Search articles

More history

Historia di Aruba: Secuestro a resulta di ta un caso di asesinato, e asesino a sconde e curpa den freezer di hotel

Jul 3, 2020
<em>Den Aruba su historia di criminalidad hopi cos serio y cruel a yega di sosode. Djies cu antes no tabata tin internet, noticianan no tabata wordo publica mesora, e tempo ey ta corant tabata e medio di comunicacion, den cual por a lesa noticianan di polis, pero lamentabelmente pa un temporada basta largo e corantnan tabata bin di Corsou, of algun tabata na Hulandes. </em> <em>Esaki hopi biaha tabata manera obstaculisa un parti di pueblo pa haya noticia. Hopi noticia tabata bay via radio of tabata pasa di boca pa boca.</em> <em><strong>E articulonan aki ta a peticion di varios lesado y bishitante fiel di Arubanative.com cu kier haya sa mas di e banda scur y e banda no bunita, crimennan den historia di Aruba.</strong></em> E biaha aki nos lo dedica historia di Aruba, na un caso lamentabel cu a sosode den Sheraton hotel na aña 1971. <img class="alignnone wp-image-141192" src="/watermark/watermark.php?filename=https://arubanative.com/cms/wp-content/uploads/2020/07/2020-07-02_20-04-23.jpg" alt="" width="299" height="174" /> Esaki a sosode na comienso di November 1971, den cual dos bon amigo, un chef cook (26)  R.B. y un Koki(25) di fam Rohrer cu e tempo ey recientemente a yega Aruba for di Suissa y a cuminsa traha na Aruba den cushina di Sheraton Hotel. Durante cu nan tabata trahando, nan a haya problema serio cu otro. Nos no sa si nan por tabata un pareha of simpelmente dos amigo. Riba 4 di november 1971 e chef cook R.B. di Sheraton Hotel a bati alarma bisando cu e koki cu ta trahando cu ne a wordo secuestra. E koki aki tabata di Zwitserland y tabata tin solamente algun siman na Aruba, e la yega Aruba dia 1 di Oktober 1971. Polis y algun medianan local, a haya e cuento di secuestro aki algo hopi raro mes. Segun e chef cook (26) R.B. e secuestradonan a bisa su persona cu si nan kier mira e koki Rohrer(25) bibo nan mester paga 20 mil florin cash, prome cu 9'or di mainta y mester pone e suma aki un caminda na Malmok. <img class="alignnone wp-image-141193" src="/watermark/watermark.php?filename=https://arubanative.com/cms/wp-content/uploads/2020/07/2020-07-02_20-06-18.jpg" alt="" width="329" height="198" /> For di oranan trempan di mainta, e hotel manager tabata man na cabes buscando un forma pa cera e suma aki, prome cu 9'or.  E tempo ey e suma aki tabata mucho grandi, e hotel no tabata tin'e den cas. E hotel manager a acerca banco pero no tabata posibel pa cera esaki prome cu 9'or. Na prome instante a pensa cu por ta trata di un joke laf. Pero toch e recherchenan a tuma e caso aki hopi na serio y hunto cu diferente departamento di Polis a cuminsa cu un buskeda rigoroso riba henter Aruba Mientras tanto cu e buskedanan tabata tumando luga, e recherchenan no a confia y a dicidi di cuminsa cu un investigacion den e hotel tambe. Locual a hala e polisnan nan atencion tabata cu e auto di e victima (e koki Rohrer) tabata ainda staciona na e hotel y su yabi di auto a wordo haya den e hotel. <img class="alignnone wp-image-141197 hoverZoomLink" src="/watermark/watermark.php?filename=https://arubanative.com/cms/wp-content/uploads/2020/07/2020-07-02_19-34-50.jpg" alt="" width="288" height="182" /> Eynan un lus a cende cerca e recherchenan, mesora nan a comproba cu e Rohrer no a bandona e hotel, diaranson anochi pa bay su cas. E cas caminda e chef cook y Rohrer tabata biba hunto. E chef cook ta e persona cu a yama polis bisa nan cu su colega a wordo secuestra y tambe ta esun cu a entrega un keho oficial. E team di recherche no a confia e declaracion di e chef cook, especialmente caminda e ta bisa cu e la busca den full e hotel y no a topa cu Rohrer. E investigacion den e hotel a sigui y no a dura largo cu nan a bin topa cu un plas di sanger, esaki a ponenan teme pa lo peor. Nan a sigui busca y den un storeroom bandona nan a bin topa cu un freezer riba wiel, ora a habri e freezer a bin topa cu e curpa sin bida di Rohrer, e koki cu supuestamente lo a wordo secuestra. E homber a wordo mata un un forma hopi violento. E descubrimento aki a laga tur trahado di e hotel e tempo ey y tambe henter Aruba den un shock. <img class="alignnone wp-image-141203 hoverZoomLink" src="/watermark/watermark.php?filename=https://arubanative.com/cms/wp-content/uploads/2020/07/Resizer_15937355167100.jpg" alt="" width="224" height="183" /> <em>esaki ta un ilustracion di e descubrimento den forma di un pintura </em> Den e oranan di mainta e hotel manager tabata man na cabes buscando un manera pa trata na cera e suma aki prome cu 9'or, pero e suma aki tabata mucho grandi e tempo ey, e hotel no tabata tin'e na cash. E hotel manager a acerca banco pero no tabata posibel pa cera esaki prome cu 9'or. Polis a bay di biaha pa e chef Cook y mesora a deten'e como sospechoso principal di asesinato. Despues a bin sali na cla cu e Chef Cook y e victima algun tempo caba tabata tin basta problema cu otro. Segun e investigacion di recherchenan, mas sigur e asesinato a tuma lugar den careda di mey anochi y despues e Chef Cook lo a hinka e curpa sin bida den e freezer y a core esaki, hib'e den e storeroom bandona. Tambe for di e investigacionnan a sali na cla cu algun hotel guests a mira e chef cook sali cu e freezer for di e hotel y tambe con e chef cook pusha e freezer y hib'e den e storeroom bandona. E mesun freezer aki ta den cual a haya e curpa sin bida di e koki Rohrer. Diabierna 5 di november 1971, e sospechoso principal kende tabata e Chef Cook R.B. di 26 aña a admiti di a mata su colega  Rohrer di 25 aña kende tambe tabata koki na Sheraton Hotel. Diabierna mainta a haci autopsia y e resultado tabata cu Rohrer a fayece door di a wordo strangula y su craneo tabata kibra. <em><strong>Ken e Chef Cook R.B. tabata nos no sa y sigur e lo a wordo sentencia, nos no tin datos di cuanto tempo e la keda encarcela, mirando cu ta casi 50 aña pasa y sigur a sinta su castigo te cu e la recobra su libertad. Nos no sa si e por ta na bida y si ta bibando ainda na Aruba. Esaki ta un di e crimennan di antes y cu e recherchenan di e tempo ey hopi lihe a logra soluciona. </strong></em> <img id="hzDownscaled" style="position: absolute; top: -10000px;" />
No items found.