Search articles

More history

Historia di Aruba: Tragedia pariba di Hudishibana, explosion a costa bida di tres persona

Sep 17, 2020
<em>E biaha aki nos lo dedica historia di Aruba, na un sucedido hopi tristo, den un tragedia tres militar Hulandes a perde nan bida durante un dia di training. Un eror humano di algun seconde cu a costa bida di tres persona, mientras 5 persona mas a keda herida, di cual dos tabata hopi grave.</em> <em><strong>Hudishibana, poco pariba di e cero aki, tabata tin antes un area caminda militarnan Hulandes tabata tene nan ehercicionan.</strong></em> <img class="alignnone wp-image-147663" src="/watermark/watermark.php?filename=https://arubanative.com/cms/wp-content/uploads/2020/09/2020-09-16_23-37-13.jpg" alt="" width="253" height="200" /> <strong><em>Hudishibana</em></strong> <strong>Riba diamars 11 di Juli 1961, den oranan di atardi na momento cu solo ya tabata cuminsa bay awa, e parti nort di Aruba a wordo sorprendi pa un zonido fuerte, un explosion, cu por a wordo scucha di leu, especialmente den e areanan di Malmok, Westpunt y Hudishibana. E explosion a wordo sigui pa gritonan di susto, di tristeza y dolor cual a marca historia e atardi aki. Un dia hopi scur y un golpi hopi grandi den e circulo militar di Reino Hulandes di e tempo ey.</strong> <strong>Ehercicio cu municion pisa </strong> Diamars henter dia por a mira mariniernan hopi activo entrenando riba e tereno di ehercicio di mariniernan na e parti nort di Aruba, antes cada biaha cu tabata tin ehercicionan militar, nan tabata pone avisonan, pa e pueblo no yega cerca. Riba e diamars aki e mariniernan tabata haciendo algun training di guera cu municionnan basta pisa. Durante e ultimo training pa cera e ehercicionan aki, un grupo di militar mester a practica cu mortier di 81 mm. <img class="alignnone wp-image-147667 hoverZoomLink" src="/watermark/watermark.php?filename=https://arubanative.com/cms/wp-content/uploads/2020/09/2020-09-17_14-54-37.jpg" alt="" width="264" height="161" /> <strong><em>Mortier di 81mm</em></strong> Despues di algun training cu explosivo caba, e ultimo ehercisio tabata pa mas o menos 6'or di atardi, den cual nan mester a tira un serie di 3 brisantgranaten. Na momento cu nan tabata hincando e granatnan den e mortier, nan a bay mucho lihe, ora nan a hinca e di dos granat cu a wordo poni ariba e loop di e mortier, sin cu e prome granaat no a sali ainda for di e loop di e mortier, e granatnan aki a dal na otro na e boca di e mortier y a explota. <img class="alignnone wp-image-147668 hoverZoomLink" src="/watermark/watermark.php?filename=https://arubanative.com/cms/wp-content/uploads/2020/09/2020-09-17_14-36-36.jpg" alt="" width="222" height="164" /> <strong>Explosion</strong> <strong>Dos Marinier a fayece mesora na e sitio</strong> E tirado, Marinier der Derde Klasse J.J. Struike di apenas 20 aña y tambe e ayudante, e Marinier der Derde Klasse M.C. Tulp di 19 aña, ambos kende tabata mas cerca di e explosion a fayece mesora na e sitio. Nan curpanan a keda completamente mutila y ni por a wordo reconoci. E Sargento di e mariniernan, A.K. Roeleveld di 44 aña, kende durante e training tabata e stukscommandant y alabes como waarnemer a keda seriamente herida, e la fayece den oranan laat di anochi na San Pedro Hospital. <img class="alignnone wp-image-147669" src="/watermark/watermark.php?filename=https://arubanative.com/cms/wp-content/uploads/2020/09/2020-09-17_15-00-06.jpg" alt="" width="323" height="161" /> <strong><em>San Pedro Hospital di Aruba</em></strong> <strong>Cinco militar a keda herida</strong> E Capitan di e mariniernan F.O.C. Schuch, como e prome oficial di Marinieskamp na Savaneta, tambe a asisti na e ehercicionan aki, mescos cu e Mortier Sectie Commandant, tweede Luitenant H.W. Van der Steeg. Shuch y Van der Steeg a keda seriamente herida na nan barica. E tweede Luitenant di Mariniernan M. Van den Graaf cu tambe a participa na e ehercicionan aki a wordo herida levemente. E marinier eerste Klasse C.k. M. Mens y L. Zijlstra kendenan tabata