Search articles

More history

Historia di Aruba: E conocido Pink Panther a wordo tira fatalmente pa un agente policial

Oct 18, 2020
<strong><em>A peticion di un fiel bishitante di Arubanative.com. </em></strong> <strong><em>Sr. C. Geerman, ata e historia cu bo persona a pidi nos.</em></strong> <pre><strong><em>E informacion aki, ta informacion cu a wordo documenta for di polis di e tempo ey. Si tin cualke famia of persona cu sa mas di e sucedido aki, semper ta mas cu welcome pa manda nos un email of por inbox nos riba nos Facebook page, pa asina nos por añadi mas na e historia aki. Hunto nos lo yuda conserva historia di Aruba pa nos futuro generacion.</em></strong></pre> <em>E biaha aki nos lo dedica e historia di Aruba na un persona, cu den añanan 1978 pa 1980 tabata hopi conoci no solamente den e districto di Santa Cruz, pero tambe rond Aruba. E tempo ey manera scucha e nomber di <strong>Pink Panther</strong> tur hende ta pensa "here comes trouble". Pink Panther su amigo tabata yama "Diablo preto", Diablo preto tabata e ultimo persona cu tabata cu Pink Panther prome cu e la wordo tira. Ambos den final di 70 pa 80 tabata hoben y tur dos  tabata biba den e districto di Santa Cruz, e parti pariba</em><em>.</em> <strong><em>Felix Luciano Werleman alias Pink Panther</em></strong> Felix Luciano Werleman alias <strong>Pink Panther</strong>, a nace dia 28 di mei 1958 na Aruba y tabata biba na Santa Lucia. Felix por a wordo compara cu un Dare Devil. Felix tabata un hoben cu tabata sa di a duna polis y su famia basta dolor di cabes. Segun nos a compronde Pink Panther no tabata tin trabou y tabata dedica su tempo entre otro na horta pa e por a mantene su mes. Pink Panther tabata tin un abilidad unico di horta y sigur e forma cu e tabata horta auto, placa, den casnan etc.  mesora polis tabata sa cu ta trabou di Pink Panther. Pink Panther tabata tin su bon brothernan den districto di Santa Cruz. <strong><em>Pink Panther informante di polis</em></strong> Hopi hende tabata bisa cu Pink Panther tabata un diabel, tabata haci malo so, esey sigur no tabata cuadra completamente cu e berdad. Pink Panther a yega di haci cosnan corecto tambe. Combersando cu un reportero di antes, e la divulga algo cu hopi hende no tabata sa ta, Pink Panther tabata tin amistad cu un recherche, kende e tabata confia. Hopi biaha e la fungi como un informante di Polis. Pink tabata dune informacion, e tabata te hasta busca informacionnan clave pa e recherche aki ora e rechereche pidi'e y a cambio e recherche tabata dune algo pa e por come y sobrevivi. Na momento cu e recherche a haya sa cu un di su coleganan a tira Pink Panther, e la keda desapunta y rabia pa motibo cu e la perde un di su informantenan clave. <em><strong>Pink Panther a lanta cu su mama pa placa</strong> </em> Pink Panther constatemente tabata den noticia, pa e fechorianan cu e tabata comete. Riba un dia den final di Juli na 1980, Pink Panther a dicidi di bay bishita su mama, tur cos tabata masha bon, te ora cu e la pidi e mama placa y a mama a nenga di dun'e placa. E la bira razo, cuminsa haci desordo y kibra cos den cas, e la hisa stul y mesa benta, tambe e la kibra varios glas y mas cos den cas. Mesora a pidi pa asistencia di polis, pero ora polis a yega na e cas ya Pink Panther a sali bay y nan no a hay'e mas. <em><strong>Pink Panther a horta na Natural Bridge y na Andicuri </strong></em> Diadomingo 10 di augustus 1980, un biaha mas Pink Panther tabata wordo busca pa autoridad, e biaha aki tabata pa robo. Den oranan di atardi polis a wordo poni na altura cu den area di Natural Bridge tin dos persona canando sosopechoso y posibelmente cu mal intencion. <img class="alignnone wp-image-150831" src="/watermark/watermark.php?filename=https://arubanative.com/cms/wp-content/uploads/2020/10/2020-10-18_13-24-16.jpg" alt="" width="227" height="149" /> <em>Natural Bridge, unda nan a horta yabi di e Snack, yabi di auto y di cas.