Search articles

Just in...

Court

10 aña di prison exigi pa homber cu a tira riba un otro na Sabana Basora

Dec 17, 2022
How to Share With Just Friends

How to share with just friends.

Posted by Facebook on Friday, December 5, 2014

 ORANJESTAD – Diabierna mainta den Corte di Husticia a trata otro caso di tiramento for di auto (drive by shooting) na Sabana Basora. E sospechosonan ta e hombernan S.G.(21) y A.M. (23), kendenan ta wordo acusa di intento di asesinato, posecion di arma di candela y subsidiario amenaza riba 16 Juli 2022 na Sabana Basora.ARUBANATIVE por a compronde cu Fiscal a baha pisa riba e dos sospechosonan mustrando cu e asuntonan di tiramento ta un problema hopi serio na Aruba.Fiscal a acusa S.G. y A.M. di intento di asesinato na Sabana Basora riba 16 Juli 2022, caminda a tira riba e homber J.G.C. Tambe Fiscal ta acusa nan di posecion di arma di candela. Fiscal a bisa cu subsidiario e ta acusa e dos sospechosonan di amenaza door di a tira den direccion di J.G.C. Tambe Fiscal a pidi Hues pa ehecuta e 3 luna di prison condicional cu tabata colga riba cabez di A.M. El a mustra cu na Februari 2020, Hues a condena A.M. na 12 luna di prison di cual 3 luna ta condicional pa posecion di arma di candela. A.M. a haci e delito di cual e ta wordo sospecha den su tempo di prueba.SOSPECHOSO TA NENGA DI A TIRAHues a puntra A.M. si el a tira. El a nenga di a tira pero a admiti cu e tabata den e auto. Tabata 6.30 di mainta ora cu e tiramento a sosode. Hues a puntra A.M., kende a bisa cu e tabata stuur, pakico a bay eynan. El a bisa cu e no sa pakico. El a bisa cu el a pasa 2 vez dilanti e cas. E no kier a bisa Hues for di unda el a bin. Hues a bisa cu na Polis, A.M. a bisa cu for di e auto a tira riba J.G.C. na e cas. J.G.C. tabata para na su auto y el a bisa Polis cu ta riba dje nan a tira. Segun A.M. a tira den laira pero no ariba hende. El a bisa cu un tal Shac cu tabata cu nan a los tiro. Hues a bisa cu J.G.C.(Jorito) a declara na Polis cu e conoce A.M. y cu ta A.M. a tira. A.M. no a bisa nada ariba esey. Hues a sigui bisa cu J.G.C. a bisa cu A.M. tabatin un revolver den su man. A.M. a nenga esaki y a bisa cu ta Shac ta esun cu a tira. E auto ta right drive y A.M. tabata stuur. Hues a remarca cu e ora ey ta A.M. mester a tira pasobra e tabata hopi dificil pa Shac, sinta na banda por a tira riba J.G.C. cu tabata na banda drechi di caminda. A.M. a bisa cu e tabata bou influencia di alcohol. Cada vez cu Hues puntra pakico a bay eynan, A.M. a bisa cu e no ta bisa nada.TIN PRUEBA CU E SOSPECHOSO A TIRAHues a bisa cu a haci investigacion riba man di ambos sospechoso pa haya indicacion di polvora di arma. Hues a bisa cu riba man di A.M. a haya e prueba cu ta A.M. a tira. A.M. a bisa cu e no ta bisa nada. Ariba S.G. su man no a haya ningun indicacion cu el a tira.PERSECUSION Y TIRAMENTOHues a sigui cu S.G a bisa cu e no tabata den e auto ora e tiramento a sosode. Hues a bisa cu Polis a persigui e auto despues di e tiramento y a para esaki. E ora ey S.G. tabata den e auto hunto cu A.M. Ambos a baha for di e auto y core bay. Polis a los tiro di advertencia. Finalmente tur dos a wordo deteni na Pos Chiquito. Den cura di un cas a bin haya e revolver. Segun S.G. den su spanto el a coy e revolver for den e auto y core bay cun’e y den e cura cu e tabata scondi, a haya e revolver. El a bisa Hues cu e revolver no ta di dje.VIDEO DI TIRAMENTOHues a dicidi di pasa video di camera di seguridad. Por a mira e auto ta pasa dilanti e cas caminda J.G.C. tabata para dilanti su auto cu e hood habri. Na dado momento por mira cu e auto maneha pa A.M. ta bini y ta pasa poco poco. Net ora e auto tabata na banda di J.G.C., diripiente ta mira J.G.C. ta buk y core. E momento ey tiro lo a cay. Hues a remarca cu si A.M. ta bisa cu ta Shac a tira, Shac lo mester a dobla riba A.M. pa por a tira. A.M. a bisa Hues cu e tabata burachi. Ta asina cu despues di e tiramento, nan a bolbe pasa pa mira si a herida J.G.C. Despues A.M. a bay baha J.G.C. ey banda mes. A.M. a bisa Hues cu e no ta corda, kende a bin cu e idea pa pasa na e cas ey.A HAYA IMPACTO DI E BALAHues a bisa cu ta un rato despues di e tiramento a detene A.M. y S.G. El a puntra S.G. si no ta e ta esun cu a tira. Despues di e persecusion a haya e revolver cu S.G. tabatin y a tira afor den un cura. Hues a bisa cu investigacion riba e revolver ta mustra cu a los un tiro y tabatin tres bala mas den e cylinder. Hues a bisa cu a haya impacto di bala den cura di e cas.Segun A.M., na Mangel Halto el a topa S.G. y nan a bay hunto. Segun A.M., despues di e tiramento, S.G. a yam’e si por busk’e pa hib’e cas. El a bisa cu S.G. no tin nada di haci cu e tiramento. Segun S.G. e conoce Shac y cu Shac tabata na Mangel Halto mas tempran. A.M. a bisa Hues cu el a bisa Shac cu e lo bay tira e arma afor. Pero en realidad no ta asina. Ta asina cu Shac a laga e arma patras bou asiento. Ta despues A.M. a haya sa.SOSPECHOSO CONDENA CABA PA ARMAHues a bisa cu A.M. ya a haya condena pa posecion di arma. Esey ta mustra bon cla cu A.M. sa cu e no por tin arma.Fiscal a haci un serie di pregunta na tanto A.M. como S.G. For di e serie di preguntanan Fiscal kier haya claridad si realmente tabatin un tal Shac den e auto of si ta S.G. ta esun cu a tira. Tanto A.M. como S.G. a para riba cu nan no a tira.FISCAL A BAHA PISAPa cu e castigo, Fiscal a bisa cu e ta tene cuenta cu A.M. tin un condena caba pa posecion di arma. Ta mustra cu A.M. no a siña. El a pidi Hues pa ehecuta e 3 luna di prison condicional riba e castigo cu e ta bay exigi pa A.M. Fiscal a bisa cu tiramento ta un problema serio na Aruba. Recien tabatin dos morto door di tiramento. Pesey Ministerio Publico ta baha cu man duro. El a mustra cu segun maneho di Ministerio Publico, pa tin arma ta exigi 2 aña di prison y pa purba asesinato, 8 aña di prison. Fiscal a exigi pa S.G. 18 luna di prison di cual 6 luna ta condicional cu 3 aָña di prueba. Pa A.M., Fiscal a bisa cu e ta considera A.M. un recidivista y a exigi 10 aña di prison. Tame el a exigi pa destrui e arma y e auto lo mester keda confisca.

ReplyForward

No items found.
No items found.