Search articles

More history

Historia di Aruba: White Star, un bunita recuerdo di temponan bon di San Nicolas

Oct 16, 2019
<strong>San Nicolas: White Star, un grocery store di famia Tang, den B. van de Veen Zeppenveldstraat cu ta existi pa mas di 89 aña y loke ta haci nos mas curioso ta, con e famia a sa di mantene e tienda aki den su estado original pa oficialmente casi un siglo.</strong> Arubanative.com a hiba un combersacion masha ameno y hopi interesante cu Sr. William Tang y cu permiso di su persona, Arubanative.com a dicidi di publica e informacion aki. <strong><em>Historia di White Star</em></strong> Na cuminsamento di siglo 20, Tang Toong, un hoben procedente di China a yega Aruba y tabata sondea e posibilidad pa habri un negoshi na Aruba, esaki tabata casu den e mesun tempo cu LAGO a haci su entrada na Aruba. Tang Toong no a perde pa gana y a escohe San Nicolas, e districto pa biba y pa lanta su negoshi. E tempo ey e caya principal tabata di tera y tabata tin masha tiki negoshi den e caya aki. [caption id="attachment_40562" align="aligncenter" width="539"]<img class="wp-image-40562" src="https://arubanative.com/cms/wp-content/uploads/2018/02/White-Star-14-1-1024x741.jpg" alt="" width="539" height="390" /> E tienda den su estado original[/caption] <strong>Forma su famia</strong> Despues cu Tang a habri su Grocery Store ela bay China bay buska e amor di su bida, nan a casa y for di e matrimonio aki a nace 7 yiu, cual dos yiu so a keda Aruba y e otronan a bay buska nan porvenir den exterior. <strong>Temponan bon di San Nicolas</strong> Na aña 1929 Tang Toong oficialmente a registra su negoshi como White Star den B. Van de Veen Zeppenveldstraat, San Nicolas. Durante e tempo bon di LAGO e caya principal di San Nicolas tabata florece cu varios negoshi y hopi bishitante. White Star tambe a disfruta di e tempo bon aki y tabata wordo hopi bishita especialmente pa e trahadornan di LAGO, tur dia di siman, e tienda aki tabata druk cu cliente. [caption id="attachment_40523" align="aligncenter" width="419"]<img class="wp-image-40523 size-full" src="https://arubanative.com/cms/wp-content/uploads/2018/02/white-star-old.jpg" alt="" width="419" height="270" /> Tempo di LAGO, tempo cos tabata bon pa commerciantenan di San Nicolas[/caption] <strong>Tang a diversifica su negoshi</strong> E negoshi tabata bayendo hopi bon y Tang Toong a dicidi di habri un carniceria na banda di e grocery store. E ruman homber di su señora tabata maneha e carniceria aki, e carniceria tabata haya carni fresco for di abatoire, esey tabata tempo cu na Aruba mes nan tabata mata baca. <strong>Tang Toong a bay sosega y famia a tuma over</strong> Na aña 1990, Dios a tuma Tang Toong den su reino. E mesun tempo aki e famia a dicidi tambe di cera e carniceria y sigui cu e grocery store Semper famia Tang a biba na San nicolas, e dos yiunan cu a keda Aruba hunto cu nan mama a sigui cu e negoshi di Tang Toong. E casa di defunto Tang Toong, ta na bida, pero tin su edad y no ta capas mas pa traha den tienda. E yiu homber cu yama William Tang hunto cu su casa actualmente ta manehando White Star. <strong>E negoshi a keda manteni den su estado original</strong> William a conta nos di arubanative.com cu nan a keda mantene e negoshi den su estado original desde cu su defunto tata a habri'e y a lague atras pa nan. E tranchetnan, toonbank, portanan etc. ta data for di prome cu 1929, casi un siglo bieu. Segun William, tur cos a keda mescos, djes durante añanan e productonan naturalmente ta cambia. [caption id="attachment_40556" align="aligncenter" width="640"]<img class="wp-image-40556 