</em> Ora polis a yega na Natural Bridge ya e dos personanan sospechoso aki a bay caba. Polis a topa cu e doño di e Snack cu tin na Natural Bridge, e hombere tabata hopi rabia y e la conta e polisnan cu e dos personannan sospechoso aki a horta yabi di e snack, su yabi auto y di cas. E descripcion cu e la duna polis, mesora nan tabata sa cu ta trata di Pink Panther. Mientras polis tabata cabando na Natural Bridge, nan a wordo pidi pa bay Andicuri cu urgencia. <img class="alignnone wp-image-150832" src="/watermark/watermark.php?filename=https://arubanative.com/cms/wp-content/uploads/2020/10/2020-10-18_13-29-58.jpg" alt="" width="246" height="132" /> <em>Andicuri Beach, caminda e homber Hulandes tabata ora nan a horta den su auto</em> Na yegada na Andicuri un homber hulandes a bisanan cu dos homber a drenta den su auto y a bay cu su yabi auto, yabi cas, un tas y 300 florin. E descripcion cu e homber Hulandes a duna di e dos personanan tabata cuadra cu esun di Natural Bridge. Mesora nan a bin compronde cu ambos caso di ladronicia a wordo cometi pa Pink Panther y su amigo. Pa mas cu un luna polis tabata buscando Pink Panther y su amigo pero sin resultado, te dia 15 di september 1980, cu tabata su ultimo dia riba e mundo aki. <em><strong>Pink Panther su ultimo joyriding</strong></em> Dialuna 15 di September den careda di 1'or y mey di merdia, un persona di fam, Thiel a presenta na warda di polis na Santa Cruz pa entrega un keho di ladronicia. Segun su persona desconocidonan a horta su Toyota Corola, color maron, numera A4545. <strong><em><img class="alignnone wp-image-150813" src="/watermark/watermark.php?filename=https://arubanative.com/cms/wp-content/uploads/2020/10/pics-3.jpg" alt="" width="319" height="192" /></em></strong> <em>E auto cu Pink Panther y su amigo Diablo Preto a joyride for di dilanti un cas na San Fuego</em> <strong><em>Centrale post di polis a manda avisa tur unidad di polis di e auto horta</em></strong> E auto tabata parada dilanti di un cas na San Fuego na momento cu e lo a wordo horta. Mesora despues cu e homber a entrega keho di ladronicia di su auto, Centrale Post a mand'e rond pa tur unidad di polis cu ta riba caya pa tira un bista riba e auto aki. Despues di basta rato un patruya a informa Centrale Post cu nan a mira e auto aki den cercania di Picaron, Santa Cruz Pariba y den e auto tabata tin dos hoben. <strong><em>Buskeda pa e auto den area di Picaron</em></strong> Mesora a pidi pa un patruya yudanan busca e auto caminda nan a mir'e delaster biaha, esaki tabata den careda di 4'or di atardi. Den careda di 5'or y pico un biaha mas den cercania di Picaron nan a bolbe mira e auto, e biaha aki nan a reconoce e chauffeur di e auto tambe, como Felix Luciano Werleman, alias Pink Panther. Felix tabata wordo buska pa algun caso pendiente cu Husticia. Den e auto na banda nan a reconoce un otro conocido di polis cu ta Arcado Angela alias"Diablo Preto". <em><strong>Polis a persigui Pink Panther y Diablo Preto</strong> </em>Polis mesora a sigui nan y tabata dunanan señal pa nan para, pero Felix e chauffeur, no a para y a sigui core pa polis. Ni pa nada, e no kier a para, segun nos a compronde tabata custumber caba di Pink Panther pa no sigui ordo di polis y core pa polis. <img class="alignnone wp-image-150829" src="/watermark/watermark.php?filename=https://arubanative.com/cms/wp-content/uploads/2020/10/Picaron-2-1024x498.jpg" alt="" width="253" height="123" /> <em>Caminda di Picaron unda Pink Panther a para e auto y e cu Diablo preto a sali na careda</em> <em><strong>Polis a los tiro di advertencia y Arcado Angela"Diablo Preto" a entrega su mes</strong></em> Dilanti di un cas na Picaron nan a para e auto, aki ta caminda Diablo Preto lo tabata biba. Arcado a sali na careda bay direccion pariba y Pink Panther a drenta den un hanchi cerca di e cas y a core bay direccion panort. Ora e dos hobennan a cuminsa core polis, polis a los un tiro di advertencia den laira. Arcado Angela mesora a stop di core y a entrega su mes na autoridad. <em><strong><img class="alignnone wp-image-150830" src="/watermark/watermark.php?filename=https://arubanative.com/cms/wp-content/uploads/2020/10/2020-10-18_13-13-55.jpg" alt="" width="288" height="154" /> </strong><em>Detencion</em> <em>a</em><em> cay</em></em> <em><strong>Tiro cu tabata destina pa pia di Pink Panther, a alcans'e patras di su cabes</strong></em> Pink Panther si no a worry cu e prome tiro di advertencia, e la sigui core bay direccion panort. Polis tambe a sali na careda bay su tras, e la core baha un cero y a bay direccion di un rooi, coriendo bayendo mas panort, na dado momento e polis a para y a los un biaha mas un tiro di advertencia den laira, pero nada, Pink Panther no a worry cu esaki tampoco y a sigui core direccion di e rooi. <img class="alignnone