Search articles

More history

Historia di Aruba: E yora di e mucha muhe di Turibana

Jan 9, 2022
<p style="text-align: center;"><em><strong>Tur bario na Aruba tin nan historia, cada bario a yega di conoce un of mas sucedido tristo of tin un of mas anedocta di conta.</strong></em></p> <p style="text-align: center;"><em><strong>E biaha aki nos lo dedica historia di Aruba na e bario di Turibana den e districto di Noord. </strong></em></p> <p style="text-align: center;"><em><strong>E yora di e mucha muhe di Turibana, un topico cu antes hopi hende di e bario tabata comenta di dje y pa hopi aña hopi a scuch'e. Un yora duro di un mucha muher cu tabata hala atencion di habitantenan cu ta biba den e area di Turibana pa e casnan di pueblo di Noord. Nos no sa si ainda e sa wordo scucha. </strong></em></p> <p style="text-align: center;"><em><strong>Segun e habitantenan cu a yega di scuche, a conta cu e yora tabata bin di pariba di caminda di Turibana y tabata bay pabou den un cunucu caminda awendia tin e casnan di pueblo di Noord. </strong></em></p> <em>Segun e bieunan a conta cu e yora aki ta bin door di  un mucha muher</em><em> hoben cu a fayece den e cunucu aki, na un forma hopi cruel y tristo. E dama aki nos lo dun'e un nomber ficticio, nos lo yama e mucha muher aki Edith.</em> <strong><img class="aligncenter size-full wp-image-192964" src="/watermark/watermark.php?filename=https://arubanative.com/cms/wp-content/uploads/2022/01/2022-01-09_16-25-42.jpg" alt="" width="332" height="217" />Turibana:</strong> <strong>Edith a nace den e bario di Turibana na aña 1947. Edith su mayornan tabata hende di misa y hopi respeta den e districto di Noord. Edith tabata tin mas ruman, algun ruman homber y tambe ruman muhe.</strong> <strong>Tata poco streng</strong><em> </em>E la crece den un hogar cu hopi regla, su mayornan tabata hopi streng. Su mayornan lo tabata tin bon moda y nos a wordo bisa cu nan lo tabata tin te hasta un negoshi. Edith su mayornan semper a percura bon pa Edith y su rumannan, pa nan no tabata  falta nada. Segun nos a compronde Edith su tata tabata un poco fastioso. Segun conocirnan di e famia, e tata tabata pone hopi pression pa Edith y su rumannan studia pa asina nan yega leu den bida. No ta esey so, pero ora yega na cuenta di mucha homber bishita cas, e tata tabata hopi streng y e tabata un hende hopi riba su punta. &nbsp; <img class="aligncenter wp-image-192977" src="/watermark/watermark.php?filename=https://arubanative.com/cms/wp-content/uploads/2022/01/2022-01-09_16-28-51.jpg" alt="" width="277" height="191" /> <em><strong>Edith a bay traha na San Pedro Hospital</strong> </em>Edith a bay ta creciendo den un famia grandi y cu hopi ordo y respet. Na dado momento Edith tabata tin un deseo di bay traha na hospital como un verpleegster. Na un edad toch basta jong su deseo a keda cumpli, ora e la wordo tuma den servicio di San Pedro Hospital como verpleegster. Cu smaak e tabata cumpli cu su trabou, pero mirando cu su trabou na hospital tabata trabou di warda y Edith no tabata tin su propio auto, Hospital a dun'e un camber, caminda e por a keda drumi y riba su dianan liber e tabata coi bus, bay cas pa pasa su dianan cerca su famia na Turibana. E edificio dilanti di e entrada di hospital tabata caminda e cambernan di verpleegsternan tabata. E verpleegsternan tabata haya un camber eynan pa nan keda drumi y asina  pa nan ta mas cerca di trabou. <img class="aligncenter wp-image-192976" src="/watermark/watermark.php?filename=https://arubanative.com/cms/wp-content/uploads/2022/01/2022-01-09_16-31-57.jpg" alt="" width="343" height="147" />Edith, un dama hoben di apenas 20 aña, varios hende cu a conoce a conta cu Edith tabata un mucha muher masha bunita mes, cu cabey largo preto y unda e pasa su beyesa natural tabata hala atencion. Esaki tambe lo tabata un di e motibonan cu e tata tabata extra streng cu ne. <img class="aligncenter size-full