Search articles

More history

Historia di Aruba: Un dia manera awe, ultimo dia di aña

Dec 31, 2020
<strong>31 di December,</strong> <em>Semper fin di aña tin hopi cos ta pasa, cosnan tristo, tragedia etc. E biaha aki Arubanative.com a compila algun suseso cu a yega di sosode na Aruba riba 31 di December.</em> <em><strong>Bo tabata sa cu riba 31 di December 1950, Aruba tabata tin solamente 53.205 habitante</strong></em> <strong><img class="alignnone wp-image-157735" src="/watermark/watermark.php?filename=https://arubanative.com/cms/wp-content/uploads/2020/12/2020-12-31_14-41-55.jpg" alt="" width="265" height="149" /></strong> <strong>31 di December 1951:</strong><em><strong> Cas a kima por completo</strong> </em> Den Kloosterweg, actualmente Dominicanessestraat un di dos casnan pega na otro (dubbelwoning) di palo a pega candela, polis y brandweer a trata tur manera di scapa e cas, pero e candela feros a destrosa e cas di palo y tur locual tabata tin aden por completo. Brandweer pa e candela no expande y kima e otro cas na banda a muha esaki cu awa. E cas cu a kima tabata di cas di juffrouw Duverdi. <strong>31 di December 1963:</strong> <em><strong>Un cabayero di fam Flanegin di Sabana Grandi a fayece na e kemaduranan serio cu e la ricibi e dia anterior.</strong></em> Diadomingo 30 di December un polis cu a caba di traha a scucha cu un homber lo kier a cende su curpa na candela, mesora e la bay pero ya a topa cu e persona na candela. E persona a basha kerosin riba su curpa, a pasa man pa swafel y a cende su curpa na candela. Mesora nan a tira un deken riba dje y a hibe hospital. Su situacion tabata hopi critico un gran parti di su curpa tabata kima y pa su mañan e la fayece. <img class="alignnone wp-image-157736" src="/watermark/watermark.php?filename=https://arubanative.com/cms/wp-content/uploads/2020/12/2020-12-21_15-42-21-1.jpg" alt="" width="235" height="135" /> <strong>31 di December 1969:</strong> <em><strong>Un barbero rabia a bay los algun tiro pa spanta un grupo di mucha y a tire den su pia.</strong></em> Durante dia for di trempan un grupito di mucha basta hoben tabata pasa dilanti di e barbershop den playa y tabata tira klapchi den e barbershop. E barbero a cansa di e wega aki y na dado momento e barbero a dicidi di bay cas coi su revolver y los varios tiro den direcion di e grupo di mucha, cu e intencion di spantanan bek, pero pa su mala suerte un  di e muchanan a ricibi un impacto di bala na su pia. <img class="alignnone wp-image-157737" src="/watermark/watermark.php?filename=https://arubanative.com/cms/wp-content/uploads/2020/12/2020-12-31_14-45-07.jpg" alt="" width="209" height="152" /> <strong>31 di december 1975: <em>Dos candela enorme a domina tur noticia e dia aki</em></strong> Riba e ultimo dia di 1975, e edificio di FICA y La comunidad a keda completamente destrosa pa candela. Dia 31 di december 1975, den oranan di mainta alarma a wordo bati pa un candela feros den e oficina y warehouse di Farmaceutische Import Centrale Aruba (FICA) den Nieuwstraat. <img class="alignnone wp-image-157738" src="/watermark/watermark.php?filename=https://arubanative.com/cms/wp-content/uploads/2020/12/2020-12-31_1-09-50-1024x554.jpg" alt="" width="233" height="126" /> Muy probablemente kortsluiting tabata e motibo di e candela. E candela lo a haci un daño di mas di 250 mil florin (e tempo ey). Den careda di 4 'or di marduga vlamnan feros di candela tabata sali for di cu e edificio FICA, especialmente for di