Search articles

More history

Historia di Aruba: Recordando 79 aña pasa di e Di Dos Guera Mundial (Relata pa Dufi Kock)

Feb 18, 2021
Awe, dia 16 di februari, 2021, nos ta recorda cu 79 aña pasa cu nos isla a wordo involucra den e Di Dos Guera Mundial. Kende e tempo ey por a pensa cu un isla asina chikito manera di nos lo por a experiencia un guera desastroso asina. Kende di nos awe ta reflecciona y pensa riba e rol importante cu nos isla chikito aki a hunga durante e guera aki. Kende awe cu a traha na refineria di Lago por bati riba nan pecho pa recorda con importante nan refineria tabata pa e aliadonan. Kende awe ta den tristesa recordando nan sernan keri cu cruelmente a bay laga nan. Hopi famia no por a ni mira nan defunto pa motibo cu nan santana a resulta den fondo di lama, unda nan ta sosegando cu tur honor. E perdidanan aki y otronan, a resulta den e calamidad di mas grandi cu nos pais por a experiencia den nos historia. Den apenas tres ora y pico, 47 persona ta perde nan bida, entre nan 12 Boneriano, incluiendo un famia Martijn cu a perde tres yiu homber den apenas dos ora. Famia Cicilia ta perde un yiu homber di apenas 15 aña. Aki ta sigui e secuencia di loke a pasa: 1940-05-10 Capitan Ferdinand Schmidt ta sink su barco E.S. Antilla na Malmok ora cu Comandante G. H. van der Spek a busca di conkista e barco. Pero van der Spek a haci e eror di bay bek tera pa drecha su metrayador cu a faya na prome instante, dunando e capitan tur e oportunidad pa sink su barco. El a ser masha hopi critica pa e hecho aki, pa motibo cu Hulanda a perde un barco nobo nobo. <img class="alignnone wp-image-162015" src="/watermark/watermark.php?filename=https://arubanative.com/cms/wp-content/uploads/2021/02/E.S.-Antilla.jpg" alt="" width="252" height="155" /> 1940-06-02 Tres Arubiano ta perde nan bida riba e barco di bela, Gaviota, cu tabata rumbo pa Santo Domingo pa busca comestibel pa Aruba. E submarino U-502 a sink nan. <img class="alignnone wp-image-162016" src="/watermark/watermark.php?filename=https://arubanative.com/cms/wp-content/uploads/2021/02/U-boat-1024x640.jpg" alt="" width="282" height="176" /> 1942-01-04 Tres Schutter Arubiano ta perde nan bida door di tiro di scopet durante nan trabou. <img class="alignnone wp-image-162022" src="/watermark/watermark.php?filename=https://arubanative.com/cms/wp-content/uploads/2021/02/Soldiers-Charging-1024x760.jpg" alt="" width="208" height="154" /> 1942-02-16 Capitan Werner Hartenstein, Capitan di e submarino U-156, pa 1:31 di marduga ta torpedea S/S Pedernales cu no ta sink, pero perdiente 8 di su tripulantenan di un total di 26. Aki e prome Boneriano, William Francisco Rosario ta perde su bida. Pa 1:33 Hartenstein ta torpedea y sink S/S Oranjestad, perdiendo 15 tripulante di un total di 25. Despues Hartenstein ta duna ordo pa lansa 16 cayon riba e refineria pero pa motibo di un eror, ta faya den su intento pa detrui e refineria. Un di e cayonnan a cay riba plafon di cas di famia Hijmering, bibando dan Lago Tank Farm y Dios Gracia cu e no a explota, sino lo tabata fatal. <img class="alignnone wp-image-162017" src="/watermark/watermark.php?filename=https://arubanative.com/cms/wp-content/uploads/2021/02/Pedernales-on-dock.jpg" alt="" width="234" height="277" /> Capitan Jurgen von Rosenstiel di e submarino U-502, banda di Macoya, Venezuela ta lansa torpedo y ta sink S/S San Nicolas y SS Tia Juana. Riba S/S San Nicolas 7 di e total di 26 tripulante ta perde nan bida y riba S/S Tia Juana 17 for di 26. 