion amoroso cu Z.F.B. y pa esaki Fiscal a pidi 5 aña di castigo di prison. <em><strong>Varios raportnan a keda traha</strong></em> For di e raportnan psikiatrico a sali na cla cu Z.F.B. tbt un persona cu tabata bebe masha hopi mes. Den e raport a wordo conseha pa e bira miembro di A.A. y tambe lo ta un miho opcion pa e bay sinta su castigo na Corsou caminda su famianan ta biba. E raport di psycologo a splica cu Z.F.B. ta un persona hopi keto, pero e bebemento di alcohol ta sak'e hopi lihe for di su cashi. Pa loke ta trata su strafkaart, ta un biaha so e la hay'e envolvi cu algo cu tin di haber cu husticia. <img class="wp-image-160188 aligncenter" src="/watermark/watermark.php?filename=https://arubanative.com/cms/wp-content/uploads/2021/01/Corte-di-husticia-front-1.jpg" alt="" width="303" height="149" /> <em><strong>Hues a dicta sentencia, 4 aña di castigo di prison</strong></em> Diaranson 9 di november 1983, net un aña despues di e asesinato, Hues a dicta sentencia den e caso aki. Z.F.B. a wordo sentencia cu 4 aña di castigo di prison. Hues a haya cu no por a sentenci'e pa asesinato, paso Hues ta haya cu den e caso aki, principalmente no tin prueba di asesinato y pa esaki e la wordo declara liber. Pero si a keda sentencia pa maltrato cu morto como consecuencia. Hues a mustra cu e acusado tabata bou influencia y cu e mes a declara cu e no sa con e por a yega asina leu, pa a mata e persona cu e tabata stima. Maske Fiscal a pidi 5 aña pa Z.F.B. algun siman prome, durante e ultimo tratamento di e caso, Hues a duna Z.F.B. 4 aña di castigo di prison. No ta conoci si e la wordo manda Corsou pa sinta su castigo of e la sint'e na Aruba mes<em>. </em> <strong><em>Si bo sa mas di e casonan aki y ta desea di papia cu nos por contact nos libremente na nos email info@arubanative.com</em></strong> &nbsp;
No items found.