e warehouse unda tabata warda un cantidad di remedi. Na yegada polis y brandweer a nota cu e candela a domina e edificio por completo caba. Aparentemente e candela a cuminsa despues cu e anochi anterior tres biaha coriente a bay y esaki lo a afecta e airco cu mester a keda 24 ora pa dia cendi, pa e remedinan cu nan tabata tin warda den e warehouse aki. FICA a perde tur e remedinan cu nan tabata tin warda den nan warehouse. <img class="alignnone wp-image-157739" src="/watermark/watermark.php?filename=https://arubanative.com/cms/wp-content/uploads/2020/12/2020-12-31_1-09-22.jpg" alt="" width="252" height="147" /> Den careda di 7 'or y mey di anochi un biaha mas brandweer mester a sali pa un candela grandi. E biaha aki tabata trata di e warehouse di e negoshi La Comunidad cu tabata situa den J.G.Emanstraat, den e warehouse aki nan tabata warda vuurwerk. Probablemente e candela a cuminsa door di cendemento di vuurwerk. E daño tabata grandi, no solamente daño di candela pero tambe hopi daño di awe. Pa colmo e hoogwerker di brandweer na momento cu e tabata bayendo patras di La Comunidad, e la dal contra e gevel di Hotel Centraal y a ocasiona daño eynan tambe. A dura mas cu un ora pa Brandweer por a domina e candela, polis no a cera e camindanan y mironesnan tabata obstaculisa trabou di brandweer. <strong>31 di December 1976: Candela grandi den Nassaustraat, ( Caya G.F. Betico Croes actualmente)</strong> Diabierna 31 di December 1976, den careda di 12'or y 45 a drenta un informe na polis cu e fabrica di refresco Aruba Bottling Company den Nassaustraat ta na candela. Mesora a manda brandweer na e sitio, como 6 truck di brandweer a bay na e sitio pa combati e candela. Den mas o menos un ora nan a logra domina e candela por completo, brandweer a keda te 5'or di mainta pa caba di spuit y kibra partinan di e edificio cu lo por tabata forma peliger. Door cu brandweer a actua hopi lihe e parti di dilanti so a kima, pero e parti patras cu e bijbouw nobo a keda intacto. <img class="alignnone wp-image-157740" src="/watermark/watermark.php?filename=https://arubanative.com/cms/wp-content/uploads/2020/12/2020-12-31_1-11-18.jpg" alt="" width="241" height="175" /> <strong>31 di december 1978: </strong> <em><strong>Chinesnan residencia pa prome biaha a celebra cambio di aña segun nan tradicion</strong></em> Pa prome biaha cu e chinesnan residencia na Aruba a mustra Aruba con nan ta celebra cambio di aña un show  tradicional tabata tin den cayanan di Oranjestad. Den oranan di anochi prome cu mey anochi nan a haci full un show cu a hala atencion di hopi hende na Aruba. Un grupo di Chines a subi caya cu nan musica y bailando cu nan dragon. Nan a pasa den e cayanan di Oranjestad, gastando asina miles y miles di florin tirando vuurwerk. Na dado momento nan a pone e dragon riba vloer y na boca di e dragon nan a pone un baki cu varios cosnan di nan creyencia.  E tabata un show hopi bunita cu ta den exterior so ta wordo haci pero e 31 di december 1978 Aruba tabata testigo di e bunita tradicion Chines. <img class="alignnone wp-image-157741" src="/watermark/watermark.php?filename=https://arubanative.com/cms/wp-content/uploads/2020/12/31-dec-1978-chinesnn-celebrando-anja-nobo.jpg" alt="" width="269" height="152" /> <img class="alignnone wp-image-157742" src="/watermark/watermark.php?filename=https://arubanative.com/cms/wp-content/uploads/2020/12/31-dec-1978-chinesnn-celebrando-anja-nobo1.jpg" alt="" width="265" height="197" />
No items found.