size-large" src="https://arubanative.com/cms/wp-content/uploads/2018/02/White-Star-2-1024x683.jpg" alt="" width="640" height="427" /> Toonbank y forma di stiwa producto a keda mescos[/caption] E style di e cortinanan colga na e portanan ta algo cu su defunto tata a bin cune y durante aña a cambia e cortinanan pero nunca a laga e portanan sin un pida cortina na e parti ariba, esey ta pa yuda protega su productonan y su clientenan contra solo. [caption id="attachment_40560" align="aligncenter" width="573"]<img class="wp-image-40560" src="https://arubanative.com/cms/wp-content/uploads/2018/02/White-Star-11-1024x683.jpg" alt="" width="573" height="382" /> E cortinanan na halto pa protega contra solo y e dak di palo berde a keda original[/caption] Un otro cos cu sigur a cambia ta su clientela, e generacion di clientenan di e tempo bon di LAGO mayoria no tey mas. Pero te ainda White Star ta gosa di un grupo di cliente fiel, generacion nobo, otro tipo di cliente, pero cu ta keda contribui na e existencia di White Star. [caption id="attachment_40558" align="aligncenter" width="587"]<img class="wp-image-40558 " src="https://arubanative.com/cms/wp-content/uploads/2018/02/White-Star-6-1024x683.jpg" alt="" width="587" height="392" /> E mosaicnan a keda mescos, cliente a cambia[/caption] White Star ta habri di Dialuna pa Diasabra for di 7.45 am te 12.00 y di 2.45 pm te 6.30 pm. Diaranson merdia y Diadomingo nan ta cera. <strong>No ta sigur cu e siguiente generacion di Tang lo sigui cu White Star</strong> William a conta nos di Arubanative.com cu te na e momentonan aki, den e siguiente generacion di famia Tang no tin mucho interes pa sigui cu e negoshi aki, mayoria lo a escoge un carrera caba. Pues no por bisa cu si e siguiente generacion di famia Tang lo continua cu White Star, e negoshi cu nan welo of bisawelo a establece na comienso di siglo 20. Un cos ta sigur cu White Star a marca historia, White star a conoce temponan hopi bon y menos bon di San Nicolas. Hopi a bin y hopi a bay, pero White Star a sa di mantene su existencia y famia Tang a sa di mantene tambe den su estado original data for di prome cu 1929. [caption id="attachment_40557" align="aligncenter" width="556"]<img class="wp-image-40557 " src="https://arubanative.com/cms/wp-content/uploads/2018/02/White-Star-4-1024x683.jpg" alt="" width="556" height="371" /> Reki , cashi y toonbank a keda mescos for di prome cu 1929[/caption] Na Aruba hopi di e negoshinan di antes no ta existi mas, y nos di Arubanative kier a invita tur nos bishitantenan pa bishita White Star y asina por mira con e shapnan di antes tabata mustra 90 aña pasa, mira unda nos mayornan, nos welonan, nos bisawelonan tabata bay pa cumpra comestibles. [caption id="attachment_40561" align="aligncenter" width="566"]<img class="wp-image-40561" src="https://arubanative.com/cms/wp-content/uploads/2018/02/White-Star-13-1024x550.jpg" alt="" width="566" height="304" /> Actualmente den e tienda ainda tin e toonbank y tranchet nan di tempo cu e tienda a habri[/caption] [caption id="attachment_40559" align="aligncenter" width="595"]<img class="wp-image-40559 " src="https://arubanative.com/cms/wp-content/uploads/2018/02/White-Star-8-1024x683.jpg" alt="" width="595" height="397" /> botternan cu ta pone mangel aden pa bende[/caption] [caption id="attachment_40584" align="aligncenter" width="900"]<img class="wp-image-40584 size-full" src="https://arubanative.com/cms/wp-content/uploads/2018/02/FB_IMG_1518822585209-1.jpg" alt="" width="900" height="357" /> White Star den añanan 50 y den aña 2018, no tin diferencia, su rond a cambia, pero e negoshi a keda mescos[/caption]
No items found.