Search articles

More history

Historia di Aruba: Dies fugitivo riba un boto, nabegando rumbo Colombia a yega Aruba

Apr 18, 2022
<p style="text-align: center;"><em><strong>E biaha aki nos lo dedica nos Historia di Aruba na algo cu a pasa na November 1934 y cu durante añanan a haya hopi atencion. Entre otro tin un buki skirbi over di esaki y tambe pelicula lo a wordo traha.</strong></em></p> <strong>San Nicolas: Na cuminsamento di november 1934, a yega na waf di San Nicolas (LAGO), a yega un boto y abordo di e boto tabata tin 10 homber. E tempo aya no tabata tin tanto control y mucho menos bon contacto cu otro paisnan.</strong> E 10 personanan aki despues di yega tera, a bisa esnan na San Nicolas cu nan tur ta fugitivo y cu nan a huy for di Isla del Diablo/ Devil's Island cu tabata un di e prisonnan di maximo seguridad y caminda hopi barbaridad y crueldad tabata sosode. <img class="aligncenter  wp-image-205400" src="/watermark/watermark.php?filename=https://arubanative.com/cms/wp-content/uploads/2022/04/2022-04-18_18-44-20.jpg" alt="" width="270" height="113" />Devils Island (Île du Diable) tabata un prison conoci pa tortura prisoneronan cruelmente y cosnan barbaro tabata sosode. Devil's Island ta un isla cu ta pertenece na French Guyana. E prison a opera pa mas di 100 aña di 1852 pa 1953. Mayoria di prisoneronan no tabata sobrevivi nan castigo y maltratonan severo, tambe e clima cayente tabata hunga un rol.  Como 40% di e prisoneronan no tabata sobrevivi nan prome aña encarcela y 75% no ta sobrevivi e castigo di prison cu a wordo dicta na nan. <img class="aligncenter  wp-image-205399" src="/watermark/watermark.php?filename=https://arubanative.com/cms/wp-content/uploads/2022/04/2022-04-18_18-43-23.jpg" alt="" width="304" height="148" />E hombernan tabata di entre 30 pa 42 aña di edad, nan tabata sentecia na castigonan di prison variando di 8 luna y 17 aña. E fugitivo mas bieu a wordo sentencia na 17 aña di prison y e ta un persona cu a huy como ocho biaha for di Devils Island. Durante un di su escapenan e la logra keda 1 aña den libertad, esaki tabata na Caracas, Venezuela. Despues e la wordo deteni y manda bek French Guyana. Un otro biaha e la huy y a logra yega Brazil, caminda e la keda dos aña den libertad, prome cu e la wordo poni riba boto y manda bek pa Devil's Island. E tempo ey e tabata tin 32 aña, e tabata casa pero no tabata tin yiu. Asina aki e la keda huy cu e esperansa cu un dia e lo logra yega un caminda, unda e lo wordo acepta y lo por biba den pleno libertad. <img class="aligncenter  wp-image-205401" src="/watermark/watermark.php?filename=https://arubanative.com/cms/wp-content/uploads/2022/04/2022-04-18_18-48-45.jpg" alt="" width="154" height="243" />E fugitivonan a conta cu nan tabata tin como 4 luna hopi horibel tras di lomba, cu desde cu nan a huy for di e prison , nan tabata unicamente tratando di yega na un luga caminda nan por ta hende liber bek. Dianan di martirio y sufrimento nan a pasa aden. E fugitivonan a bisa cu nan a bin for di Corsou, unda nan a wordo auxilia cu cuminda y awa pa nan por a sigui nan biahe, pa motibo cu Gobierno di Corsou no a permiti nan di keda definitivamente na Corsou y nan a hayanan obliga di sigui nan biahe. Segun e fugitivonan, nan a cuminsa nan biahe for di British Guyana despues cu nan a huy den diferente grupo di fugitivo, despues e 10 fugitivonan aki a join otro, tabata trata di 7 Frances, dos Belgo y un Italiano. Hunto nan a sali enbusca di nan libertad, cu tanto nan tabata anhela. Prome cu nan a cuminsa nan biahe nan tabata spaar y recoge locual tabata na nan alcanse y asina nan a logra yega na un boto di bela chikito pa nan por a sigui nan biahe. <img class="aligncenter  wp-image-205403" src="/watermark/watermark.php?filename=https://arubanative.com/cms/wp-content/uploads/2022/04/2022-04-17_15-14-05-1.jpg" alt="" width="243" height="149" />Na British Guyana nan a wordo prove'e cu provision y poni riba e boto cu destino Haiti, pero como cu niun di 10 no tabata sa kiko ta nabega. Nan a pasa como 12 dia basta turbolento riba lama, prome cu nan a dal cu nan boto na e Costa di Corsou, cu consecuencia cu nan boto a kibra. Na Corsou nan a haya un otro boto y yena cu provision pa nan sigui nan biahe, e biaha aki nan a cambia nan destino, nan a dicidi di bay rumbo Colombia. E prome anochi riba lama tabata tin basta biento fuerte, esaki a causa cu e mast principal di e boto a kibra, mesora nan a trata na yega e waf di mas cerca cu tabata esun di San Nicolas. <img class="aligncenter  wp-image-205402" src="/watermark/watermark.php?filename=https://arubanative.com/cms/wp-content/uploads/2022/04/2022-04-18_18-49-47.jpg" alt="" width="203" height="162" />Na Aruba nan a wordo calurosamente ricibi, e empleadonan di L.A.G.O. di e tempo ey a yuda e 10 fugitivonan, nan boto a wordo repara y gestock cu cuminda, awa etc. pa nan por sigui cu nan biahe, esaki algun dia despues cu nan a yega Aruba. E boto di loods a acompañanan pa sali for di waf, pero saliendo for di e waf di San Nicolas nan boto a bolter, e boto di loods cu tabata hopi cerca mesora a rescatanan y a trecenan tera bek, pero lamentabelmente nan a perde tur cos. Despues un biaha mas nan a wordo ayuda cu provision, awa, gasolin y un compas etc. E empleadonan di Lago a colecta placa como 700 dollar pa a yudanan cumpra un boto cu su motor y bela, pa asina algun dia despues nan por a sigui cu nan biahe cu exito. Durante cu nan tabata rumbo Colombia, Coastguard a para nan pero danki na un documento oficial cu nan a ricibi di Aruba, nan por a sigui nan biahe sin problema, cu destino final Colombia. Na final nan a logra yega nan destino, cu tabata Santa Martha Colombia. Na yegada e 10 fugitivonan a split, 7 di nan no a keda na e costa y opta pa bay mas leu den di pais. Tres a bay Baranquilla, e tresnan aki a wordo deteni y nan tabata wardando pa regla nan papelnan pa asina nan por a keda Colombia. Na Colombia por fin nan lo a haya e libertad cu tanto nan tabata anhela y di no a wordo manda bek Devils Island.
No items found.