wp-image-150828" src="/watermark/watermark.php?filename=https://arubanative.com/cms/wp-content/uploads/2020/10/Picaron-1-1024x498.jpg" alt="" width="268" height="130" /> <em>Actualmente e Rooi patras di e cas na Picaron, unda Pink Panther a trata na huy pa polis</em> <img class="alignnone wp-image-150811" src="/watermark/watermark.php?filename=https://arubanative.com/cms/wp-content/uploads/2020/10/pics-2.jpg" alt="" width="277" height="117" /> <em>Varios alto funcionario policial na e sitio unda Pink Panther a wordo tira</em> Despues di e tiro di advertencia e agente policial a dicidi di los un otro tiro, pero e biaha aki e la dicidi di mik pa tira Pink Panther den su pia, pero net na e momento cu e la los e tiro, Felix a bula den e rooi cu tabata basta hundo y pa su mala suerte e bala a alcans'e net patras di su cabes. Asina mes Pink Panther no a rindi, e la sigui core pero djis algun meter so y despues a perde balans y a cay boca ariba y cu su mannan habri. E agente policial cu a los e tiro a ripara cu e la herid'e gravemente of miho bisa casi fatalmente. <em><strong>Pink Panther a fayece na yegada na Hospital</strong></em> Mesora e polisnan na e sitio a notifica autoridad y a manda pidi cu hopi urgencia pa un dokter na e sitio. Tambe nan a pidi pa presencia di ambulance cu sumo urgencia. E ambulance a yega prome cu Dokter na e sitio, pero mirando e situacion critico di e victima, ambulance no a perde tempo warda riba dokter y a dicidi di transport'e mesora pa hospital. Na yegada na hospital dokternan no por a haci nada mas pa Pink Panther y a constata morto di Felix Luciano Werleman, alias Pink Panther, un hoben di 22 aña. Nos a ricibi varios comentario relaciona cu e historia aki, den cual hopi ta bisa Pink Panther hamas por a bula den e rooi caminda cu polis a tir'e. Segun nos a compronde di algun persona di e tempo ey yega na Pink Panther, cu Pink Panther nunca a bay bula den e rooi y cu ta polis a tire pa motibo cu e tabata tin nan cansa cu su hortamentonan den Santa Cruz. Te hasta tin cu a bay asina leu di bisa cu ta un polis a tir'e den su cabes despues a lastr'e bent'e den e rooi esaki comentarionan di lectornan. Te hasta lo a haci cu un reconstruccion di e caso lamentabel aki caminda a confirma cu niun momento Pink Panther no a bula den e rooi. pa motibo cu tabata tin hopi mata di Kukwisa caminda cu polis a bisa cu e lo a bula. Un contradiccion fuerte di locual a wordo publica e tempo ey y tambe locual personanan cu conoce  Pink Panther y e area aki ta bin ta bisando. Tempo ta pasa y hende ta bay, e aña aki a haci 40 aña caba di e caso lamentabel aki. Un cos Pink Panther a bay sosega y nunca mas lo bolbe pa conta kiko a pasa cu ne. Morto no por papia y e polis cu a tir'e so por a papia y tabata tin tur e chens di mundo y defende su curpa. <em><strong>Diablo Preto deteni</strong> </em>Despues di e incidente , na e sitio por a mira varios Alto Funcionario Policial y tambe Fiscal tur a presenta pa pone nan mes na altura di e caso serio aki. Mientrastanto Arcado Angela " Diablo Preto" a keda deteni . E arma cu e agente a uza pa tira a keda confisca pa mas investigacion. <img class="alignnone size-full wp-image-150814" src="/watermark/watermark.php?filename=https://arubanative.com/cms/wp-content/uploads/2020/10/pics-4.jpg" alt="" width="600" height="791" /> <em>Un poema hopi emocional dedica na Pink Panther, skirbi pa un amigo di dje</em> <em>Nos di Arubanative.com no conoce e dos personanan aki y ni  sa ken tur ta nan famia, nos no sa con e bida di Sr. Angela a sigui despues di e sucedido aki. Ni ken e ta of ken tabata "Klukje" brother di Felix Werleman. </em> <em>Lamentabelmente casonan asina te awe ta sigui sosode. Varios persona a yega di wordo tira fatalmente cu un arma reglamentario di polis, esaki durante un asistencia, hopi biaha pa motibo cu e sospechoso, no ta coopera cu polis, no ta respeta ordo di polis, of no ta haci caso di un tiro di advertencia den laira. </em> <p style="text-align: center;"><em>Tristo con un hoben di 22 aña cu full un bida su dilanti, haciendo su cosnan di malbado, a fayece sin di a haya un di dos chens pa a drecha su bida y forma un futuro. Muy bien si e la haya guia y tratamento professional, e lo por a cambia y bira un persona responsabel den nos comunidad. </em></p> <p style="text-align: center;"><strong><em>Felix Luciano Werleman, alias Pink Panther Sosega na Paz</em></strong></p>
No items found.