fungiendo e momentonan ey como e cargadonan di e municion tabata cu municion den nan man pa hiba na e mortier, na e momento ey nan tabata un poco leu, nan a tambe a resulta levemente herida. E marinier cu ta cuida enfermonan, M. Bouman tabata na e sitio y despues di e explosion mesora a cuminsa duna prome auxilio. E transportacion di e heridonan hopi grave a sosode hopi lihe cu ambulance di Marinierskazerne mes, cual tambe tabata staciona na e sitio di training. Mientras tanto e luitenant R. Van den Hoven, a cuminsa pidi pa presencia di mas ambulance pa asina por transporta e otro heridonan. <strong>Di tres militar cu a fayece</strong> Den oranan laat di diamars anochi pa diaranson mainta a drenta e noticia cu e Sergant Roeleveld a fayece den San Pedro Hospital, e la fayece di e heridanan serio cu e e la ricibi na su cabes y na su barica, durante e explosion. Un tragedia cu sigur a sacudi henter e poblacion di Aruba. Mientras tanto na Hulanda e famianan di e mariniernan cu a fayece a wordo informa di e sucedido tristo aki y tambe for di Korsou a yega Luitenant Kolonel di mariniernan Overste L.Pronk, pa asinta asisti na e entieronan. Marinier Struike (20) tabata biba na Nijmegen y Marinier Tulp (19) tabata biba na Oosterbeek, ambos a fayece mesora na e sitio di incidente. Roeleveld (44) tabata casa, cu dos yiu y tabata biba na Aruba. <strong>Comandante a manda un comunicado pa informa e situacion di e otro militarnan herida</strong> Den un comunicado Comandante Heinen a publica, cu aunke e dos militarnan hospitaliza ta seriamente herida, nan situacion no ta di peliger di morto. E dosnan seriamente herida tabata Kapitein F.O.C. Schuch di (34) kende alabes ta prome oficial, Schuch tabata biba na Aruba, e tabata casa y tabata tin un yiu. E otro marinier cu tambe tabata seriamente herida tabata Luitenant di Marinier H.W. van der Steeg di (21), kende no tabata casa y tabata biba na Heemstede, Hulanda. Tambe nan a publica cu tin tres otro militar mas cu ta levemente herida, tabata trata di 2de luitenant der Mariniers M. van de Graaf (22) kenda tabata biba na Den Haag, Hulanda. E otro tabata Marinier C.K.M. Mens (18) biba na Zeist y Marinier Zijlstra (19) cu tabata biba na Menaldumadeel Friesland. E ultimo dosnan por a sigui tratamento medico na e hospital di Savaneta Kamp mes. <strong>E tres mariniernan a wordo dera cu honor militar</strong> <em>Oranjestad: Diaranson 12 di Juli 1961, a tuma lugar e entiero di e tres mariniersnan cu a fayece durante e entrenamiento pariba di California Lighthouse, acompaña pa dignitarionan di Gobierno, di Marine y di Polis, representantenan di e organizacion " Onze Vloot". Tambe di vereniging van Reserve Officieren, seccion Aruba y centenares di hende mas tabata presente pa rindi respet na e tres mariniernan aki cu a wordo ranca na un forma hopi cruel for di e mundo aki.</em> <img class="alignnone wp-image-147670 hoverZoomLink" src="/watermark/watermark.php?filename=https://arubanative.com/cms/wp-content/uploads/2020/09/2020-09-15_21-26-12.jpg" alt="" width="219" height="179" /> <strong><em>Gezaghebber di Aruba di e tempo ey Sr. Beaujon dfm presente na e entiero di e militarnan</em></strong> E restonan mortal di sargento A. Roeleveld y di e mariniernan M. Tulp y A. Struike a wordo hiba santana despues di e ceremonionan religioso cu a tuma lugar den Kerki Protestant y Misa Catolico na Oranjestad. E restonan mortal di e marinier Struike for di trempan tabata den Misa San Francisco na Playa, despues di un sacrificio di misa, e la wordo hiba cu shersh. Padernan Copray y Weenink a compañ'e pa Santana Catolico na Playa. Prome cu a drenta den santana, un grupo di marinier den uniform blanco a manda un tiro di salute, despues nan a presenta cu tamboer y pijper na honor di e mariniernan. <img class="alignnone wp-image-147671 hoverZoomLink" src="/watermark/watermark.php?filename=https://arubanative.com/cms/wp-content/uploads/2020/09/2020-09-15_21-27-00.jpg" alt="" width="244" height="218" /> E restonan mortal di sargent Roeleveld