wp-image-192965" src="/watermark/watermark.php?filename=https://arubanative.com/cms/wp-content/uploads/2022/01/2022-01-09_16-25-09.jpg" alt="" width="323" height="203" /> <strong><em>Sufri di depression</em></strong> Na aña 1967, Edith lo a haya un desgusto, cu a pone sufri masha hopi mes di depression, no ta conoci, si ta pa cuenta di amor, e lo a haya un desgusto asina grandi. E depression tabata comiendo Edith di paden, na dado momento e mester a bay tratamento cerca un psychiater y te hasta cu memey aña e la wordo interna den hospital pa esaki. <strong><img class="aligncenter  wp-image-193006" src="/watermark/watermark.php?filename=https://arubanative.com/cms/wp-content/uploads/2022/01/depression.jpg" alt="" width="231" height="151" /></strong> Diasabra 2 di september 1967, den careda di 1'or di merdia Edith a caba di traha y a cobra su salario. Despues cu e la pasa haci algun compras den playa, e la subi bus bay direccion di Noord, pa bay pasa su dianan liber cu su famia na Turibana. Ora Edith a yega Noord, su intencion di bay cas a cambia, e la dicidi di pasa na un tienda y a cumpra un paki swafel y un poco kerosin, e la cuminda e hendenan na e tienda y niun hende por a pensa kiko lo tabata pasando den su cabes. <img class="aligncenter wp-image-192986" src="/watermark/watermark.php?filename=https://arubanative.com/cms/wp-content/uploads/2022/01/2022-01-09_13-55-42.jpg" alt="" width="349" height="155" />Locual a sosode den e oranan cu a sigui ta algo hopi tristo, cu ainda tin cierto dudanan a keda atras. Un cos ta sigur cu Edith e diasabra aki no a yega su cas y miho bisa nunca mas a yega su cas. Edith enbes di a cana bay direccion panort pa bay na su cas, e la bira bay pabou, e la drenta den e cunucu (unda actualmente tin e casnan di pueblo).  E tempo ey tabata tin un cas bieu hopi mas pariba y sigui bay abou tabata ta puro cunucu cu mondi. <img class="aligncenter wp-image-192978" src="/watermark/watermark.php?filename=https://arubanative.com/cms/wp-content/uploads/2022/01/2022-01-09_16-55-34.jpg" alt="" width="280" height="182" /> <strong><em>Curpa a wordo descubri den mondi, den un cunucu</em></strong> Diadomingo 03 di september 1967, den careda di 7'or di anochi den e cunucu grandi hopi pabou di e caminda principal di Turibana, un hobencito di apenas 10 aña, a haya e susto di su bida, ora e la bay pasa den un hanchi cu ta bay pabou, den e mondi den e cunucu aki, e mucha homber chikito a mira algo cu a hala su atencion y su curiosidad di mucha a pone bay mira kiko tabata tin eybou benta. Pa su sorpresa e la bin topa cu un curpa sin bida di un muher cabey largo. E criatura tur spanta a sali core na grito bay y di baina por a conta su mayornan kiko e la caba di mira. <img class="aligncenter size-full wp-image-192966" src="/watermark/watermark.php?filename=https://arubanative.com/cms/wp-content/uploads/2022/01/2022-01-09_16-23-15.jpg" alt="" width="345" height="184" /> <strong><em>Investigacion a cuminsa</em></strong> Mesora nan a bati alarma, polis a bay na e sitio y segun e prome investigacionnan haci na e sitio, autoridad a bin haya sa cu ta trata di un mucha muher cu nan ta calcula di ta entre 17 cu 20 aña di edad. Segun e investigacionnan ta mustra cu e curpa lo tabata tin algun ora caba eybou. E polisnan a mira kemaduranan serio riba e curpa sin bida. E recherchenan cu a yega na e sitio, a cuminsa mesora cu un investigacion profundo, pa motibo cu no tabata conoci e momento ey cu lo tin un persona perdi. Autoridad a haci un yamada via Telearuba pa puntra si un famia especialmente den e area di Noord ta hayando falta di un ser keri rond di e edad aki, pa nan por fabor tuma contacto mesora cu polis. Tambe di otro banda oficialnan di polis no a descarta e posibilidad cu lo por tabata trata tambe di un crimen hopi serio. <strong><em>Un tristesa grandi a cubri Turibana y San Pedro Hospital</em></strong> Dialuna 4 di september 1967, den oranan di merdia recherche a duna e descripcion di e victima na tur stacion di radio na Aruba pa nan por pasa esaki pa e pueblo por reaciona. Asina nan a