1942-02-17 Cuatro Marinier Hulandes ta perde nan bida durante cu nan tabata desmantela un torpedo lansa pa e submarino U-156 e marduga. Tres ta muri na e sitio y un otro pa su mañan na San Pedro Hospital. Tambe tres Arubiano a wordo herida, perde nan oido, debi na e explosion di e torpedo. <img class="alignnone wp-image-162018" src="/watermark/watermark.php?filename=https://arubanative.com/cms/wp-content/uploads/2021/02/Torpedo-at-Eagle-Beach.jpg" alt="" width="281" height="222" /> 1944-11-06 Nos heroe. Boy Ecury ta wordo fusila riba e Waalsdorp platte na Hulanda. Un hoben cu hopi curashi cu a prefera di entrega su bida como un heroe y no sigui biba como un traidor. Nos tur por corda su palabranan: “Den cas di mi tata, no tin luga pa traidor”. <img class="alignnone wp-image-162013" src="/watermark/watermark.php?filename=https://arubanative.com/cms/wp-content/uploads/2021/02/Boy-Ecury-Den-cas-di-mi-tata-no-tin-luga-pa-traidor.jpg" alt="" width="189" height="228" /> Ainda nos ta wardando riba e plakaat nobo cu Hulanda mester traha cu lo re-emplasa esun na Adriaan Lacle Blvd. Nos mester a kita un nomber cu a wordo ripiti dos biaha y tambe agrega 37 victima mas cu nos a recomenda na “Oorlog Gravenstichting” door di Jos Rozenberg, Edric Croes y mi persona. <img class="alignnone wp-image-162019" src="/watermark/watermark.php?filename=https://arubanative.com/cms/wp-content/uploads/2021/02/Monum-01-Copy-1024x768.jpg" alt="" width="246" height="185" /> 2014-05-20 Nos comision S/S Oranjestad Memorial Committee cu cooperacion di Comandante Hofma di Savaneta Kemp a instala un anker cu nos sambuyadonan a lanta pa sirbi como un monumento na honor di e cuatro Mariniernan cu a perde nan bida den e accidente di e torpedo na beach di Eagle. <img class="alignnone wp-image-162020" src="/watermark/watermark.php?filename=https://arubanative.com/cms/wp-content/uploads/2021/02/Monument-Anchor-at-Marinierskazerne-1.jpg" alt="" width="265" height="188" /> 2018-12-04 Nos comision S/S Oranjestad Memorial Committee a instala un chapaleta di e lake tanker SS Oranjestad den Boy Ecury Park cu nos sambuyadonan a lanta dia 13 di april 2009, pa sirbi como un monumento dedica na honor di e 47 tripulantenan cu a perde nan bida riba e tankeroanan di Lago. <img class="alignnone size-full wp-image-162023" src="/watermark/watermark.php?filename=https://arubanative.com/cms/wp-content/uploads/2021/02/Oranjestad-being-built-1.jpg" alt="" width="257" height="195" /> &nbsp; <img class="alignnone wp-image-162021" src="/watermark/watermark.php?filename=https://arubanative.com/cms/wp-content/uploads/2021/02/2017-08-24-Chapaleta-di-SS-Oranjestad-den-Parke-Boy-Ecury..jpg" alt="" width="267" height="184" /> &nbsp; <img class="alignnone wp-image-162012 alignleft" src="/watermark/watermark.php?filename=https://arubanative.com/cms/wp-content/uploads/2021/02/2021-02-18_12-46-06.jpg" alt="" width="201" height="194" /> &nbsp; &nbsp; &nbsp; &nbsp; &nbsp; Dufi Kock Escritor y Historiado Presidente di SS Oranjestad Memorial Committee &nbsp; &nbsp;
No items found.