y di marinier Tulp tabata reposa den Kerki Protestant na Playa y pa 4'or y 15 a cuminsa cu un sirbishi di misa cu a caba pa 4'or y 45, despues nan a wordo hiba pa Santana Protestant na Playa. E stoet tabata hopi largo, e militarnan a wordo acompaña pa Gezaghebber di e tempo ey cu tabata Gezaghebber Beaujon kende a cana patras di e shersh y na banda di e shersh por a mira luitenant Kolonel di Mariniernan Overste L. Pronk y comandante di mariniernan na Aruba Majoor Heinen. Deputadonan di e tempo ey, De Cuba, Visser y Jakobs, Comisario di e tempo ey De Jager y hoofdinspecteur Mol, tambe varios otro personan di Gobierno, comerciantenan y cantidad grandi di coleganan marinier a compaña e restonan mortal na nan ultimo lugar di sosiego. <img class="alignnone size-full wp-image-147675" src="/watermark/watermark.php?filename=https://arubanative.com/cms/wp-content/uploads/2020/09/2020-09-17_15-30-43.jpg" alt="" width="314" height="205" /> <strong><em>Mariniernan para riba rij pa brinda honor na nan coleganan cu a fayece</em></strong> E cayanan di Oranjestad tur caminda tabata tin gruponan di hende para ta warda e stoet pasa, esaki for di misa Protestant te na Santana fila largo di hende para canto di caminda. Un rato despues cu e stoet di Struike a yega santana, e restonan mortal di e dos otro militarnan tambe a yega na porta di santana protestant, for di leu por a tende hopi yoramento y varios hende buscando lugar pa para na e entrada di Santana, pa mustra nan respet na e fayecidonan of djis pa curiosidad. <img class="alignnone wp-image-147672" src="/watermark/watermark.php?filename=https://arubanative.com/cms/wp-content/uploads/2020/09/2020-09-15_21-11-17.jpg" alt="" width="208" height="210" /> <em><strong>Yegada di e stoet na Santana</strong></em> Den Santana Protestant, despues cu e dos cahanan a wordo poni riba nan graf, e Vloot predikant di mariniernan Kruinen a haci un oracion chikito. Majoor Heinen a tene un discurso cortico, den cual e la conmemora y mustra e balor di e tres mariniernan cu a bay. Sargento Roeleveld tabata tin 44 aña di edad y tabata tin 25 aña den servicio militar. Majoor Heinen a sigui bisa cu semper e la mustra di ta un militar ehemplar. Tambe ela elogia e capacidad di e dos mariniernan Tulp y Struike kendenan tabata tin apenas 10 luna den servicio militar. Heinen: "Nan tres a muri pa e paz cu'e mundo liber tanto ta desea" asina e la caba su discurso. <img class="alignnone wp-image-147673" src="/watermark/watermark.php?filename=https://arubanative.com/cms/wp-content/uploads/2020/09/2020-09-15_21-30-45.jpg" alt="" width="265" height="235" /> <b><i>Mariniernan cargando un di e cahanan </i></b> Gezaghebber Beaujon tambe a dirgi algun palabra den nomber di e pueblo di Aruba. Dominee Visser na final di e ceremonia a reza un Nos Tata y rogando Dios pa descanso di alma di e fayecidonan. Tabata tin un cantidad grandi di krans cu a wordo deposita na e grafnan. Den santana Catolico tambe a tuma lugar un ceremonia na honor di e marinier Struike. Aki Overste Pronk kende alabes ta representa e commandant di Zeemacht, a tene un discurso den cual e la bisa "cu mundo awendia cada bes ta yen di tension, ta necesario pa tene ehericicionan aki, aunke cu tin hopi bes consecuencianan peligroso manera den e caso aki, di e tres militarnan". Pader Copray tambe a tene un oracion pa termina e ceremonianan di e atardi. Den santana despues di e parti oficial esnan presente a haya chens di condoleer Sra. Roeleveld y su yiunan kendenan mester a sigui nan bida sin su esposo y sin nan tata. <img class="alignnone wp-image-147674" src="/watermark/watermark.php?filename=https://arubanative.com/cms/wp-content/uploads/2020/09/2020-09-15_21-30-04.jpg" alt="" width="267" height="278" /> <strong><em>Un momento hopi tristo na momento cu Sra. Roeleveld y su yiunan yorando ta mira con nan ta hincando nan ser keri den Graf</em></strong> Fuente:<em>Leidsche Dagblad, Arubaanse Courant, peticion di un persona anonimo cu tambe a duna informacionnan valioso</em>
No items found.