logra ricibi diferente reacion. Un cos autoridad a confirma durante nan investigacion, cu e dama su paña di abou tabata full kima mientras su shimis mes no tabata tin niun kima. Dos dia despues di a descubri e curpa sin bida den e cunucu y e recherchenan tabata den pleno investigacion, na dado momento un tristesa enorme a cubri e districto di Noord, muy en particular e area di Turibana y tambe San Pedro Hospital. Ora e identidad di e curpa a keda conoci, despues cu famia a reconoce e victima na su shimis y sapato, e personal di hospital tambe a reconoce e victima na un cicatriz riba e curpa cu ta trata di Edith. Edith tabata conoci na San Pedro Hospital pa tabata un trahador ehemplar. E famia tabata hopi kibra cu a tumanan un tempo hopi largo pa nan por a sigui cu nan bida. <img class="aligncenter wp-image-192979" src="/watermark/watermark.php?filename=https://arubanative.com/cms/wp-content/uploads/2022/01/2022-01-09_16-29-49.jpg" alt="" width="324" height="172" />Segun polis di e tempo ey,  Edith tabata tin un of mas aña ta wordo trata door di psychiater pa motibo di ta sufri di depression, pero asina mes semper a keda un duda si ta enberdad Edith a pone fin na su bida of tabata trata di un crimen. <em><strong>Duda di Suicidio of homicidio</strong></em> Semper e pregunta lo keda habri si ta suicidio of asesinato. Otro ta puntra pakiko di e forma aki? E tempo ey no tabata tin tanto investigacion manera awendia, ken por bisa si e mes a haci'e of si no ta un hende a haci'e cu ne? No tabata tin testigo? E tabata wordo trata pa depression. Edith tabata den e mundo di enfermeria, caminda tin tur sorto di remedi. E la pasa 54 aña pasa y e conclusion a wordo saca. Kiko tabata su motibo di a pone fin na su bida no ta conoci, varios hende ta bisa cu ta pa motibo di amor, otro ta bisa door cu e tabata gusta lesa bukinan di cierto creyencianan straño. &nbsp; <img class="aligncenter wp-image-192980" src="/watermark/watermark.php?filename=https://arubanative.com/cms/wp-content/uploads/2022/01/2022-01-09_14-01-05.jpg" alt="" width="263" height="137" /> <em><strong>Den e cunucu a construi casnan di pueblo</strong></em> Caminda e curpa a wordo haya, e cunucu no tey mas, na aña 1977, Gobierno di Aruba a traha mas di 150 cas di pueblo den y rond di e cunucu aki. Famia of amistadnan a pone un cruz caminda Edith a fayece y te den añanan 80, e cruz tabata tey ainda. E cruz a wordo poni na unda e la fayece, cu actualmente ta na final di patras di un cura di cas den un di a cayanan den e casnan di pueblo. <img class="aligncenter wp-image-192981" src="/watermark/watermark.php?filename=https://arubanative.com/cms/wp-content/uploads/2022/01/20220109_1126530.jpg" alt="" width="332" height="175" />E area aki a wordo roza varios biaha, nos no sa si e cruz por ta eynan ainda of mas sigur e lo a wordo roza for di e cura di cas. E prome habitantenan di e casnan di pueblo di Noord, a yega di conta cu nan a scucha e yora di e mucha muher di Turibana. Un yora cu tabata baha di pariba y pasa door di e casnan di pueblo bay pabou y poco poco e tabata caba. <img class="aligncenter wp-image-192983" src="/watermark/watermark.php?filename=https://arubanative.com/cms/wp-content/uploads/2022/01/20220109_113129.jpg" alt="" width="281" height="133" /> <strong><em>E yora di e mucha muhe di Turibana ainda ta wordo scucha?</em></strong> Hopi aña a pasa, e area a wordo habri y tin lus di caya, Nos no ta na altura si ainda e habitantenan ta scucha e yora di e mucha muher di Turibana. Si un hende por sa mas di e historia aki, especialmente di e mucha muher of si e la yega di scucha e yora of si ainda ta scucha e yora den e casnan di pueblo na Noord y ta desea di contanos esaki, por tuma contacto cu nos via nos facebook. <strong><em>Nos ta trece e historianan aki pa nos futuro generacion por sa kiko tur a pasa antes den nos barionan na Aruba.</em></strong> <em>Fuentenan: Amigoe di Curacao, algun habitante di Turibana cu ta prefera di keda anonimo</em>
No items found.