Search articles

More history

Historia di Aruba: Atraco fracasa, atracadonan a bay cas robes y a atraca hende robes

Sep 14, 2020
<strong>E biaha aki arubanative.com kier a publica algo cortico di un atraco cual tabata full bon planea,pero pa un ekibocacion e la fracasa por completo.</strong> <em><strong>Tres amigo, cu hopi gana di haya placa, pero di un forma facil. Nan tabata tres amigo cu mester tabata gusta mira pelicula. Riba un bon dia nan a dicidi di pone locual nan tabata mira riba pantayanan di cine den practica. Nan a traha un plan, un atraco riba un accountant di Holiday Inn Hotel. Tur cos tabata mustra cu e plan lo mester por funciona, pero na inicio di e ehecucion di nan plan, e la fracasa por completo.</strong></em> <img class="alignnone wp-image-147432" src="/watermark/watermark.php?filename=https://arubanative.com/cms/wp-content/uploads/2020/09/Shadrach-Meshach-Abed-Nego-1.jpg" alt="" width="253" height="124" /> <em><strong>Un pareha humilde di Piedra Plat, a pasa henter dia di obrero pafor di cas, masha dushi hunto sin sa con nan dia lo caba.</strong></em> <strong>Piedra Plat: Riba Dia di Obrero na 1980, un pareha despues di a disfruta di un dushi dia di fiesta hunto, a yega nan cas bek den careda di 7'or di anochi. Na momento cu nan a hinca e auto den cura di nan cas, pa nan sorpresa dos homber desconoci a presenta nan dilanti, cu e intencion di atraca nan. E señora a wordo agredi pa un di e hombernan aki, kende tabata tin un cuchiu den su man.</strong> <strong><img class="alignnone wp-image-147394" src="/watermark/watermark.php?filename=https://arubanative.com/cms/wp-content/uploads/2020/09/2020-09-13_20-08-38.jpg" alt="" width="244" height="185" /></strong> E atracadornan a menasa di mata e señora. E casa  a logra haya chens di core bay,  e la bay na su bisiña pa pidi ayudo, mientras e tabata scucha con su señora tabata grita pa auxilio. E homber a mira con e atracadonan a gara su casa y con nan tabata lastr'e riba caminda dilanti di su cas. E homber a didici di sali pa bay yuda su casa. Net na e momento ey, e atracadonan a realiza cu e homber y e señora no tabata e personanan cu nan mester a atraca, tur spanta nan a dicidi di core subi den auto y bay for di e sitio. <img class="alignnone wp-image-147395 hoverZoomLink" src="/watermark/watermark.php?filename=https://arubanative.com/cms/wp-content/uploads/2020/09/2020-09-13_23-37-44.jpg" alt="" width="278" height="206" /> Despues di un investigacion cortico na e cas, polis nan a ripara cu e dos hombernan a kibra un porta di palo patras di e cas pa asina nan por a drenta den e cura di cas. Ni dos ora despues polis a logra detene e prome sospechoso cu tabata V.E.K. di 39 aña. <img class="alignnone wp-image-147396 hoverZoomLink" src="/watermark/watermark.php?filename=https://arubanative.com/cms/wp-content/uploads/2020/09/2020-09-14_0-09-45.jpg" alt="" width="289" height="195" /> E recherchenan a sigui investiga y algun dia despues na Airport di Aruba nan a pone man riba un otro sospechoso cu tabata B.G. di 25 aña, kende tabata a punto di subi avion pa bay Colombia. E ultimo sospechoso tabata  E.B. di 22 aña a wordo deteni durante un fiesta. <img class="alignnone wp-image-147397 hoverZoomLink" src="/watermark/watermark.php?filename=https://arubanative.com/cms/wp-content/uploads/2020/09/2020-09-14_0-17-47.jpg" alt="" width="202" height="136" /> E.B. tabata wordo busca caba pa husticia, como sospechoso di un atraco na un snackbar na Cura Cabay. <img class="alignnone wp-image-147420" src="/watermark/watermark.php?filename=https://arubanative.com/cms/wp-content/uploads/2020/09/2020-09-14_12-09-18.jpg" alt="" width="229" height="166" /> Diabierna 29 di augustus 1980, e tres sospechosonan aki mester a presenta dilanti mesa berde. Fiscal a pidi pa B.G. (25) y E.B.(22) 18 luna di castigo di prison. Pa V.K. fiscal a pidi 6 luna di castigo di prison, descontando tur locual nan a sinta caba. Durante e tratamento di nan caso den corte, un di nan a admiti cu enberdad dia 1 di mei nan a kibra e porta di palo y a bay sconde den e cura di cas na Piedra Plat pa asina warda e pareha yega cas cu e intencion di atraca nan. Na momento cu e pareha a yega cas, nan a menasa nan pa nan keda para keto si no lo tiranan mata. Nan a confirma den corte cu nan a lastra e señora riba caminda. Mientras e casa a haya un chens di core a bay pidi ayudo na un bisiña. Fiscal a mustra hues cu e señora a keda hopi trauma pa locual e tres atracadornan aki a haci cu ne. Durante cu e caso aki tabata wordo trata den corte V.K. y E.B. a bisa cu ta B.G. tabata esun cu a bin cu e plan y a tuma e iniciativa. Mientras B.G. na su turno tabata mustra riba E.B. como e autor di e atraco fracasa aki. E.B. a dicidi di conta kiko nan plan tabata y a bisa Hues cu e plan tabata di di B.G. <img class="alignnone wp-image-147410" src="/watermark/watermark.php?filename=https://arubanative.com/cms/wp-content/uploads/2020/09/2020-09-14_0-15-57.jpg" alt="" width="335" height="180" /> E intencion di e secuestro tabata cu nan mester a secuestra e pareha y bay cu nan na Holiday Inn Hotel, caminda e homber lo tabata traha como accountant. Na e hotel nan lo a obliga e homber pa habri e safe di e hotel y ora nan caba di coy suficiente cent, nan lo a bay baha e pareha na un area bandona na Golfweg, cerca di e GolfCourse. Nan plan for di comienzo a fracasa por completo, door di a ekiboca di adres y enbes di bay na e bisiña cu ta e accountant, e trio fracasa a bay sconde den cura robes. Ora nan a nota cu nan a atraca hende robes, nan a core subi auto bay. Den corte E.B. a bisa cu ta B.G. a hibanan na e cas aki y a bisa nan cu eynan e accountant di e hotel tabata biba. <img class="alignnone wp-image-147398 hoverZoomLink" src="/watermark/watermark.php?filename=https://arubanative.com/cms/wp-content/uploads/2020/09/2020-09-13_20-17-41.jpg" alt="" width="260" height="191" /> E volkswagen blanco den cual nan a yega na e sitio y a bandona e sitio den dje, tabata pertenece na V.K. y e mes tabata e chauffeur den e caso aki. Segun B.G. e ta inocente y su unico error tabata cu e la bay riba tereno priva di otro hende. B.G a sigui bisa cu ta E. B. a convence pa bay cu nan den auto. Segun B.G. a conta den corte cu ta E. B a bis'e cu e tin cu bay busca un loudspeaker na e cas aki, na Piedra Plat. Tambe e la bisa hues cu ta te ora nan a yega na e cas, e la bin haya sa e intencion di E.B., Na momento cu E.B. a cuminsa kita e shuttersnan di e cas, e la bin ripara cu no ta busca sino horta E.B. a bin horta na e cas. Tambe e la sigui conta cu E.B a cambia di idea y a pone e shuttersnan bek. E la sigui conta cu na momento cu e pareha a yega cas y tabata drentando nan cura di cas, cu E.B. a core bay ribanan. E tres acusadonan a keda para riba nan declaracion contradictorio y tur cos a keda indica cu ta B.G. mes tabata e autor principal, especialmente despues cu hues a puntra e victimanan algun pregunta y tambe si e shuttersnan di e cas tabata intacto y paden nan no a haya falta di nada. E pareha a bisa cu e shuttersnan tabata intacto y nan no a haya falta nada. Tur integrante di e trio aki a yega di hayanan mas cu un biaha caba envolvi cu husticia. V.K. relaciona cu malversion di placa na ABN BANK. E.B. pa diferente caso di ladronicia y B.G. dos biaha pa atraco arma den hotel y a la bes dos biaha e la logra huy for di cel di warda di polis. E motibo pakiko Fiscal a pidi menos tempo di castigo pa V.K. tabata pa motibo cu su participacion den e caso aki tabata minimo, E tabata solamente e chauffeur, mientras G.B. y E.B. tabata den e cura, nan a menasa e señora cu un cuchiu y nan a lastra e dama riba caminda, pesey fiscal a pidi mas castigo pa nan dos. <em>Nos no sa ken e trio atracado aki tabata y ni tampoco ken tabata e victimanan. Pero aki por a mira un plan traha estilo pelicula y cu un faya nan plan a bin abou. Tambe aki por a mira con bon polisnan di e tempo ey, a sa di haci nan investigacion, sin internet, den un tempo primitivo y asina mes a logra gara tur tres atraco den un tempo hopi cortico.</em>
No items found.